9 қыркүйекте Минскіде Еуразиялық экономикалық комиссияның Энергетика және инфрақұрылым жөніндегі министрі Арзыбек Кожошевтың Беларусь Республикасы Премьер-министрінің орынбасары Виктор Каранкевичпен және Беларусь Республикасының Энергетика министрі Алексей Кушнаренкомен жұмыс кездесуі болып өтті.
Келіссөздер барысында тараптар Еуразиялық экономикалық одақтың энергия ресурстарының ортақ нарығын қалыптастырудың өзекті мәселелерін, соның ішінде газ, мұнай және мұнай өнімдерінің ортақ нарығын қалыптастыру жөніндегі халықаралық шарттарды келісу барысын талқылады.
"Шарттар жобаларын келісуді аяқтау тараптардың нарықтарды қалыптастырудың қағидатты мәселелері бойынша бәтуаластыққа қол жеткізуіне байланысты болады", — деп атап өтті Арзыбек Кожошев.
Тараптар тұйықты мәселелерді реттеу бойынша диалогты жалғастыру және кейіннен Одақ органдарының отырыстарында қарау үшін олар бойынша өзара қолайлы шешімдерді іздеу қажеттігін атап көрсетті.
Кездесу шеңберінде ЕАЭО-ға мүше мемлекеттер арасындағы энергетика саласындағы ынтымақтастықтың жалпы бағыттарының мәселелері де сөз болды.
