Жаңалықтар
28.11.2024
Андрей Слепнев: «ЕАЭО мен Тунис еркін сауда туралы келісім жасасудың орындылығын зерделейді»
28 қарашада Еуразиялық экономикалық комиссияның штаб-пәтерінде ЕЭК Сауда жөніндегі министрі Андрей Слепневтің Тунис Республикасының Сауда және экспортты дамыту министрі Самир Абидпен кездесуі болып өтті.
"Еуразиялық экономикалық одақ Африкамен өзара тиімді қарым-қатынастарды дамытуға көп көңіл бөледі және пұрсаттылықты сауда режимі белгіленген өңір елдерінің санын кеңейтудің перспективаларын көріп отыр. Біз мемлекеттеріміздің арасындағы сауда-экономикалық ынтымақтастықты кеңейтуге ерекше мән бере отырып, Тунис Республикасын басымдықты әріптестердің бірі ретінде қарастырамыз", – деп атап өтті Андрей Слепнев.
Кездесу қорытындысы бойынша тараптар ЕАЭО мен Тунис арасында еркін сауда туралы келісім жасасудың орындылығын зерделеу үшін бірлескен зерттеу тобын құру процесіне бастамашылық жасауға уағдаласты.
Қазіргі уақытта ЕАЭО Африканың тағы бір елі – Мысыр Араб Республикасымен еркін сауда туралы келісім жасасу туралы келіссөздер жүргізуде. Осы уақытқа дейін алты келіссөз раунды өткізілді.
