3-4 красавіка ў рамках працы па пашырэнні прамысловага супрацоўніцтва ў галіне грамадзянскага авіябудавання ў краінах Еўразійскага эканамічнага саюза дэлегацыя Еўразійскай эканамічнай камісіі на чале з міністрам па прамысловасці і аграпрамысловым комплексе ЕЭК Артакам Камалянам прыняла ўдзел у цырымоніі падпісання пагадненняў аб супрацоўніцтве паміж Беларускай дзяржаўнай акадэміяй авіяцыі і Політэхнічным універсітэтам Арменіі і Авіявучэбным цэнтрам Арменіі ў Ерэване.
Бакі дамовіліся ажыццяўляць сумесныя даследаванні, абменьвацца вопытам, арганізоўваць сумесныя адукацыйныя праграмы ў рамках сярэдняй спецыяльнай і вышэйшай адукацыі, а таксама падрыхтоўку кадраў вышэйшай кваліфікацыі ў аспірантуры, выпрацоўваць прапановы па ўдасканаленні выкарыстання інавацый у дзейнасці паветранага транспарту і яго інфраструктуры, рэалізоўваць сумесныя праграмы па павышэнні кваліфікацыі авіяцыйнага персаналу.
«Падпісанне пагадненняў стане зыходным пунктам для актывізацыі практычнага супрацоўніцтва паміж адукацыйнымі арганізацыямі Арменіі і Беларусі ў рамках Еўразійскага эканамічнага саюза. Рэальны сектар эканомікі нашых краін сёння як ніколі мае патрэбу ў маладых спецыялістах. Падрыхтоўка высокакваліфікаваных кадраў для авіябудавання – першарадная задача», – падкрэсліў Артак Камалян.
У рамках рабочага візіту дэлегацыя таксама наведала ЗАТ «Эчміядзінскі прыборабудаўнічы завод», якое ўваходзіць у адзіны пералік зацікаўленых прамысловых прадпрыемстваў дзяржаў Еўразійскага эканамічнага саюза, гатовых удзельнічаць у рэалізацыі сумесных кааперацыйных праектаў у галіне грамадзянскага авіябудавання. З кіраўніцтвам прадпрыемства абмеркаваны актуальныя пытанні еўразійскага супрацоўніцтва ў сферы вытворчасці авіяцыйных кампанентаў і падрыхтоўкі кадраў.
Даведка
Вывучэнне пытання арганізацыі ў дзяржавах Саюза акадэмічнай мабільнасці ў галіне грамадзянскага авіябудавання вядзецца ў адпаведнасці з дарожнай картай па пашырэнні прамысловага супрацоўніцтва ў названай галіне ў 2022-2023 гадах, зацверджанай Еўразійскім міжурадавым саветам.
