Еуразиялық экономикалық одақ елдерінің үкімет басшылары 1 қазанда Ереванда орта мерзімді стратегиялық құжатты – ЕАЭО шеңберіндегі өнеркәсіптік ынтымақтастықтың 2030 жылға дейінгі негізгі бағыттарын бекітті.
Өнеркәсіптік ынтымақтастық үшін жаңа орта мерзімді бағдарлар Одақтағы өнеркәсіптің даму үрдістеріне сәйкес келеді. Басым салалардың тізімі өзектендірілді және кеңейтілді, Одақ шеңберіндегі өнеркәсіп пен кооперациялық ынтымақтастықты дамыту индикаторларының тізбесі жаңартылды және толықтырылды.
Үкіметаралық кеңес мүшелері ЕАЭО мемлекеттері жүзеге асырып жатқан импортты алмастыру жөніндегі бірлескен жобалар туралы баяндаманы мақұлдады. Құжат Одақтың Индустрияландыру картасының тиісті мониторингінің нәтижелері бойынша екі жылда бір рет үкімет басшыларының қарауына ұсынылады және ол мүше мемлекеттердегі импорт алмастыру жөніндегі жұмыстың бағыттары туралы ақпаратты, сондай-ақ импорт алмастыру жөніндегі бірлескен жобаларды дамытуды ынталандыру жөніндегі қорытындылар мен ұсыныстарды қамтиды.
Сондай-ақ агроөнеркәсіптік кешенді дамытудың
2024-2025 жылдарға арналған бірлескен болжамдары, мүше мемлекеттердің ауыл
шаруашылығы өнімі, азық-түлік, зығыр талшығы, былғары шикізаты, мақта талшығы
және жүн бойынша сұранысы мен ұсынысының теңгерімдері мақұлданды.
