Еуразиялық экономикалық комиссия өкілдері Тверь облысында 24 тамызда болып өткен XXV Жазғы дипломатиялық ойындарға қатысты.
Комиссия қызметкерлері волейболды, шағын футболды, баскетболды, үлкен теннисті, кроссты, балық аулауды, табақ атуды қамтыған спорттық бағдарламаның барлық түріне қатысты.
Жарыс қорытындысы бойынша ЕЭК құрамасы волейболдан Жазғы дипломатиялық ойындарда бірінші орынды иеленді. Комиссияға Алексей Ефимов (Техникалық реттеу және аккредиттеу департаменті), Азамат Кануков (Қаржы департаменті), Сергей Козлов (Макроэкономикалық саясат департаменті), Дарья Мельник (Энергетика департаменті), Сергей Панков (Ішкі нарықтардың жұмыс істеуі департаменті), Михаил Юсов (Өнеркәсіптік саясат департаменті), Альберт Янен (Бәсекелестік саясат және мемлекеттік сатып алу саласындағы саясат департаменті) жеңіс әкелді.
ЕЭК командасы баскетболдан да лайықты өнер көрсетіп, үш ойынның екеуінде жеңіске жетті, бірақ жүлделі орындар үшін жарыстарда жеңіліп қалды.
Комиссия өкілдері жекелей есепте де көзге түсті.
Хаттама және ұйымдастырушылық қамтамасыз ету департаментінің қызметкері Мария Реутская үлкен теннисте 3-орынға ие болды.
Энергетика департаментінің қызметкері Дарья Мельник 200 метрлік кросста 4-ші орынға ие болды.
Спорттық іс-шараға Ресей Федерациясында аккредиттелген дипломатиялық және консулдық өкілдіктердің басшылары мен қызметкерлері, халықаралық ұйымдардың қызметкерлері және олардың отбасы мүшелері қатысты.
