Жаңалықтар

30 Jan 2023 ЕЭК ДКҰ-мен ынтымақтастық жөніндегі шаралар тізбесін қарады Еуразиялық экономикалық комиссия Дүниежүзілік кеден ұйымымен (ДКҰ) ынтымақтастықты дамыту жөніндегі шаралар тізбесін талқылады. ЕЭК-тің бейінді жұмыс тобының отырысына Комиссияның кедендік ынтымақтастық блогының және ЕАЭО елдерінің кедендік ынтымақтастықты дамыту, сондай-ақ халықаралық кеден қоғамдастығымен өзара іс-қимыл кезінде кедендік реттеуді жетілдіру мәселелері құзыретіне кіретін уәкілетті органдарының өкілдері қатысты. Жұмыс тобының сарапшылары Еуразиялық экономикалық интеграцияны дамытудың 2025 жылға дейінгі стратегиялық бағыттарының 11.7.5-тармағын ДКҰ-мен өзара іс-қимыл бөлігінде іске асыру үшін құқықтық және ұйымдастырушылық тәсілдемелерді қарады. "ЕАЭО-ға мүше мемлекеттер басшыларының Одақтың ДКҰ-ға мүшелігі туралы директиваларын іске асыру және оны негіз қалаушы құжаттарға қосу Комиссияның кедендік ынтымақтастық блогының күн тәртібінде тұрған өзекті тақырып болып табылады. Қойылған міндеттер кешенді талдау жасауды және ЕАЭО-ның құқықтық өрісі шеңберінде оңтайлы ұйымдастырушылық-құқықтық шешімдер іздеуді талап етеді",- деп атап өтті ЕЭК Кеден заңнамасы және құқық қолдану практикасы департаментінің директоры Сергей Владимиров. Комиссияның пікірінше, жұмыс тобы қызметінің нәтижелері ЕАЭО мен ДКҰ-ның кедендік ынтымақтастық тақырыбы бойынша техникалық комитеттеріндегі өзара іс-қимылға, соның ішінде осы халықаралық кеден ұйымының құқықтық құралдарын әзірлеуге оң әсерін тигізеді. Анықтама Жоғары Еуразиялық экономикалық кеңестің 2020 жылғы 11 желтоқсандағы № 12 шешімімен бекітілген Еуразиялық экономикалық интеграцияны дамытудың 2025 жылға дейінгі стратегиялық бағыттарының 11.7.5.-тармағында Одақтың ДКҰ мүшесі мәртебесін алуы, Одақтың ДКҰ-ның негіз қалаушы құжаттарына қосылу мүмкіндігін пысықтау сияқты іс-шаралар көзделген.
30 Jan 2023 ЕАЭО-да акваөсіру өнімінің өндірісі мен саудасының өскені тіркелді Соңғы бес жылдың ішінде ЕАЭО-да акваөсіру өнімінің өндірісі 1,7 есе өсті. Бұл ретте мейлінше көп өсімді Қырғызстан (5 еседен астам), Қазақстан (4 есе дерлік), Ресей Федерациясы (1,7 есе) көрсетіп отыр. ЕАЭО елдері арасындағы балықтың және балық өнімдерінің өзара саудасының көлемі 1,6 есе артты. Еуразиялық экономикалық комиссияның Агроөнеркәсіптік саясат департаменті агроөнеркәсіптік саясат және мемлекетаралық жобалар бөлімінің бастығы Мария Байгот бұл туралы "АГРОС" асыл тұқымды мал шаруашылығы, жемшөп, ветеринария және мал шаруашылығына, шошқа шаруашылығына, құс шаруашылығына және жемшөп өндіруге арналған технологиялардың халықаралық көрмесі шеңберіндегі "Еуразиялық акваөсіру және балық шаруашылығы кешеніне инвестиция салудың жаңа мүмкіндіктері" конференциясында хабарлады. "Акваөсіру - бұл Еуразиялық экономикалық одақ елдері үшін айтарлықтай өсуді көрсететін және сонымен бірге байланысты салалардың: ресурстық қамтамасыз етудің, жабдықтаудың, сауда-логистикалық және сату қызметінің тұтас кешені үшін серпім болып табылатын стратегиялық сала",- деп атап өтті Мария Байгот.  