Жаңалықтар
ЕЭК пен Куба «Мариэль» айрықша экономикалық аймағында өнеркәсіптік ынтымақтастықты дамыту жұмысын жалғастырады
Артак Камалян мен Хулио Антонио Гармендия Пенья Еуразиялық экономикалық комиссия алаңындағы жұмыс кездесуі шеңберінде Еуразиялық экономикалық одақ елдері мен Куба Республикасының өнеркәсіптік ынтымақтастығын одан әрі дамытуды талқылады.
Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі мен Куба Республикасының Ресей Федерациясындағы Төтенше және Өкілетті Елшісі Гавананың «Мариэль» айрықша экономикалық аймағында өнеркәсіп паркін ашу жөніндегі бастамасын іске асыру шеңберіндегі бірлескен жұмысты жалғастыру қажеттігін атап өтті. Тараптар осы жұмысты жеделдету, ақпарат алмасу, өнеркәсіптік ынтымақтастықтың басым бағыттарын айқындау және АДА аумағында өндірістік қуаттарды орналастыру мәселесін пысықтау үшін Одақ кәсіпорындарымен тікелей байланысу орнатуға ЕЭК алаңында жәрдем көрсету туралы уағдаласты.
Артак Камалян Елші мырзаға және Куба Республикасының РФ-тегі Елшілігінің ЕАЭО мәселелері жөніндегі кеңесшісі Нелида Морейраға Гавана халықаралық жәрмеңкесіне қатысу үшін ЕЭК делегациясының Куба Республикасына сапарын ұйымдастыруға белсенді әрі жоғары кәсібилікпен жәрдемдескені үшін алғысын білдірді.
ЕЭК министрі жаңғыртылатын энергетика және электр көлігі бағыттары бойынша, сондай-ақ фармацевтика және металл өңдеу саласында, өзара тиімді негізде бірлескен жобаларды әзірлеу және іске асыру бойынша Кубамен сындарлы диалогты жалғастыруға және ұлғайтуға деген мүдделілікті атап өтті.
Хулио Антонио Гармендия Пенья байқаушы мемлекеттердің кооперациялық жобаларға қатысу перспективасын одан әрі пысықтау мақсатында 2024 жылдан бастап ЕАЭО мемлекеттерінің өнеркәсіптік кәсіпорындарын қаржылық қолдаудың жаңа механизмі іске қосылатыны туралы хабардар етілді.
