ЕАЭО мен Қытай стратегиялық әріптестікті дамытады

11.12.2023

ЕАЭО мен Қытай стратегиялық әріптестікті дамытады

Еуразиялық экономикалық одақ елдері мен Қытай Халық Республикасы арасындағы диалогты тереңдету мәселелері "Қазіргі заманғы Қытай мен Еуразия туралы Еуразиялық зерттеулер" 5-ші конференциясының назарында болды. Іс-шара 8 желтоқсанда Ереванда "Қытай - Еуразия" саяси және стратегиялық зерттеулер кеңесінің бастамасы бойынша болып өтті.

ЕАЭО-ны стратегиялық дамыту және оның халықаралық қызметі туралы Еуразиялық экономикалық комиссияның Интеграцияны дамыту департаментінің директоры Гоар Барсегян баяндама жасады.

"ЕАЭО Қытаймен, соның ішінде БРИКС, ШЫҰ және "Қытайдың Бір белдеу, бір жол" бастамасымен ұштасуды қоса, басқа да форматтар шеңберінде белсенді өзара іс-қимыл жасайды. Мұндай диалог өңірлік экономикалық даму стратегияларының синергиясын қамтамасыз етеді және көпполярлы әлемдік тәртіпті қалыптастырудың драйвері болып табылады", – деп атап көрсетті Гоар Барсегян.

Комиссия өкілі Қытай Одақтың жетекші сауда-экономикалық әріптесі ғана емес, сонымен қатар Еуразиялық кеңістіктегі түйінді көлік-логистика торабы болып табылатынын да атап өтті. Мұның бәрі ҚХР-мен ынтымақтастықты дамытуға стратегиялық сипат береді.

Анықтама

Конференция шеңберіндегі талқылаудың негізгі тақырыптары Қытайдың "Бір белдеу, бір жол" бастамасын іс жүзінде іске асыру, көпполярлы әлемдік тәртіпті қалыптастыру, ҒЗТКЖ, инновациялар, цифрландыру, қауіпсіздік мәселелері, жаһандық жеткізу тізбегін трансформациялау, Ресей мен Қытай, Үндістан мен Қытай арасындағы қарым-қатынас мәселелері болды.

Ашылу салтанатына Қытай Халық Республикасының Армения Республикасындағы Төтенше және Өкілетті Елшісі Юн Фан, Шанхай Ынтымақтастық Ұйымының Тату көршілік, достық және ынтымақтастық жөніндегі комиссиясының бас хатшысы Чжэн Вэй, Армения Премьер-Министрінің көмекшісі және 2050 жылға дейінгі Арменияны трансформациялау стратегиясы жөніндегі топтың жетекшісі Акоп Абрамян және Арменияның Қытай-Еуразиялық саяси және стратегиялық зерттеулер кеңесінің директоры Мгер Саакян қатысты.