Навіны

Рэалізацыя дзяржавамі Еўразійскага эканамічнага саюза сумесных маштабных высокатэхналагічных праектаў ажыццяўляецца ў адпаведнасці з пунктам 6.4.3 Стратэгіі-2025. Для актывізацыі гэтай работы ў 2024 годзе ўпершыню ў ЕАЭС пройдзе конкурс сумесных маштабных высокатэхналагічных і гуманітарных праектаў «Сімвалы еўразійскай інтэграцыі».

Мэта конкурсу – вызначыць новыя ідэі ў тэхналагічных сферах еўразійскай інтэграцыі. Арганізатарамі Выступяць Агенцтва стратэгічных ініцыятыў (АСІ) і члены кансорцыума інстытутаў развіцця, суарганізатарам – Еўразійская эканамічная камісія. 

Падаць заяўку ўдзельнікі змогуць ужо ў лютым. Заяўкі будуць разгледжаны з пазіцый кваліфікацыі ўдзельнікаў каманды, наяўнасці вопыту, а таксама эканамічнага, сацыяльнага эфекту, навізны, канкурэнтаздольнасці і экспертнага прызнання. Прыняць удзел змогуць як ужо рэалізаваныя праекты, так і ідэі, канцэпцыі. 

Эксперты ацэняць праекты па наступных крытэрыях:

- інтэграцыйная накіраванасць: праект павінен спрыяць фарміраванню і рэалізацыі канкурэнтных пераваг дзяржаў-членаў, развіццю кааперацыйных сувязяў у рамках Еўразійскай эканамічнай інтэграцыі;

- маштабаванасць: праекты павінны мець патэнцыял для рэалізацыі з удзелам гаспадарчых суб'ектаў з усіх краін ЕАЭС або на тэрыторыі дзяржаў-членаў, не заяўленых сярод удзельнікаў праекта; 

- тэхналагічнасць: праекты павінны быць заснаваны на выкарыстанні высокатэхналагічных рашэнняў, вытворчасць, якая ствараецца ў рамках праекта, павінна адносіцца да высокатэхналагічных або сярэднетэхналагічных высокага ўзроўню відаў эканамічнай дзейнасці або ў рашэнні павінна выкарыстоўвацца інтэлектуальная ўласнасць вучоных дзяржаў-членаў ЕАЭС. 

Конкурс пройдзе ў 8 намінацыях:

- тэхналогіі базавых галін (новыя тэхналогіі здабываючых галін, перапрацоўчых галін, сельская гаспадарка);

- транзітны патэнцыял (транспартна-лагістычныя рашэнні, транспарт, інфраструктура);

- тэхналагічны працэс (прыборабудаванне, станкабудаванне, мікраэлектроніка, хіміка-металургічныя тэхналогіі, тэлекамунікацыі, электратэхніка, аўтамабілебудаванне, суднабудаванне);

- лічбавыя платформенныя рашэнні (інфармацыйная бяспека);

- новы тэхналагічны ўклад (робататэхніка, нанатэхналогіі, біятэхналогіі, ІКТ, генная інжынерыя, касмічныя тэхналогіі);

- чалавечы капітал (навука і адукацыя, тэлемедыцына, ахова здароўя, культура, спорт);

- еўразійскі турызм (HoReCa, комплексныя турыстычныя рашэнні, карты турыста);

- фінансавая інклюзіўнасць (сучасныя рашэнні па прадастаўленні фінансавых паслуг, забеспячэнні гандлёвых разлікаў паміж краінамі, павышэнні іх бяспекі).

«Рэалізацыя дзяржавамі ЕАЭС сумесных маштабных высокатэхналагічных праектаў прадугледжана Стратэгіяй-2025. Чакаем, што правядзенне конкурсу прыцягне дадатковую ўвагу прадпрыемстваў да пераваг кааперацыйнага супрацоўніцтва ў Еўразійскім эканамічным саюзе, забяспечыць практычную рэалізацыю інтэграцыйнага патэнцыялу Саюза», – растлумачыў міністр па інтэграцыі і макраэканоміцы ЕЭК Сяргей Глазьеў.

«На сённяшні дзень на пляцоўцы кансорцыума ўжо разгорнута работа па прасоўванні праектаў, накіраваных на садзейнічанне эканамічнаму развіццю дзяржаў-членаў і павышэнню інвестыцыйнай актыўнасці і прывабнасці іх рэгіёнаў. Конкурс дазволіць выявіць праекты, якія валодаюць навізной, тэхналагічнасцю, канкурэнтаздольнасцю, рэалізацыя якіх дазволіць дасягнуць істотных сацыяльных, эканамічных і тэхналагічны эфектаў на тэрыторыі еўразійскай прасторы», – адзначыла генеральны дырэктар АСІ, старшыня каардынацыйнага савета кансорцыума інстытутаў развіцця Святлана Чупшава. 

Падаць заяўку ўдзельнікі змогуць з 15 лютага па 31 сакавіка. Да 30 красавіка праекты будуць ацэньвацца экспертамі, па выніках гэтага этапу пройдзе вочная абарона лепшых праектаў. Падвядзенне вынікаў і ўзнагароджанне пераможцаў адбудзецца ў маі-чэрвені 2024 года.