Навіны

Пытанні рэгулявання канкурэнцыі на лічбавых рынках, у тым ліку магчымасць устанаўлення балансу паміж інтарэсамі ўдзельнікаў і стымуламі для развіцця гэтых рынкаў, абмеркавалі падчас сесіі «Ex-ante vs Ex-post-рэгуляванне канкурэнцыі, змова ў дзяржзакупках і лічбавая трансфармацыя» ў рамках II Еўразійскага эканамічнага форуму, які стартаваў сёння Маскве.

У сесіі прынялі ўдзел прадстаўнікі антыманапольнага блока Еўразійскай эканамічнай камісіі, Суда Еўразійскага эканамічнага саюза, рэгулятараў краін ЕАЭС і Узбекістана ў сферы канкурэнцыі і дзяржзакупак, падраздзялення па канкурэнцыі і спажывецкай палітыцы Канферэнцыі Арганізацыі Аб'яднаных Нацый па гандлі і развіцці (ЮНКТАД), Камісіі па канкурэнцыі агульнага рынку Ўсходняй і Паўднёвай Афрыкі (КАМЕСА), Міжнароднага цэнтра канкурэнтнага права і палітыкі краін БРІКС, а таксама прадстаўнікі бізнесу.

Удзельнікі адзначылі, што лічбавая эканоміка імкліва сцірае межы рынкаў і ставіць перад антыманапольнымі органамі складаны выбар: прытрымлівацца практыкі папераджальнага рэгулявання або выбраць рэгуляванне пастфактум.

Таксама прысутныя прыйшлі да высновы, што пры рэгуляванні лічбавых рынкаў, якія хутка развіваюцца, неабходна выканаць баланс паміж інтарэсамі спажыўцоў і абаронай канкурэнцыі на гэтых рынках. 

«Увядзенне занадта жорсткага рэгулявання непазбежна прывядзе да зніжэння якасці паслуг і канкурэнцыі. Калі ж рэгулятары празмерна «адпусцяць» сітуацыю, гэта можа прывесці да манапалізацыі лічбавых рынкаў. Таму мадэлі ех-ante і ех-post-рэгулявання павінны выкарыстоўвацца паралельна, з улікам інтарэсаў усіх гульцоў», – адзначыў міністр па канкурэнцыі і антыманапольным рэгуляванні Еўразійскай эканамічнай камісіі Бахыт Султанаў.

Акрамя гэтага, удзельнікі абмеркавалі тэму лічбавай трансфармацыі дзяржаўных закупак і дзяржрэгуляванне лічбавых платформаў. Прадстаўнікі Суда ЕАЭС распавялі пра ўплыў кансультатыўных заключэнняў на прававое рэгуляванне ў сферы канкурэнцыі і дзяржаўных закупак.