Памер шрыфта: A A A

Колеру сайта: C C C

Звычайная версія сайта

Выберыце даты

Вылучыце напрамак

Вынікі пошуку: 2

31 студзеня 2025 ЕАЭС развівае еўразійскія транспартныя калідоры Еўразійскі міжурадавы савет разгледзеў Даклад за 2022-2024 гады аб мерапрыемствах краін Еўразійскага эканамічнага саюза па развіцці чыгуначнай, аўтадарожнай і партовай інфраструктуры, якая ўваходзіць у еўразійскія транспартныя калідоры. «Еўразійскія транспартныя калідоры – гэта аснова транспартнай інфраструктуры ў Саюзе, якія забяспечваюць фарміраванне адзінай транспартнай прасторы і развіццё транзітнага патэнцыялу ЕАЭС», – адзначыў міністр па энергетыцы і інфраструктуры ЕЭК Арзыбек Кожашаў. На долю еўразійскіх транспартных калідораў прыпадае каля 70% аб'ёму транзітных перавозак у ЕАЭС, што падкрэслівае важнасць сінхранізацыі ў развіцці нацыянальных участкаў кожнай з краін. У дакладзе адзначана, што ў адпаведнасці з прынятымі стратэгічнымі дакументамі краін «пяцёркі» праводзіцца актыўная работа па развіцці еўразійскіх транспартных калідораў і маршрутаў. Пры гэтым дзяржавы ЕАЭС прымаюць меры па сінхранізацыі сумесных намаганняў для «расшыўкі» участкаў з абмежаванай прапускной здольнасцю. «Цесныя гандлёвыя і транспартныя сувязі паміж краінамі ЕАЭС садзейнічаюць эканамічнаму росту кожнай з іх. У гэтых умовах узрастае значнасць еўразійскіх транспартных калідораў як асноўнага фактару ў забеспячэнні знешняга гандлю», – упэўнены Арзыбек Кожашаў. Вынікі аналізу плануецца выкарыстоўваць у далейшай рабоце па каардынацыі развіцця транспартнай інфраструктуры ў ЕАЭС.

27 сакавіка 2024 Дырэктарам дэпартамента транспарту і інфраструктуры ЕЭК прызначаны Рустан Джэналінаў Джэналінаў Рустан Жанатавіч нарадзіўся 1 студзеня 1975 года ў г. Паўладар (Рэспубліка Казахстан). У 1997 годзе скончыў Паўладарскі дзяржаўны ўніверсітэт імя С. Тарайгырава па спецыяльнасці «Аўтамабіле- і трактарабудаванне», атрымаўшы кваліфікацыю інжынер-механік, у 2002 годзе – Казахскі гуманітарна-юрыдычны ўніверсітэт па спецыяльнасці «Юрыспрудэнцыя», атрымаўшы кваліфікацыю юрыст. Працоўную дзейнасць пачаў у 1997 годзе інжынерам ВТА (вытворча-тэхнічны аддзел) Акмалінскага аўтатранспартнага прадпрыемства №1. З 1999 па 2002 гг. працаваў вядучым спецыялістам упраўлення аўтамабільнага транспарту Дэпартамента аўтамабільнага і воднага транспарту, затым начальнікам аддзела Дэпартамента аўтамабільнага транспарту, затым начальнікам аддзела ўпраўлення аўтамабільнага транспарту Міністэрства транспарту і камунікацый Рэспублікі Казахстан. У 2002 прызначаны начальнікам упраўлення транзітнай палітыкі Міністэрства транспарту і камунікацый Рэспублікі Казахстан. З 2006 па 2009 гг. займаў пасаду Генеральнага сакратара Пастаяннага Сакратарыята міжурадавай камісіі (МУК) ТРАСЕКА. З 2009 па 2010 гг. працаваў начальнікам упраўлення Дэпартамента АБСЕ Міністэрства замежных спраў Рэспублікі Казахстан, затым намеснікам старшыні Камітэта індустрыі турызму Міністэрства турызму і спорту Рэспублікі Казахстан. З 2010 па 2012 гг. – саветнік Міністра, дырэктар Дэпартамента стратэгічнага планавання і развіцця транспартна-камунікацыйнага комплексу, дырэктар Дэпартамента стратэгічнага планавання і лагістыкі Міністэрства транспарту і камунікацый Рэспублікі Казахстан. З 2012 па 2013 гг. працаваў віцэ-прэзідэнтам, затым прэзідэнтам АТ «Нацыянальны цэнтр развіцця транспартнай лагістыкі» пры АТ «Нацыянальная кампанія «Қазақстан темір жолы». З 2013 па 2016 гг. – дырэктар філіяла АТ «НК «Қазақстан темір жолы» – «Цэнтр развіцця транспартнай лагістыкі». З 2017 працаваў кіруючым дырэктарам – дырэктарам Дэпартамента лагістыкі і перавозак Нацыянальнай палаты прадпрымальнікаў Рэспублікі Казахстан «Атамекен». 26 сакавіка 2024 года прызначаны дырэктарам Дэпартамента транспарту і інфраструктуры ЕЭК.  