ЕЭК өкілінің сөзінше, саланың неғұрлым серпінді өсуі балықтың бағалы тұқымдарының импорттық жеткізілімдерге тәуелділігі жоғары нарығында байқалып отыр. Осыған байланысты Одақ елдерінің мүдделі компаниялары арасындағы кооперация негізінде көшеттік материалмен, азықпен және басқа ресурстармен өзін-өзі қамтамасыз ету деңгейін арттырған орынды.  Ынтымақтастық үшін ЕАЭО мемлекеттерінің жоғары оқу орындары арасында бірлескен білім беру курстарын өткізу арқылы сұранысты мамандықтар бойынша балық шаруашылығы саласы үшін мамандар даярлау перспективалы бағыт болып табылады.  Комиссияның агроөнеркәсіптік блогы акваөсіру саласындағы бизнестің, ғылымның, бірлестіктердің мүдделі сарапшыларымен өзара іс-қимылға ашық және өзекті шешімдер тұжырымдау үшін алаң ұсынуға дайын. Анықтама  "АГРОС" - бұл РФ Ауыл шаруашылығы министрлігі мен жетекші салалық бірлестіктердің белсенді қатысуымен өткізілетін Ресейдің агроөнеркәсіптік кешені мен жақын шет мемлекеттердің мамандарына арналған беделді халықаралық салалық көрме. Осы жылы көрмеде 20-дан астам елдің 400-ден көп компаниясы өз шешімдерін ұсынды.
27 Jan 2023 ЕАЭО мен АСЕАН ынтымақтастықты нығайтуға ниетті ЕЭК Интеграция және макроэкономика жөніндегі министрі Сергей Глазьев пен АСЕАН Бас хатшысы Као Кимхорн 27 қаңтарда АСЕАН-ның штаб-пәтерінде өткен кездесу барысында Экономикалық ынтымақтастық саласындағы өзара түсіністік туралы меморандум шеңберінде Еуразиялық экономикалық комиссия мен Оңтүстік Шығыс Азия мемлекеттері қауымдастығы (АСЕАН) арасындағы өзара іс-қимылды дамыту перспективаларын талқылады. Сергей Глазьев АСЕАН-мен, сол сияқты Қауымдастықтың басқа мүше мемлекеттерімен байланысуды тереңдету ЕАЭО-ның халықаралық қызметінің бірқатар түйінді құжатта бекітілген басымдықтарының бірі болып табылатынын атап өтті. Ол Комиссия мен АСЕАН Хатшылығы арасындағы өзара іс-қимылды жоғары бағалады. "Біздің құрылымдарымыз арасындағы диалог бірінші кезекте интеграцияны тереңдету, бірлестіктер қызметінің тиімділігін, стратегиялық жоспарлауға орайлас тәсілдемелерді арттыру мәселелері бойынша тәжірибе алмасуға бағдарланған",- деп мәлімдеді Сергей Глазьев. Бұл тұрғыда ол ЕАЭО-ның ағымдағы интеграциялық күн тәртібін жеке атап өтті және Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру туралы айтып берді. Као Кимхорн өз тарапынан АСЕАН Хатшылығының ЕЭК-пен және ЕАЭО-ға мүше мемлекеттермен байланысты одан әрі нығайтуға мүдделі екендігін растады және ЕЭК пен АСЕАН арасындағы 2025 жылға дейінгі ынтымақтастық бағдарламасын іске асыру барысын оң бағалады. АСЕАН үшін ЕАЭО елдерімен ынтымақтастықтың басымдықтықтары ретінде ол энергетиканы, азық-түлікті, туризмді және экономикалық қызметтің әртүрлі аспектілерін цифрландыру мәселелерін атап өтті. Ол сондай-ақ іскер топтар желісі бойынша байланысуды дамытудың маңыздылығын атап көрсетті. Кездесуге қатысушылар «ЕАЭО  мен АСЕАН-ның цифрлық трансформациясы" бірлескен семинарын өткізуді, ЕАЭО елдері аумағындағы форумдар шеңберіндегі, соның ішінде ЕАЭО мен АСЕАН-ның іскер топтарын тарта отырып, сондай-ақ басқа да халықаралық ұйымдар алаңындағы іс-шараларға қатысуды қоса, ағымдағы жылға арналған ынтымақтастық жоспарларын талқылады. Анықтама  Оңтүстік Шығыс Азия мемлекеттері