Навіны

22.04.2016

27-е пасяджэнне Кансультатыўнага камітэта па мытным рэгуляванні

22 красавіка ў Маскве пад старшынствам члена Калегіі (Міністра) па мытным супрацоўніцтве ЕЭК Мукая Кадыркулава адбудзецца 27-е пасяджэнне Кансультатыўнага камітэта па мытным рэгуляванні. У пасяджэнні возьмуць удзел прадстаўнікі дзяржаўных органаў і бізнес-суполак дзяржаў-членаў ЕАЭС. Падчас пасяджэння будуць разгледжаны пытанні далучэння дзяржаў-членаў ЕАЭС да агульных працэсаў у мытнай сферы ў частцы фарміравання, вядзення і выкарыстання рэестраў асоб, якія ажыццяўляюць дзейнасць у сферы мытнай справы. Члены Кансультатыўнага камітэта абмяркуюць магчымасці выкарыстання электронных пломбаў (сістэм адсочвання пазіцыянавання) у дачыненні да часова ўвезеных транспартных сродкаў для асабістага карыстання. Акрамя таго, эксперты прадставяць праект Рэкамендацыі Калегіі Еўразійскай эканамічнай камісіі «Аб забеспячэнні аднастайнай правапрымяняльнай практыкі мытных органаў пры кантролі захавання часовых мер нетарыфнага рэгулявання, якія ўводзяцца і прымяняюцца дзяржавамі-членамі Еўразійскага эканамічнага саюза ў аднабаковым парадку ў гандлі з трэцімі краінамі» і вынікі яго разгляду дзяржавамі-членамі Еўразійскага эканамічнага саюза.