Навіны

07.09.2023 (Обновлено: 11.09.2023 10:14)

У ЕЭК распавялі кітайскім калегам пра работу па спалучэнні з ініцыятывай «Адзін пояс, адзін шлях»

Дырэктар дэпартамента гандлёвай палітыкі Еўразійскай эканамічнай камісіі Уладзімір Серпікаў распавёў пра работу па спалучэнні планаў развіцця Еўразійскага эканамічнага саюза з кітайскай ініцыятывай «Адзін пояс, адзін шлях» падчас навуковай канферэнцыі 6 верасня, прымеркаванай да 10-годдзя праекта. Арганізатарам мерапрыемства выступіла Пасольства Кітайскай Народнай Рэспублікі ў Расійскай Федэрацыі. 

Уладзімір Серпікаў адзначыў, што спалучэнне ажыццяўляецца, перш за ўсё, у рамках рэалізацыі Пагаднення аб гандлёва-эканамічным супрацоўніцтве паміж ЕАЭС і КНР ад 17 мая 2018 года, а таксама Дарожнай карты па пашырэнні гандлёвага-эканамічнага супрацоўніцтва, накіраванай на ўмацаванне практычнага ўзаемадзеяння.

«Праекты, якія рэалізуюцца ЕАЭС, такія як «Еўразійскі аграэкспрэс» і лічбавізацыя транспартных калідораў, будуць спрыяць нарошчванню аб'ёмаў узаемнага гандлю, спрашчэнню гандлёвых працэдур, павышэнню ўнутрырэгіянальнай звязанасці, эфектыўнаму спалучэнню з ініцыятывай «Адзін пояс, адзін шлях», – выказаў упэўненасць Уладзімір Серпікаў.

Удзельнікі канферэнцыі, уключаючы прадстаўнікоў органаў дзяржаўнай улады, а таксама расійскага і кітайскага бізнесу, абмеркавалі вынікі рэалізацыі ініцыятывы. У ёй сёння прымаюць удзел каля 150 краін. За мінулы перыяд было створана шэсць транспартных калідораў, аб'яднаных мноствам марскіх партоў, выбудавана эфектыўная фінансавая платформа, створаны мільёны новых працоўных месцаў.