қауымдастығы (АСЕАН) - 1967 жылы құрылған экономикалық бірлестік. Индонезия, Малайзия, Сингапур, Таиланд, Филиппин, Бруней-Даруссалам, Вьетнам, Лаос, Мьянма, Камбоджа - қауымдастықтың қатысушылары болып табылады. Папуа-Жаңа Гвинея мен Шығыс Тимордың байқаушы мәртебесі бар. Бұл - жиынтық ЖІӨ 2,6 трлн АҚШ долл. және халық саны 622 млн адамды құрайтын аса ірі өңірлік интеграциялық бірлестіктің бірі. ЕЭК пен АСЕАН арасындағы Өзара түсіністік туралы меморандумға 2018 жылғы 14 қарашада Сингапурде қол қойылды. Құжат Еуразиялық континент ауқымында интеграциялық блоктардың өзара іс-қимылы мәселелерінің кең спектрін талқылау бойынша диалог алаңын қалыптастыру үшін іргетас қалайды. Меморандумды іске асыру үшін 2020-2025 жылдарға арналған Ынтымақтастық бағдарламасы қабылданған. Ол кеден заңнамасы және құқық қолдану практикасы, сауда саясаты, кәсіпкерлік қызмет, техникалық және монополияға қарсы реттеу, СФС-шаралар, энергетика, ішкі нарықтың жұмыс істеуі сияқты және басқа салаларды қамтиды..
27 Jan 2023 ЕЭК пен ЮНКТАД бәсекелестік саласында өкілеттіктер берілген өңірлік ұйымдардың кездесуін жалғастыру туралы уағдаласты Еуразиялық экономикалық комиссияның Бәсекелестік және монополияға қарсы реттеу жөніндегі министрі Бақыт Сұлтанов бүгін Женевада (Швейцария) ЮНКТАД бас хатшысының орынбасары Педро Мануэль Мореномен және ЮНКТАД-тың Бәсекелестік саясаты және тұтынушылар құқықтарын қорғау бөлімшесінің басшысы Тереза Морейрамен кездесу өткізді. Талқылаудың түйінді тақырыбы Комиссияның бәсекелестік саласында өкілеттіктер берілген өңірлік ұйымдармен ынтымақтастығы болды.  "Бірлескен жұмыс шеңберінде бәсекелестік саласында өкілеттіктер берілген өңірлік ұйымдармен жыл сайынғы кездесуін ұйымдастырудағы біздің бастамамызға ЮНКТАД-тың қолдау көрсеткенін атап өткім келеді. Біз екі жылдан бері ЮНКТАД-тың қолдауымен әлемнің барлық континентінен интеграциялық бірлестіктерді жалпы пікірсайыс үшін жинауға қол жеткізіп келеміз. Бұл - Анд қоғамдастығы, КОМЕСА, КАРИКОМ, БАЭВО, АСЕАН», – деп атап өтті Бақыт Сұлтанов.  ЮНКТАД бас хатшысының орынбасары Педро Мануэль Морено ЮНКТАД пен ЕЭК-тің бәсекелестік блогы арасындағы тиімді өзара іс-қимылды атап өтті және ол алда да нығая түседі деп үміт білдірді. Бұдан өзге, тараптар ЕЭК бәсекелестік және монополияға қарсы реттеу блогының ЮНКТАД-тың трансшекаралық картельдер жөніндегі жұмыс тобына қатысуын талқылады.  "Біз бұл топ жұмысының маңыздылығы мен осы саладағы таңдаулы тәжірибені жүйелейтін құжатты дайындауға және дамушы елдер мен жас ведомстволарға неғұрлым пайдалы бола алатын кейбір ұсынымдар тұжырымдауға деген ұмтылысын атап көрсетеміз",- деп толықтырды министр. Кездесуге қатысушылар ЮНКТАД-тың бәсекелестік саясаты мен шағын және орта кәсіпкерлікті дамытудың өзара байланыстылығы мәселелері жөніндегі жобасына, сондай-ақ осы бағытта пікірсайысты одан әрі тереңдету қажеттігіне жеке назар аударды. Бақыт Сұлтанов ЮНКТАД-тың Бәсекелестік саясаты және тұтынушылар құқықтарын қорғау бөлімшесінің өкілдерін осы жылғы 24-25 мамырда Ресейде өтетін ІІ Еуразиялық экономикалық форум аясында бәсекелестік жөніндегі сессияда сөз сөйлеуге шақырды.
