Навіны
Зацверджаны парадак увядзення ў дзеянне змяненняў у тэхрэгламент Саюза на харчовыя дабаўкі, араматызатары і тэхналагічныя дапаможныя сродкі
Калегія Еўразійскай эканамічнай камісіі зацвердзіла парадак увядзення ў дзеянне змяненняў № 2 у тэхнічны рэгламент Мытнага саюза «Патрабаванні бяспекі харчовых дабавак, араматызатараў і тэхналагічных дапаможных сродкаў» (ТР МС 029/2012). Гэта неабходна для паэтапнага пераходу прамысловасці і бізнесу краін Еўразійскага эканамічнага саюза на новыя патрабаванні, устаноўленыя ў дачыненні да гэтай прадукцыі.
Змяненні № 2 у ТР МС 029/2012 прыняты Рашэннем Савета Камісіі ад 29 жніўня 2023 года № 84 і ўступаюць у сілу 27 лютага 2024 года.
Рашэннем прадугледжаны пераходны перыяд – 36 месяцаў – для дзеяння дакументаў аб ацэнцы адпаведнасці прадукцыі (харчовых дабавак, у тым ліку комплексных, араматызатараў, тэхналагічных дапаможных сродкаў, а таксама харчовай прадукцыі, якая іх змяшчае), аформленых да ўступлення ў сілу змяненняў, а таксама для вытворчасці і выпуску ў абарачэнне такой прадукцыі.
Парадак увядзення ў дзеянне змяненняў ўключае ў сябе норму аб тым, што дапускаюцца ад даты ўступлення ў сілу змяненняў вытворчасць і выпуск у абарачэнне харчовай прадукцыі, якая змяшчае ў сабе харчовыя дабаўкі, араматызатары і рэшткавыя колькасці тэхналагічных дапаможных сродкаў, пры наяўнасці дакументаў аб ацэнцы адпаведнасці такіх харчовых дабавак, араматызатараў і тэхналагічных дапаможных сродкаў, якія выдадзены або прыняты да даты ўступлення ў сілу змяненняў і дзейнічаюць 36 месяцаў. Таксама прадугледжаны пераходны перыяд 36 месяцаў для маркіроўкі харчовых дабавак, араматызатараў, тэхналагічных дапаможных сродкаў і харчовай прадукцыі, вырабленай з іх прымяненнем.
