Навіны

Савет Еўразійскай эканамічнай камісіі прыняў рашэнне вызваліць ад увазной мытнай пошліны аксіды тытана, якія ўвозяцца на тэрыторыю Рэспублікі Беларусь для вытворчасці хімічных валокнаў і нітак у аб’ёме не больш за 360 тон штогод, па 31 снежня 2023 года. Тарыфная льгота будзе прымяняцца пры пацвярджэнні мэтавага прызначэння тавараў, якія імпартуюцца.

«Неабходнасць прыняцця меры мытна-тарыфнага рэгулявання звязана з тым, што ў цяперашні час аксіды тытана неабходнага для беларускіх прадпрыемстваў складу ў краінах Еўразійскага эканамічнага саюза не вырабляюцца», – пракаменціравалі рашэнне ў гандлёвым блоку ЕЭК.

Дакумент ўступае ў сілу па заканчэнні 10 каляндарных дзён ад даты яго афіцыйнага апублікавання.