Нагадаем, што ў рамках правядзення Еўразійскага эканамічнага форуму і пасяджэння Вышэйшага Еўразійскага эканамічнага савета 26-27 мая ў Бішкеку кыргызскі бок узнімаў пытанне аб наяўнасці спрэчных сітуацый на кантрольна-прапускных пунктах кыргызска-казахстанскай мяжы. У сувязі з гэтым прадстаўнікі Камісіі на чале з міністрам па мытным супрацоўніцтве Максатам Мамытканавым сумесна з прадстаўнікамі Казахстана, Кыргызстана і Расіі наведалі пункты пропуску.
На пасяджэнні камітэта бакі прадставілі свае пазіцыі, па выніках абмеркавання якіх было рэкамендавана працягнуць двухбаковы фармат працы.
«У першую чаргу неабходна ўдасканальваць інфармацыйны абмен. Па-другое, бакам трэба разгледзець магчымасць арганізацыі ўнутранага кантролю за грузаперавозкамі, якія накіроўваюцца да мяжы. І, нарэшце, неабходная рэканструкцыя пунктаў пропуску», – падкрэсліў Міхаіл Мясніковіч.
Удзельнікі пасяджэння таксама абмеркавалі падыходы да прыняцця дакументаў, якія забяспечваюць рэгуляванне выпуску ў абарачэнне ў ЕАЭС хімічнай прадукцыі.
У цяперашні час Казахстан дапрацоўвае праект змяненняў у тэхнічны рэгламент ЕАЭС «Аб бяспецы хімічнай прадукцыі» па выніках унутрыдзяржаўнага ўзгаднення ў краінах Саюза. Праектам змяненняў прапануецца ўдакладніць пытанні дзяржаўнай рэгістрацыі малатанажнай хімічнай прадукцыі (якая вырабляецца або ўвозіцца на рынак ЕАЭС аб'ёмам менш за 1 тону ў год) і хімічных сумесяў. Вырашана, што да 1 ліпеня дапрацаваны дакумент будзе ўнесены ў Камісію для далейшага разгляду.
Акрамя таго, бакі разгледзелі пытанне прымянення сістэмы ўліку пры перамяшчэнні з тэрыторыі Казахстана ў іншыя дзяржавы-члены тавараў, у дачыненні да якіх Казахстанам прымяняюцца больш нізкія ў параўнанні з АМТ ЕАЭС стаўкі ўвазных мытных пошлін. Гэта звязана з абавязацельствамі Казахстана ў сувязі з далучэннем да Сусветнай гандлёвай арганізацыі. Вырашана ўключыць гэту тэму ў парадак дня пасяджэння Савета 10 чэрвеня.
Камітэт таксама абмеркаваў змяненні ў Рэгламент работы Еўразійскай эканамічнай камісіі, якія неабходны для рэалізацыі Пагаднення аб прымяненні ў ЕАЭС навігацыйных пломбаў для адсочвання перавозак. У прыватнасці, гаворка ідзе аб узроўні прыняцця рашэнняў аб прымяненні адсочвання.
Аддзел інфармацыйнага забеспячэння Дэпартамента пратакола і арганізацыйнага забеспячэння ЕЭК