27 Jan 2023 ЕЭК "БРИКС"-тің Жаңа даму банкімен диалогты бастайды Еуразиялық экономикалық одақтың халықаралық қызметінің негізгі бағыттарын іске асыру және Одаққа мүше мемлекеттер басшыларының ЕАЭО мен "БРИКС"-тің ынтымақтастығын дамыту туралы бастамалары шеңберінде Еуразиялық экономикалық комиссия Жаңа даму банкімен диалогты бастайды. 26 қаңтарда Мәскеуде ЕЭК Алқасы Төрағасының кеңесшісі Владимир Ковалев пен ЖДБ-ның Еуразиялық өңірлік орталығының бас директоры Андрей Бокаревтың кездесуі болып өтті. ЕАЭО мен "БРИКС"-тің өзара іс-қимылының перспективалық күн тәртібінің көптеген мәселесі сөз болды. Атап айтқанда, екі бірлестіктегі жобалық қаржыландыруға орайлас тәсілдемелер талқыланды. "Әлемдік экономиканың трансформациясы жағдайында Еуразиялық экономикалық одақ үшін "БРИКС" елдерімен ынтымақтастық айрықша мүдделілік тудырады. Экономикасы дамып келе жатқан елдерде инфрақұрылымдық, логистикалық, энергетикалық жобаларды іске асыру саласындағы таңдаулы практикалармен алмасу тұрғысынан да, сол сияқты ЕАЭО мен "БРИКС"-тің орнықты экономикалық дамуының неғұрлым жаһандық мәселелері бойынша да, Жаңа даму банкімен диалогтың перспективасын көріп отырмыз",- деп атап өтті Владимир Ковалев. ЕЭК Алқасы Төрағасы кеңесшісінің сөзінше, ЕАЭО мен "БРИКС"-тің төлем-есеп айырысу саласындағы өзара іс-қимылының құралдарын пысықтаудың да маңызды мәні бар. Владимир Ковалев пен Андрей Бокарев ЕЭК пен Жаңа даму банкінің бірлескен іс-шаралар өткізу мүмкіндігін талқылады. Атап айтқанда, ЖДБ басшылығын 2023 жылғы 24-25 мамырда өтетін Еуразиялық экономикалық форумға қатысуға шақыру жоспарлануда. Бұдан басқа, 2023 жылы Жаңа даму банкі алаңында Еуразиялық экономикалық одақтың таныстырылымы ұйымдастырылуы мүмкін. Анықтама Жаңа даму банкін 2014 жылғы шілдеде Форталезаде "БРИКС"-тің VI саммитінде қол қойылған үкіметаралық келісім негізінде "БРИКС" елдері құрды. Банк қызметінің мақсаты — "БРИКС" мемлекеттеріндегі және дамушы елдердегі инфрақұрылымдық жобалар мен орнықты даму жобаларын қаржыландыру. 2021 жылы ЖДБ өз құрамына төрт жаңа қатысушыны: Бангладешті, Мысырды, БАӘ-ні және Уругвайды қабылдады. ЖДБ-ның жарғылық капиталы $100 млрд құрайды, жазылыс Біріккен Ұлттар Ұйымы мүшелеріне қолжетімді. ЖДБ-ның Еуразиялық өңірлік орталығы Мәскеуде орналасқан. Еуразиялық өңірлік орталықтың басты функцияларының бірі — бірнеше Еуразиялық мемлекеттің қатысуымен ЖДБ-ның жобаларын іске асыруды қолдау, мемлекеттік және жекеше құрылымдармен ынтымақтастық болып табылады.
