Бақытжан Сағынтаев ЕЭК-тің Экономика және қаржы саясаты жөніндегі министрі болып тағайындалды

01.06.2022

Бақытжан Сағынтаев ЕЭК-тің Экономика және қаржы саясаты жөніндегі министрі болып тағайындалды

Жоғары Еуразиялық экономикалық кеңестің шешімімен 1 маусымнан бастап Қазақстан Республикасынан Бақытжан Сағынтаев Еуразиялық экономикалық комиссияның Экономика және қаржы саясаты жөніндегі Алқа мүшесі (министрі) болып тағайындалды. Оның құзыретіне Еуразиялық экономикалық одақтағы кәсіпкерлік қызметті дамыту, қаржы саясаты, еңбек көші-қоны және әлеуметтік қорғау мәселелері кіреді.

ЕЭК-тің жаңа министрінің Қазақстанның мемлекеттік билік органдарындағы басшылық жұмыста игерген елеулі тәжірибесі бар.

Бұдан бұрын ол Жамбыл облысы әкімінің орынбасары, Қазақстан Республикасы Табиғи монополияларды реттеу агенттігінің төрағасы, Қазақстан Республикасы Премьер-Министрі Кеңсесінің басшысы, Павлодар облысының әкімі, Қазақстан Республикасының Экономикалық даму және сауда министрі, «Нұр Отан» халық-демократиялық партиясы төрағасының бірінші орынбасары, Қазақстан Республикасы Премьер-Министрінің бірінші орынбасары, Қазақстан Республикасының Премьер-Министрі, Қазақстан Республикасының Мемлекеттік хатшысы, Қазақстан Республикасы Президенті Әкімшілігінің басшысы, Алматы қаласының әкімі лауазымдарын атқарды.