Навіны

Калегія Еўразійскай эканамічнай камісіі зацвердзіла змяненні ў Фармакапею ЕАЭС, якая забяспечвае адзіны падыход да ацэнкі якасці лекавых сродкаў для пяці дзяржаў Еўразійскага эканамічнага саюза. Змяненні ўключаюць у сябе 144 новыя агульныя фармакапейныя артыкулы, а таксама прадугледжваюць унясенне змяненняў у шэраг дзеючых агульных фармакапейных артыкулаў.

Агульныя фармакапейных артыкулы змяшчаюць у сабе апісанні метадаў і методык фармацэўтыка-тэхналагічных выпрабаванняў якасці лекавых прэпаратаў, патрабаванні да розных відаў лекавых формаў (таблетак, капсул, мазяў, аэразоляў і іншых), патрабаванні да ўпакоўкі лекавых прэпаратаў, якія неабходныя для пацвярджэння належнай якасці і эфектыўнасці лекавых прэпаратаў.

 Фармакапейныя артыкулы (манаграфіі) падрыхтаваны Фармакапейным камітэтам ЕАЭС з улікам нацыянальных фармакапей дзяржаў Саюза. У працы прымалі ўдзел, акрамя членаў Фармакапейнага камітэта ЕАЭС, спецыялісты ў галіне аналітычнай хіміі, малекулярнай біялогіі і мікрабіялогіі, фармацэўтычнага аналізу.

Змяненні ўступаюць у сілу з 1 красавіка 2023 года. Вытворцы лекавых прэпаратаў, раней зарэгістраваных на агульным рынку Саюза, павінны ў тэрмін да 1 студзеня 2026 года прывесці свае нарматыўныя дакументы па якасці лекавых сродкаў у адпаведнасць з Фармакапеяй Саюза.

Унясенне змяненняў у Фармакапею ЕАЭС – гэта вынік рэгулярнай працы па падрыхтоўцы гарманізаваных агульных і прыватных фармакапейных артыкулаў (манаграфій) і наступным дапаўненні імі раней зацверджанага дакумента. Зараз Фармакапейным камітэтам ЕАЭС падрыхтавана больш за 70 праектаў агульных фармакапейных артыкулаў (манаграфій) для трэцяй часткі Фармакапеі ЕАЭС. Папярэдняе абмеркаванне праектаў фармакапейных артыкулаў (манаграфій) праводзіцца на сайце ЕЭК па адрасе: https://eec.eaeunion.org/comission/department/deptexreg/formirovanie-obshchikh-rynkov/pharmacopoeia/pharmacopoeia_PO.php