Жаңалықтар
2023 жылдың қорытындысы бойынша «Еуразиялық агроэкспресс» жоғары маржалы азық-түліктің экспорттық жеткізілімін 6%-ға ұлғайтты
Бұл туралы 2 ақпанда Алматыда (Қазақстан Республикасы) Еуразиялық үкіметаралық кеңеске ұсынылған Еуразиялық экономикалық одаққа мүше мемлекеттердің ауыл шаруашылығы өнімі мен азық-түлікті жеделдетілген темір жол және мультимодальды тасымалдауды жүзеге асыру жөніндегі бірлескен жобасын іске асыру барысы туралы баяндамада айтылған.
«Экспорттың ең үлкен өсімін дәнді-бұршақты дақылдар (4 еседен астам), сондай-ақ май өнімдері (шамамен 20%- ға) көрсетті», – деді Еуразиялық экономикалық комиссияның сауда министрі Андрей Слепнев.
Қазіргі уақытта жоба бойынша тасымалдаудың негізгі бағыты Қытай болып табылады. Сондай-ақ, өткен жылы «Солтүстік-Оңтүстік» халықаралық көлік дәлізінің шығыс тармағы бойынша Үндістан мен Иранға контейнер пойыздарымен жеткізілді. Өзбекстан Республикасына пилоттық жеткізу пысықталды, сондай-ақ БАӘ бағытында жөнелтулер пысықталуда.
«Одақ елдерінің аумағында өндірілетін сапалы азық-түліктің перспективалы нарығына қол жеткізуге қатысты шектеулерді алып тастау бойынша жұмыс істеуді жоспарлап отырмыз. Біз мұндай жұмысты жүйелі негізде жүргізіп жатырмыз және осындай нәтижелердің бірі ҚХР-ға өнімдерді тікелей теміржол арқылы жеткізуді қалпына келтіру болды, мұны қытайлықтар ковидке қарсы шаралармен шектеген болтын. Осы кезеңде Достық – Алашанькоу арқылы ет, құс еті, сүт және кондитерлік өнімдерді тасымалдауды қайта іске қосуға мүмкіндік туды. Кем дегенде тағы үш шекаралық өткелдің жақын арада ашылуы елдерімізге жеткізілімдерді айтарлықтай арттыруға мүмкіндік береді, осы бағытта жұмыс істеп жатырмыз», – деп атап өтті Андрей Слепнев.
Баяндаманы қарау қорытындысы бойынша ЕАЭО елдері үкіметтерінің басшылары жобаны іске асыруды жалғастыруға қолдау білдірді, сондай-ақ экспортталатын өнім бағыттарын кеңейту мен көлемін ұлғайтудың басымдығын растады.
Анықтама
Ауыл шаруашылығы өнімдері мен азық-түлікті, сондай-ақ Азия және Еуропа бағыттарында экспорттық жеткізілімдерді тұрақты өзара жеткізуді дамыту мақсатында ЕАЭО-ға мүше мемлекеттердің «Еуразиялық агроэкспресс» жеделдетілген темір жол және мультимодальды тасымалдауды жүзеге асыру жөніндегі бірлескен жобасын іске асыру туралы бастамасы Еуразиялық үкіметаралық кеңестің 2022 жылғы 25 ақпандағы № 3 өкімімен мақұлданды.
«Еуразиялық агроэкспресс» тасымалдарының жалпы көлемі 2023 жылы 450 мың тоннадан асты. Бұл ретте жүк базасының негізгі номенклатурасы май, жеміс-көкөніс және консерві, дәнді бұршақ өнімдері, сондай-ақ тауық еті мен сиыр еті болды.