27 Jan 2023 Михаил Мясникович БАӘ-нің Ресейдегі Төтенше және Өкілетті Елшісі Мохаммад Ахмад Аль-Джабермен кездесу өткізді 27 қаңтарда ЕЭК-тің штаб-пәтерінде Еуразиялық экономикалық комиссия Алқасының Төрағасы Михаил Мясникович Біріккен Араб Әмірліктерінің Ресей Федерациясындағы Төтенше және Өкілетті Елшісі М. А. Аль-Джабермен кездесті. Кездесу барысында Еуразиялық экономикалық одақ елдері мен БАӘ-нің сауда-экономикалық ынтымақтастығының мәселелері, соның ішінде экспорттық-импорттық жеткізілімдерді өсіре түсу және сауданы әртараптандыру перспективалары талқыланды. ЕАЭО мен БАӘ ынтымақтастығын қарқынды етудің бірінші қадамы 2022 жылғы маусымда Петербург халықаралық экономикалық форумы аясында Еуразиялық экономикалық комиссия мен БАӘ Үкіметі арасындағы өзара іс-қимыл туралы меморандумға қол қою болды, бұл бұдан арғы диалогты жүргізу үшін институционалдық негізді қалыптастыруға мүмкіндік берді. 2022 жылғы желтоқсанда Жоғары Еуразиялық экономикалық кеңес Бір тараптан Еуразиялық экономикалық одақ пен оған мүше мемлекеттер және екінші тараптан Біріккен Араб Әмірліктері арасындағы еркін сауда туралы келісім бойынша келіссөздерді бастау туралы шешім қабылдады. "Келіссөздер тездетілген режимде жүргізіледі деп сенеміз.Бұл ретте ЕАЭО мен оған мүше мемлекеттердің БАӘ-мен ынтымақтастығын мәселелердің үлкен тобы бойынша тереңдетудің өзектілігін қазірдің өзінде бар бүгінгі таңдағы Одақ елдері мен БАӘ-ның елеулі коммерциялық араластық-қатынастың болуы, сондай-ақ Әмірліктің ЕАЭО-ның іскер қоғамдастығына қызығушылығы растай түседі. Өзара іс-қимылымызға жайлы да пайдалы жағдайлар орнату үшін барлық қажетті нәрсені жасайтын боламыз",- деп атап көрсетті ЕЭК Алқасының Төрағасы. Тараптар алдағы байланысу графигін талқылады. Атап айтқанда, Михаил Мясникович БАӘ басшылығы мен кәсіпкерлерін 24-25 мамырға жоспарланған Еуразиялық экономикалық форумға белсенді қатысуға шақырды. Анықтама 2015-2021 жылдары ЕАЭО елдері мен БАӘ арасындағы сауда көлемі 4 есе артты, ЕАЭО-ның БАӘ-ге экспорты 4,7 есе өсті, ал ЕАЭО-ның БАӘ-ден импорты 47 % өсті. Бұл ретте тауар айналымы 2022 жылдың қаңтар-қазан кезеңінде 2021 жылдың ұқсас кезеңімен салыстырғанда тағы да 55% артты.
26 Jan 2023 Андрей Слепнев: "Климаттық күн тәртібі шеңберінде біз технологияларға, қаржыға қол жеткізу, сондай-ақ салалар үшін ынталандыруды теңестіру мәселелерін шешеміз" Еуразиялық экономикалық комиссияның Сауда жөніндегі министрі Андрей Слепнев ЕЭК Кеңесі отырысының "аясында" болып өткен Еуразиялық кеңістіктегі климаттық күн тәртібі мәселелері бойынша үйлестірілген тәсілдемелер тұжырымдау жөніндегі семинардың жұмысына қатысты. "Климаттық күн тәртібі экономика тұрғысынан қарағанда - бірінші кезекте технологиялық трансформация және жаңа технологиялық платформаға көшу. Сол себепті бұл процестегі табыс ұлттық экономиканың алдағы ондаған жылдағы табысын да айқындайтын болады", — деп атап өтті ол өз сөзінде. Климаттық күн тәртібі шеңберінде Еуразиялық экономикалық одақ елдерінің позицияларын жақындастыру бойынша ұсыныстар әзірлеу жөніндегі жоғары деңгейлі жұмыс тобын (ЖДЖТ) басқаратын ЕЭК Сауда жөніндегі министрі Андрей Слепнев үш түйінді мәселеге: технологияларға қол жеткізуге, қаржыға қол жеткізуге, сондай-ақ салалар үшін ынталандыруға және осымен байланысты еларалық тосқауылдардың пайда