Навіны

09.02.2024 (Обновлено: 13.02.2024 09:49)

Гоар Барсегян заклікала бізнес ЕАЭС да актыўнага ўдзелу ў рэалізацыі новага фінансавага механізму

Укараненне механізму фінансавай падтрымкі кааперацыйных праектаў у Еўразійскім эканамічным саюзе дазволіць рэальнаму сектару эканомікі выйсці на новы ўзровень еўразійскай інтэграцыі. Пра гэта заявіла міністр па прамысловасці і аграпрамысловым комплексе Еўразійскай эканамічнай камісіі Гоар Барсегян на Міжнародным форуме «Расія 2030 і новы сусветны эканамічны парадак: ключавыя фактары і роля бізнесу».

«Рэалізацыя новага механізму будзе садзейнічаць вырашэнню асноўных задач развіцця прамысловасці, адлюстраваных у Дэкларацыі аб далейшым развіцці эканамічных працэсаў у рамках ЕАЭС да 2030 года і на перыяд да 2045 года, – заявіла Гоар Барсегян. – Гаворка ідзе пра фарміраванне агульнай прасторы кааперацыйнага ўзаемадзеяння і супрацоўніцтва, а таксама забеспячэнне агульнага рынку ЕАЭС ключавымі таварамі». 

Міністр падкрэсліла, што новая форма фінансавай падтрымкі кааперацыйных праектаў павысіць інвестыцыйную прывабнасць краін Саюза, і заклікала аб'яднанні дзелавых колаў і прадстаўнікоў бізнесу да актыўнага ўдзелу ў практычнай рэалізацыі новага наднацыянальнага інструмента.

Таксама Гоар Барсегян адзначыла, што Старшыня Вышэйшага Еўразійскага эканамічнага савета, Прэм'ер-міністр Рэспублікі Арменія Нікол Пашынян у сваім звароце да кіраўнікоў дзяржаў - членаў ЕАЭС сярод ключавых прыярытэтаў старшынства Рэспублікі Арменія ў органах Саюза асаблівую ўвагу надаў пытанням харчовай бяспекі і развіццю аграпрамысловага комплексу.

«Узровень забяспечанасці краін ЕАЭС асноўнымі відамі харчавання дасягнуў 93 працэнтаў. Гэта дазваляе дзяржавам-членам эфектыўна процідзейнічаць выклікам, якія ўзнікаюць, на калектыўнай аснове», – адзначыла міністр ЕЭК.

У заключэнне Гоар Барсегян падкрэсліла важнасць эфектыўнага выкарыстання пераваг, якія дзяржавам-членам дае інтэграцыя. На думку міністра, узаемадапаўняльнасць эканомік краін «пяцёркі» дазваляе ім ставіць самыя амбіцыйныя мэты, як для павышэння ўзроўню жыцця радавых грамадзян, так і для паляпшэння дзелавога асяроддзя на ўсёй еўразійскай прасторы.

Даведка

Міжнародны форум «Расія 2030 і новы сусветны эканамічны парадак: ключавыя фактары і роля бізнесу» адбыўся ў рамках Тыдня расійскага бізнесу – 2024 на пляцоўцы Расійскага саюза прамыслоўцаў і прадпрымальнікаў. У мерапрыемстве прынялі ўдзел намеснік Старшыні Ўрада Расійскай Федэрацыі Аляксей Авярчук, міністр эканамічнага развіцця Расійскай Федэрацыі Максім Рашэтнікаў, міністр па гандлі ЕЭК Андрэй Сляпнёў, а таксама прадстаўнікі расійскага бізнесу і дзяржструктур.