Навіны
Прадпрыемствы аўтапрама краін ЕАЭС маюць вялікі патэнцыял для кааперацыйнага супрацоўніцтва
Пра гэта ў рамках візіту ў Алматы на адно з ключавых у Казахстане прадпрыемстваў па вытворчасці аўтамабіляў – завод Hyundai Trans Kazakhstan – заявіў міністр па прамысловасці і аграпрамысловым комплексе Еўразійскай эканамічнай камісіі Артак Камалян.
У рамках рабочай нарады на пляцоўцы завода абмеркаваны пытанні кааперацыйнага супрацоўніцтва прадпрыемстваў краін Еўразійскага эканамічнага саюза, у прыватнасці пашырэнне паставак на прадпрыемствы Рэспублікі Казахстан камплектуючых для аўтамабільнай тэхнікі, якія вырабляюцца ў дзяржавах ЕАЭС.
Падчас візіту таксама адбыўся абмен меркаваннямі па шырокім коле галіновых пытанняў, у тым ліку тых, якія тычацца ўдзелу казахстанскіх прадпрыемстваў аўтамабілебудавання ў дзяржаўных закупках іншых краін ЕАЭС, пытанняў сертыфікацыі транспартных сродкаў, перспектыў удзелу нацыянальных прадпрыемстваў у развіцці вытворчасці электрамабіляў.
«Падтрымка прыярытэтных сектараў эканомікі нашых краін, у прыватнасці аўтамабілебудавання, за кошт інтэграцыйнага патэнцыялу з'яўляецца важнай умовай для стварэння новых і паглыблення існуючых кааперацыйных праектаў, што асабліва актуальна ў бягучай эканамічнай сітуацыі, звязанай з агульным спадам эканомікі і закрыццём шэрагу знешніх рынкаў», – адзначыў Міністр ЕЭК.
Завод Hyundai Trans Kazakhstan па вытворчасці легкавых аўтамабіляў – стратэгічны аб'ект аўтамабілебудавання Рэспублікі Казахстан. Прадпрыемства аснашчана найноўшым абсталяваннем вытворчасці Паўднёвай Карэі. Высокія стандарты якасці працы на прадпрыемстве забяспечваюць вопытныя спецыялісты машынабудавання пад кантролем інжынераў кампаніі.
У 2022 годзе завод Hyundai Trans Kazakhstan вырабіў 37 205 аўтамабіляў. У параўнанні з 2021 годам рост вытворчасці склаў 43%. З іх 82% прадпрыемства паставіла на ўнутраны рынак краіны, астатні аб'ём – на экспарт у краіны СНД. Завод выпускае дзевяць мадэляў Hyundai – Tucson, Accent, Sonata, Elantra, Santa Fe, Palisade, Staria, i30, Bayon.
У цэлым, згодна за звесткамі Бюро нацыянальнай статыстыкі, за 2022 год у Казахстане выраблена 113 925 адзінак транспартных сродкаў усіх тыпаў, што на 21,9% больш, чым у 2021 годзе. Сукупны вынік працы галіны аўтамабілебудавання ў грашовым выражэнні склаў – 1,2 трлн тэнге.
Аддзел інфармацыйнага забеспячэння Дэпартамента пратакола і арганізацыйнага забеспячэння ЕЭК
