Жаңалықтар
ЕАЭО-ның уәкілетті экономикалық операторлар тауарларды кеден органының рұқсатынсыз таңбалай алады
Бұл оңайлату УЭО-ға тауарларды таңбалаумен байланысты шығындарды азайтуға, сондай-ақ тауарларды айналымға қосу процесін тездетуге мүмкіндік береді. Бұл ретте өз алаңдары бар 2 және 3-типті куәліктерді иеленушілер де шетелдік тауарларды сақтау мен таңбалау процестерін оңтайландыра алады. Мұндай механизм төрешілдік тосқауылдарды болдырмайды және, сөйтіп, бизнеске түсетін жүктемені азайтады.
Құжат Одақта УЭО институтын дамытуға, ЕАЭО компаниялары үшін бәсекелестік артықшылықтар жасауға және озат халықаралық үрдістерді әрі, бәрінен бұрын, Дүниежүзілік кеден ұйымының стандарттарын іске асыруға бағытталған.
Құжат Одақ инфрақұрылымын ЕАЭО елдерінің бизнесі үшін барынша қолайлы әрі жайлы ете отырып, үлкен дәрежеде іске қосу мүмкіндігін береді.
«Ағымдағы макроэкономикалық жағдайда Кеңестің шешім қабылдауы Одақтың заңға бағынушы, УЭО-да соған жататын бизнесі үшін шынайы қолдау болады. Бұл ретте кеден органдары әкелінетін тауарларды таңбалауды бақылау жөніндегі барлық қажетті іс-шараларды жүзеге асыратын болады», — деп атап өтті ЕЭК Кедендік ынтымақтастық жөніндегі министрі Максат Мамытканов.
Уәкілетті экономикалық оператор институты – әріптестік бағдарламасының халықаралық танылған стандарты, ал УЭО – белгілі бір талаптарға сай келетін тұлғалар ретінде кедендік операциялар мен кедендік бақылау жүргізу кезінде оңайлату ұсынылатын тұлғалардың айрықша санаты.
ЕАЭО Кеден кодексінің 437-бабының 5-тармағында Комиссияның аталған бапта көзделмеген, уәкілетті экономикалық операторларға берілетін өзге де арнаулы оңайлатуды айқындауға құқылы екендігі белгіленген.
