Навіны
Міхаіл Мясніковіч сустрэўся са Стывенам Сігалам
Старшыня Калегіі Еўразійскай эканамічнай камісіі Міхаіл Мясніковіч сустрэўся з вядомым кінаакцёрам, кінапрадзюсарам, спецыяльным прадстаўніком МЗС Расіі Стывенам Сігалам.
Падчас размовы Міхаіл Мясніковіч распавёў аб асноўных напрамках дзейнасці Еўразійскай эканамічнай камісіі, падкрэсліўшы важную ролю еўразійства ва ўмацаванні не толькі эканамічных, але і гуманітарных і сацыякультурных адносін паміж народамі на еўразійскай прасторы, дзе Стывен Сігал займае на сённяшні дзень значнае месца з улікам яго багатага жыццёвага, прафесійнага вопыту і сусветнай папулярнасці.
Кіраўнік Калегіі ЕЭК паведаміў аб Еўразійскім эканамічным форуме, які прайшоў у гэтым годзе ў Бішкеку, дзе кіраўнікам дзяржаў-членаў ЕАЭС была прапанавана ідэя стварэння Еўразійскай кінаакадэміі і кінапрэміі.
Стывен Сігал ў сваю чаргу падзякаваў Міхаіла Мясніковіча за цёплы прыём. Ён адзначыў, што ўсе краіны Еўразійскага эканамічнага саюза яму добра вядомыя, з некаторымі з іх звязана яго сямейная гісторыя, і выказаў гатоўнасць правядзення рэгулярных сустрэч, у тым ліку для магчымага садзейнічання ў прапрацоўцы ініцыятыў камісіі, якія ўяўляюць узаемную цікавасць.
Даведка
Стывен Фрэдэрык Сігал выступіў прадзюсарам 49 фільмаў, сцэнарыстам 14 фільмаў. З'яўляецца кінарэжысёрам, музыкам і майстрам айкідо.
У 2016 годзе Прэзідэнт Расійскай Федэрацыі Уладзімір Пуцін асабіста ўручыў Стывену Сігалу пашпарт грамадзяніна Расійскай Федэрацыі. У 2019 годзе Стывен Сігал прыняты ва Усерасійскую грамадскую арганізацыю «Рускае геаграфічнае таварыства». З 2018 года ён – Спецыяльны прадстаўнік МЗС Расіі па гуманітарных сувязях РФ і ЗША.
У 2016 годзе наведаў з візітам Рэспубліку Беларусь, дзе сустрэўся з Прэзідэнтам Аляксандрам Лукашэнкам.
