Навіны

Прадстаўнікі Еўразійскай эканамічнай камісіі прынялі ўдзел у працы 85-й Генеральнай асамблеі Міжнароднай электратэхнічнай камісіі (МЭК), якая прайшла ў пачатку кастрычніка. На пасяджэнні Савета па ацэнцы адпаведнасці МЭК міністр па тэхнічным рэгуляванні Еўразійскай эканамічнай камісіі Віктар Назаранка выступіў з дакладам пра сістэму допуску прадукцыі на рынак Еўразійскага эканамічнага саюза.

«Напрацаваны вопыт супрацоўніцтва Камісіі і краін ЕАЭС з вядучымі міжнароднымі арганізацыямі ў сферы стандартызацыі, метралогіі, акрэдытацыі дазволіць укараніць найбольш эфектыўныя механізмы забеспячэння бяспекі і якасці прадукцыі ў Саюзе», – адзначыў Міністр ЕЭК Віктар Назаранка.

Узровень гарманізацыі стандартаў, якія рэалізуюць патрабаванні тэхнічных рэгламентаў ЕАЭС на электратэхнічную прадукцыю, з міжнароднымі і еўрапейскімі дакументамі ў цяперашні час перавышае 80%. А ў некаторых галінах – такіх, як электрамагнітная сумяшчальнасць, складае 85%, нізкавольтнае абсталяванне – 98%, энергаэфектыўнасць – 100%.

Міністр адзначыў, што сёння ў ЕАЭС узгадняецца падыход, згодна з якім у дачыненні да тэхнічна складанага нізкавольтнага абсталявання і абсталявання для працы ў выбухованебяспечных асяроддзях будзе ўстаноўлена магчымасць прымянення вынікаў выпрабаванняў, атрыманых у міжнародных сістэмах сертыфікацыі, у тым ліку МЭК.

Ён таксама падкрэсліў, што дзяржавамі ЕАЭС дасягнута дамоўленасць аб падпісанні Пагаднення аб парадку і ўмовах ліквідацыі тэхнічных бар'ераў ва ўзаемным гандлі з трэцімі краінамі, якое прадугледжвае распрацоўку канкрэтных дакументаў, якія ўключаюць у сябе фарміраванне ўзгодненага пераліку рэгуляванай прадукцыі і пераліку ўпаўнаважаных органаў па ацэнцы адпаведнасці, вынікі дзейнасці якіх будуць прызнавацца ўзаемна.

«Пасля ўступлення ў сілу гэты міжнародны дагавор стане ў адзін шэраг з асноватворнымі дакументамі Саюза, якія забяспечваюць свабоду абарачэння прадукцыі на адзіным рынку. Яго рэалізацыя будзе садзейнічаць павелічэнню тавараабароту паміж дзяржавамі - членамі Саюза і патэнцыяльнымі партнёрамі з трэціх краін, а таксама дасць магчымасць павысіць экспартныя магчымасці для тавараў Саюза», – адзначыў Віктар Назаранка.

Міністр ЕЭК таксама распавёў пра часовыя меры, якія прыняты ў сферы тэхнічнага рэгулявання і прымяняюцца пры сертыфікацыі серыйнага выпуску прадукцыі ва ўмовах неспрыяльнай эпідэміялагічнай сітуацыі, звязанай з распаўсюджваннем новай каранавіруснай інфекцыі (COVID-19).

Акрамя таго, 2 кастрычніка прайшла двухбаковая сустрэча міністра па тэхнічным рэгуляванні ЕЭК Віктара Назаранкі і Генеральнага сакратара МЭК Філіпа Мецгера, на якой яны абмеркавалі рэалізацыю праграм стандартызацыі МЭК для дасягнення Мэт устойлівага развіцця і зніжэння вугляроднага следу ў таварах, якія вырабляюцца.

«Сёння краіны актыўна рэалізуюць нацыянальныя ініцыятывы па пытаннях захавання клімату. У ЕАЭС прынята ўзгодненае рашэнне аб фарміраванні рабочай групы высокага ўзроўню для збліжэння пазіцый краін еўразійскай «пяцёркі» ў рамках кліматычнага парадку», – адзначыў Міністр ЕЭК.

Філіп Мецгер праінфармаваў аб дзейнасці МЭК па пытаннях забеспячэння чыстай, бяспечнай і эфектыўнай сучаснай энергетычнай сістэмы, якая дапаможа ў дасягненні вугляроднай нейтральнасці Парыжскага пагаднення аб барацьбе са змяненнем клімату.

Таксама была адзначана магчымасць садзейнічання МЭК у практычным прымяненні яе сістэм ацэнкі адпаведнасці, у тым ліку краінам, якія не з'яўляюцца членамі гэтай арганізацыі.

Па выніках сустрэчы дасягнута дамоўленасць па далейшым паглыбленні супрацоўніцтва Камісіі, краін ЕАЭС і МЭК, у прыватнасці па пытанні экспертнага суправаджэння ўкаранення практыкі прымянення вынікаў выпрабаванняў, атрыманых у сістэмах сертыфікацыі МЭК.