19 сәуірде Бейжіңде Еуразиялық экономикалық комиссияның сауда министрі Андрей Слепнев пен Қытай Халық Республикасының Коммерция вице-министрі Ли Фэйдің бірлескен төрағалығымен Еуразиялық экономикалық одақ пен ҚХР арасындағы Сауда-экономикалық ынтымақтастық туралы келісімді іске асыру жөніндегі Бірлескен комиссияның отырысы өтті.
Тараптар келісімді енгізу бойынша 2023 жылы жүргізілген жұмысты жоғары бағалады.
Өткен отырыста бекітілген ЕАЭО мен ҚХР арасындағы сауда-экономикалық ынтымақтастықты дамыту жөніндегі жол картасын іске асыру барысы егжей-тегжейлі қаралды. Ресей мен Қытайдың теміржол тасымалдаушылары мен олардың сертификаттау орталықтары арасында қағазсыз технологияны пайдалана отырып халықаралық тасымалдарды ұйымдастыру туралы келісімдерге қол қою жөніндегі жұмысты тезірек аяқтау туралы уағдаластыққа қол жеткізілді, бұл ЕАЭО елдері мен ҚХР арасындағы көлік дәліздерін цифрландыруды дамытуға ықпал ететін болады.
Тараптар климаттық күн тәртібі, Одақ пен Қытайдың даму стратегиялары, жол картасының ережелерінде көзделген нарықты қорғау және электрондық сауда шаралары саласындағы консультацияларды жалғастырудың маңыздылығын атап өтті. Мемлекеттік сатып алу және биржааралық ынтымақтастық саласында тұрақты диалогты реттеу де атап өтілді.
Соынмен қатар Бірлескен комиссия техникалық реттеу, СФС-шараларын қолдану, кедендік және салалық ынтымақтастық салаларындағы өзара іс-қимылды кеңейту жөніндегі қорытындылар мен одан әрі қадамдарды талқылады. ЕАЭО-дан Қытайға темір жол көлігімен азық-түлік өнімдерін жедел тасымалдауды жүзеге асыруға бағытталған «Еуразиялық агроэкспресс» жобасын дамытуға ықпал ету ниеті жеке атап өтілді.
«Қазіргі уақытта біздің Одақ елдері мен ҚХР арасындағы қатынастар бұрын-соңды болмаған жоғары деңгейде, бұл тауар айналымының арту деректерімен расталады. 2023 жылы бұл көрсеткіш 2022 жылмен салыстырғанда бір ширек өскен. Келесі жылы біз сауда рәсімдерін оңайлату жөніндегі дәстүрлі мәселелерді, сондай-ақ климат және электрондық сауда бойынша жаңа бағыттарды қоспағанда, ЕАЭО және ҚХР ғылыми топтарының сауда-экономикалық ынтымақтастықты дамыту перспективалары туралы бірлескен зерттеу қорытындылары бойынша анықталған өзара іс-қимылды тереңдетудің басқа да бағыттарын талқылайтынымызға сенімдімін», — деді Андрей Слепнев.
ЕЭК министрі сапар барысында «Қытай темір жолдары» мемлекеттік компаниясының штаб-пәтеріне барып, оның бас директоры Го Чжуспен консультациялар жүргізді, сондай-ақ ЕАЭО-ға мүше мемлекеттердің дипломатиялық өкілдіктерінің басшыларымен жұмыс кездесуін өткізді.
