Жаңалықтар
Еуразиялық экономикалық форумда ЕАЭО шеңберінде туристік саланы дамытудың жаңа жолдары талқыланды
26 мамырда Еуразиялық экономикалық форум шеңберіндегі «Туристік сала — экономикалық ынтымақтастықты кеңейтудің жаңа орамы» тақырыптық сессиясында сарапшылар туризмді дамыту туралы айтты. Еуразиялық экономикалық одақ мемлекеттерінің басшылары бекіткен Еуразиялық экономикалық интеграцияны дамытудың 2025 жылға дейінгі стратегиялық бағыттарына туризм саласы экономикалық ынтымақтастықтың перспективалы бағыттарының бірі ретінде кірістірілген.
Одақ елдерінің туризмді бірлестіктің мақсаттарының бірі — Еуразиялық «бестік» елдерінің экономикаларын нығайту жолында жағдай жасау құралы ретінде дамыту үшін үлкен мәдени және табиғи әлеуеті бар. Жаңа жұмыс орындары, экономиканың аралас салаларын дамыту, өзара инвестицияларды ұлғайту ЕАЭО халықтарының өмір сүру деңгейін арттыруға мүмкіндік береді. Сонымен қатар, әлемдік экономика тұрғысынан алғанда, неғұрлым серпінді және табысы жоғары салалардың бірі соңғы жылдары жаппай дағдарысты бастан кешіруде. Еуразиялық интеграцияның әлеуеті оны еңсеруге ықпал ете алар еді.
«Бүгінгі таңда ЕАЭО өз дамуының жаңа орамында тұр — біздің елдеріміздің Президенттері Еуразиялық экономикалық интеграцияны дамытудың 2025 жылға дейінгі стратегиялық бағыттарын бекітті, олардың шеңберінде туризмді дамыту саласындағы іс-шаралар да көзделген», — деді ЕЭК-тің Кәсіпкерлікті дамыту департаментінің директоры Ермек Қуантыров.
Панельдік пікірсайыс барысында қатысушылар туристік бизнесті жүргізудің жаңа экономикалық жағдайларын, сондай-ақ туризмді ЕАЭО елдерінде ғана емес, сонымен бірге жалпы Еуразиялық кеңістікте дамытудың әлеуетін барынша пайдалану мүмкіндіктерін талқылады.
Пікірсайысқа қатысушылар әріптестікті дамытудың, тәжірибе алмасудың және туристік секторды реттеудің таңдаулы халықаралық практикаларын пайдаланудың маңыздылығын атап көрсетті. Туризмнің перспективалы түрлерін, соның ішінде білім беру, медицина туризмін және медициналық оңалтуды дамыту қажеттігі атап өтілді.
«Одақ елдерінің туризм саласындағы кәсіби бизнес-бірлестіктері туризм саласында экономикалық ынтымақтастықты дамыту үшін тығыз байланыстар орнатуға тілек білдірді», — деп мәлімдеді тақырыптық сессияның модераторы, Қырғыз Республикасы Мәдениет, ақпарат, спорт және жастар саясаты министрінің орынбасары Самат Шатманов.
Еуразиялық экономикалық форум шеңберіндегі тақырыптық сессия алаңында сондай-ақ ЕАЭО елдері туристік бизнес-қауымдастықтарының басшылары Одақ аумағындағы туристік нарық туралы барлық қажетті ақпаратпен жедел алмасудың құралы ретінде Ынтымақтастық туралы меморандумға қол қойды.
