Жаңалықтар
ЕЭФ-те құқық қолдану практикасы және монополияға қарсы реттеуді дамыту бағыттары талқыланды
Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермолович 30 қыркүйекте Еуразиялық экономикалық форум шеңберінде өткен «Құқық қолдану практикасы және монополияға қарсы реттеуді дамыту бағыттары» атты ЕЭК бәсекелестік және монополияға қарсы реттеу жөніндегі блоктың тақырыптық сессиясында негізгі спикер ретінде сөз сөйледі.
Трансшекаралық нарықтарға таратылатын бәсекелестік саласындағы ЕАЭО-ға мүше мемлекеттердің ұлттық юрисдикцияларының алдында тұрған өзекті мәселелер мен сын-тегеуріндер талқыланды.
Пікірталас барысында қолданыстағы механизмдердің тиімділігі және тең бәсекелестік жағдайларды қамтамасыз ету үшін Комиссия қызметін жетілдіру бағыты мәселелері қаралды.
Аталған нарықтардағы монополияға қарсы реттеу призмасы арқылы маркетплейстердің қызметін бағалаудың жалпы тәсілдері тұжырымдалған.
Іс-шараға қатысушылардың назары ЕЭК қызметіндегі бәсекелестіктің жалпы қағидаларын бұзу туралы істер бойынша ЕАЭО Сотының құқықтық ұстанымдарын қалыптастыруға және пайдалануға бағытталды.
Сессияда трансшекаралық нарықтардағы бәсекелестіктің жалпы қағидаларын бұзу туралы өтініштерді қарау және бастамашыл тергеп-тексерулер жүргізу кезінде бәсекелестік саласындағы ұлттық реттеушілер мен ЕЭК арасындағы өзара іс-қимыл механизмдерін жетілдірудің маңыздылығы атап өтілді. Ұлттық монополияға қарсы органдар мен ЕЭК-тің бәсекелестік үшін жағымсыз әсерлердің алдын алу және жолын кесу құзыретіндегі «сұр аймақтар» деп аталатындарды жою қажеттілігі атап өтілді.
Бәсекелестік саласындағы ұлттық реттеушілер мен ЕЭК арасында шаруашылық жүргізуші субъектілердің, оның ішінде үшінші елдердің компанияларының Одақтың трансшекаралық нарықтарындағы бәсекелестіктің жалпы қағидаларын сақтауын бақылау мәселелері бойынша нақты ақпарат алмасу қажеттігіне де қатысушылар күмән келтірмеді.
