Навіны

29.05.2023 (Обновлено: 06.06.2023 12:43)

З Днём ЕАЭС!

29 мая дзяржавы-члены ЕАЭС упершыню адзначаюць Дзень Еўразійскага эканамічнага саюза. У гэты дзень у 2014 годзе ў Рэспубліцы Казахстан быў падпісаны Дагавор аб ЕАЭС.

«За 9 гадоў свайго існавання Еўразійскі эканамічны саюз ператварыўся ў ключавую пляцоўку супрацоўніцтва і ўзаемадзеяння дзяржаў Вялікай Еўразіі. Мы гатовы прымаць важныя стратэгічныя рашэнні. Сёння перад нашым аб'яднаннем стаяць амбіцыйныя мэты, уключаючы стымуляванне інвестыцыйнай актыўнасці ў краінах ЕАЭС, стварэнне разліковай сістэмы, якая па сваіх паказчыках перасягае SWIFT, распрацоўку аўтаномнага лічбавага валютнага асяроддзя. Упэўнены, у бліжэйшыя гады краіны ЕАЭС змогуць захаваць і нават прымножыць высокія тэмпы функцыянавання аб'яднання на аснове паважлівага стаўлення да эканамічных інтарэсаў як краін Саюза, так і дзяржаў усёй еўразійскай прасторы», – падкрэсліў Старшыня Калегіі Еўразійскай эканамічнай камісіі Міхаіл Мясніковіч.

З ініцыятывай аб Дні Еўразійскага эканамічнага саюза ў 2022 годзе выступіў Прэзідэнт Кыргызскай Рэспублікі Садыр Жапараў. Яна была аднагалосна падтрымана кіраўнікамі чатырох іншых краін еўразійскай «пяцёркі» –Арменіі, Беларусі, Казахстана і Расіі. Як адзначана ў распараджэнні Вышэйшага Еўразійскага эканамічнага савета, устанаўленне такога дня дапаможа ўмацаваць салідарнасць і паглыбіць супрацоўніцтва паміж саюзнымі дзяржавамі. Згодна з прапановай Садыра Жапарава, Дзень ЕАЭС адзначаецца штогод.

У 2023 годзе краінай, якая старшынствуе ў Еўразійскім эканамічным саюзе, з'яўляецца Расія. Прэзідэнт Расійскай Федэрацыі Уладзімір Пуцін падчас выступлення 9 снежня 2022 года на пашыраным пасяджэнні Вышэйшага Еўразійскага эканамічнага савета ў Бішкеку назваў актуалізацыю стратэгічных арыенціраў развіцця ЕАЭС адным з прыярытэтаў старшынства Расіі ў гэтым аб'яднанні. Акрамя таго, Уладзімір Пуцін адзначыў важнасць падрыхтоўкі новых дакументаў стратэгічнага планавання, якія задаюць асноўныя вектары далейшага інтэграцыйнага ўзаемадзеяння на сярэднюю і доўгатэрміновую перспектыву.

Міхаіл Мясніковіч павіншаваў з Днём ЕАЭС кіраўнікоў дзяржаў Еўразійскага эканамічнага саюза: Прэм'ер-міністра Рэспублікі Арменія, члена Вышэйшага Еўразійскага эканамічнага савета Нікола Пашыняна; Прэзідэнта Рэспублікі Беларусь, члена Вышэйшага Еўразійскага эканамічнага савета Аляксандра Лукашэнку; Прэзідэнта Рэспублікі Казахстан, члена Вышэйшага Еўразійскага эканамічнага савета Касым-Жамарта Такаева; Прэзідэнта Кыргызскай Рэспублікі, члена Вышэйшага Еўразійскага эканамічнага савета Садыра Жапарава; Прэзідэнта Расійскай Федэрацыі, старшыні Вышэйшага Еўразійскага эканамічнага савета Уладзіміра Пуціна;

кіраўнікоў урадаў дзяржаў Еўразійскага эканамічнага саюза: Прэм'ер-міністра Рэспублікі Арменія, члена Еўразійскага міжурадавага савета Нікола Пашыняна; Прэм'ер-міністра Рэспублікі Беларусь, члена Еўразійскага міжурадавага савета Рамана Галоўчанку; Прэм'ер-міністра Рэспублікі Казахстан, члена Еўразійскага міжурадавага савета Аліхана Смаілава; Старшыню Кабінета Міністраў Кыргызскай Рэспублікі – Кіраўніка Адміністрацыі Прэзідэнта Кыргызскай Рэспублікі, члена Еўразійскага міжурадавага савета Акылбека Жапарава; Старшыню Ўрада Расійскай Федэрацыі, Старшыню Еўразійскага міжурадавага савета Міхаіла Мішусціна;

віцэ-прэм'ераў дзяржаў Еўразійскага эканамічнага саюза: віцэ-прэм'ера Рэспублікі Арменія, члена Савета Еўразійскай эканамічнай камісіі Мгера Грыгарана; намесніка Прэм'ер-міністра Рэспублікі Беларусь, члена Савета Еўразійскай эканамічнай камісіі Ігара Петрышэнку; намесніка Прэм'ер-міністра – міністра гандлю і інтэграцыі Рэспублікі Казахстан, члена Савета Еўразійскай эканамічнай камісіі Серыка Жумангарына; першага намесніка Старшыні Кабінета Міністраў Кыргызскай Рэспублікі, члена Савета Еўразійскай эканамічнай камісіі Адылбека Касымаліева; намесніка Старшыні Ўрада Расійскай Федэрацыі, Старшыню Савета Еўразійскай эканамічнай камісіі Аляксея Авярчука.