Навіны

Пра гэта Старшыня Калегіі ЕЭК Міхаіл Мясніковіч заявіў на міжнародным форуме «Эканамічныя баі без правіл: рэцэпты перамогі», які прайшоў у Маскве 22 лістапада ў Фінансавым універсітэце пры Ўрадзе Расійскай Федэрацыі.

«У цяперашніх умовах неабходна па-новаму паглядзець на пытанні развіцця ў нашым Саюзе. Разумнае спалучэнне стратэгічнага планавання і рынкавых адносін дадуць большы эфект. Мэтазгодна ініцыяваць стварэнне еўразійскіх кампаній, садзейнічаць росту інвестыцый і больш актыўна выкарыстоўваць нацыянальныя валюты ў эканамічным узаемадзеянні краін ЕАЭС. Мяркую, прыйшоў час падумаць аб распрацоўцы комплекснага нарматыўнага дакумента – абноўленага Дагавора аб Саюзе», – адзначыў Міхаіл Мясніковіч у сваім выступе.

Камісія ў мэтах стабілізацыі сітуацыі і забеспячэння ўстойлівага функцыянавання агульнага рынку прымае аператыўныя антыкрызісныя меры, што дазволіла некалькі змякчыць уплыў санкцый на эканоміку Саюза. Гэта абнуленне ўвазных мытных пошлін, павышэнне парога бяспошліннага ўвозу тавараў для асабістага спажывання фізічнымі асобамі, садзейнічанне «паралельнаму» імпарту і гэтак далей. Ацэначна гэтыя меры ўяўляюць сабой падтрымку кампаній і грамадзян на суму каля двух млрд дол. ЗША.Распрацаваны індыкатыўныя балансы асноўных харчовых тавараў у ЕАЭС. Краіны Саюза забяспечаны збожжам на 148% ад патрэбы, мясам – 98,5%, малаком – на 97%, цукрам – на 98,5%, раслінным алеем – на 194%. Гэта сведчыць аб высокай ступені харчовай бяспекі Еўразійскага эканамічнага саюза. На думку Міхаіла Мясніковіча, варта накіраваць намаганні і на стварэнне дзейсных інструментаў кіравання рэсурсамі ў ЕАЭС.

  «Прынятыя дзяржавамі-членамі ЕАЭС і Камісіяй рашэнні дазволілі па выніках першага паўгоддзя захаваць узровень сукупнага ВУП краін Саюза да аналагічнага перыяду 2021 года», – падкрэсліў Старшыня Калегіі ЕЭК.