болу проблемаларына назар аударды. Технологияларға қол жеткізу бөлігі бойынша бәрі қандай технологияны және қандай дәрежеде "жасыл" деп атауға болатынын кімнің және қалай есептеуіне байланысты. Бұл орайда Ресей Федерациясында үш жыл ішінде көміртекті реттеудің құқықтық институционалдық инфрақұрылымы қалыптастырылды. Ал Қазақстанда мұндай жүйе бұдан да бұрын құрылды және бүгінде белсенді жетілдірілуде. "Қатынастардың бұл үлкен саласы салық, кеден мәселелеріне де, техникалық реттеуге де қатысты болады. Егер біз стандарттарда жан-жаққа тартатын болсақ, қандай кооперация туралы айтуға болады? Бірден тосқауыл пайда болады. Сол себепті, соның ішінде валидацияның, верификацияның және аккредиттеудің ортақ жүйесі мәселесі бірінші дәрежелі болып табылады", — деп атап көрсетті Андрей Слепнев. Екнші жәйіт климаттық жобаларды іске асыру үшін бірыңғай әдіснамалық базаны қалыптастыруға қатысты және компаниялардың көміртексіздендіруге бағытталған бастамаларын қолдау мәселелерін сөз етеді. ЕАЭО-да қаржыға қол жеткізу орайында климаттық жобалардың ортақ таксономиясы әзірленді. Құжат бір елдің жобаларының бастамашылары үшін әдіснама сәйкес келген жағдайда Одақтың барлық нарығында қаржыландыру алуға мүмкіндік ашады. ЕЭК Сауда жөніндегі министрі бұл ретте қабылданған таксономия бұдан да кең танылады деп сенім білдірді. "Ұлттық актілер үшін әдіснамалық негіз ретінде модельдік таксономияның пайдаланылатынына сенеміз, сондай-ақ тараптар биржаларымен оны бүкіл ЕАЭО кеңістігінде қаржыландыру үшін тікелей қолдану бойынша жұмыс істейміз", — деді Андрей Слепнев. Ол сондай-ақ Комиссияның компаниялар қайта ендіруге көмектесуге дайын климаттық технологиялар мен цифрлық жобалар банкін іске қосқанын еске салды. "Үшінші мәселе, ең бастысы - ынталандырулар және ықтимал тосқауылдар. Ол қай елдің және қашан шекаралық түзетуші көміртек механизмінің аналогтарын енгізуді бастайтындығына байланысты. Бүгінде біз Корея Республикасында, Қытайда және, айтпақшы, Қазақстан Республикасында шығарындылар саудасы жүйесі белсенді ендіріліп жатқанын көріп отырмыз", — деп назар аудара өтті ЕЭК Сауда жөніндегі министрі. Андрей Слепневтің пікірінше, Еуразиялық экономикалық одақ үшін ең ірі тәуекел ЕАЭО ішінде осындай механизмдерді және тиісті шекаралық өтемдік құралдарды ендіру болып табылады. Осы тәуекелдер тұрғысында Одаққа мүше мемлекеттер арасындағы салаларды көміртексіздендіру жоспарларының шиеленісін, сондай-ақ негізгі сыртқы сауда әріптестеріне байластыра теңестірудің елеулі міндеті тұр. "Біздің елдеріміздегі климаттық реттеуді талдап, жоспарларды қадамдастырып, Одақ органдарына қажетті шешімдер ұсынуымыз керек", — деп түйіндеді Андрей Слепнев. Семинар жұмысына сондай-ақ ЕЭК Кеңесінің мүшелері - Ресей Федерациясы Үкіметі Төрағасының орынбасары Алексей Оверчук пен Қырғыз Республикасы Министрлер Кабинеті Төрағасының бірінші орынбасары Адылбек Касымалиев, ЕЭК Алқасының Төрағасы Михаил Мясникович, Ресей Федерациясының Экономикалық даму министрі Максим Решетников, Армения Республикасының Экономика министрі Ваган Керобян, «Астана» ХҚО Жасыл қаржы орталығының директоры Айдар Қазыбаев, «Газпромбанк» АҚ басқармасы төрағасының орынбасары Елена Борисенко, РФ.СЭБ төрағасының бірінші орынбасары – басқарма мүшесі Алексей Мирошниченко және басқалар қатысты.
Тағы да көрсету