тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 2

26 тамыздың 2024 ЕАЭО-дағы тиісті практикалар мен фармацевтикалық инспекциялар жүйесі таңдаулы әлемдік практикалар деңгейінде жұмыс істейді Уфада өткен, халықаралық қатысушылары да болған IX Бүкілресейлік GMP-конференцияның жалпы сессиясында ЕЭК Техникалық реттеу және аккредиттеу департаменті директорының орынбасары Чинара Мамбеталиева Еуразиялық экономикалық комиссияның дәрілік заттардың ортақ нарығын реттеушіліктің бір бөлігі болып табылатын тиісті фармацевтикалық практикаларды регламенттеу жөніндегі жұмысының қорытындылары мен перспективалары туралы айтып берді. ЕЭК өкілі ЕАЭО-да дәрілік заттардың айналысын реттеуді таңдаулы әлемдік практикалар деңгейінде, соның ішінде фармацевтикалық инспекциялар мәселелері бойынша қолдау Комиссия жұмысының 2024-2025 жылдардағы басымдықтарының бірі болып табылады деп атап өтті. Дәрілік заттардың айналысы саласындағы тиісті практикалар жүйесі (GxP) және фармацевтикалық инспекциялар бойынша бірыңғай құжаттар Еуразиялық "бестік" елдерінде дәрілік заттардың сапасын қамтамасыз етудің бірыңғай жүйесін және фармацевтикалық инспекциялардың нәтижелерін өзара тану үшін негіз жасайды. ЕАЭО GxP үздіксіз дамуда және оларды қолдану практикасын және таңдаулы әлемдік практикаларды дамытуды ескере отырып, үнемі өзектілендіріліп отырады. ЕЭК дәрілік заттар мен медициналық бұйымдардың айналысы саласындағы жұмыстарды үйлестіру бөлімінің бастығы Дмитрий Рождественский конференцияның жалпы сессиясына қатысты, онда ұлттық заңнаманы фармацевтикалық инспекциялар жүргізу және тіркеу рәсімдері шеңберінде инспекцияларға бастамашылық жасау бөлігінде Одақ құқығымен үндестіру мәселелері қаралды. Халықаралық қатысушылары бар IX Бүкілресейлік GMP конференциясы — бұл тиісті практикалар саласындағы жылдың түйінді оқиғаларының бірі. Іс-шараға жыл сайын ЕАЭО-ға мүше мемлекеттердің өндірушілері, реттеушілері мен фармацевтикалық инспектораттарының өкілдері, сондай-ақ Дүниежүзілік денсаулық сақтау ұйымының Еуропалық өңірлік бюросының және ЕАЭО-дағы байқаушы елдер реттеушілерінің өкілдері қатысады.

26 наурыздың 2024 ЕАЭО-да 2024 жылғы 27 шілдеге дейін берілген ойыншықтарға арналған сәйкестік сертификаты қолданылу мерзімі аяқталғанға дейін жарамды болады Еуразиялық экономикалық комиссия Алқасы Еуразиялық экономикалық одақтың ойыншықтарға арналған бірыңғай техникалық регламентіне енгізілген өзгерістерді іске қосу тәртібін бекітті. Өзгерістер сәйкестікті бағалаудың ізеуірттелген рәсімдерін белгілейді. 2024 жылғы 27 шілдеге* дейін берілген және осы сертификаттардың қолданылу мерзімі аяқталғанға дейін жарамды рұқсат құжаттары – сәйкестік сертификаттары бар ойыншықтарды ЕАЭО кедендік аумағында айналысқа шығару мүмкіндігі айқындалды. Мұндай ойыншықтардың айналысына олардың жарамдылық мерзімі (қызмет мерзімі) ішінде рұқсат етіледі. Мұндай мүмкіндікті белгілеу кәсіпкерлік қызметті жүргізу жағдайларына оң әсер етеді, өйткені ойыншықтарды дайындаушылар, дайындаушы уәкілеттік берген тұлғалар мен сатушылар (жеткізушілер) үшін сәйкестікті бағалаудың жаңартылған рәсімдеріне "жұмсақ" өтпелі көшу қамтамасыз етіледі. Анықтама. *Кеңестің 2024 жылғы 26 қаңтарда қабылданған № 5 шешімімен техрегламентке өзгерістердің күшіне ену күні