Еуразиялық экономикалық комиссия Кеңесі медициналық бұйымдар айналысы саласында инспекциялайтын ұйым болуы мүмкін субъектілер тобын нақтылады.
Еуразиялық экономикалық комиссия Кеңесінің 2017 жылғы 10 қарашадағы № 106 шешімімен бекітілген Медициналық бұйымдардың сапа менеджменті жүйесін ендіруге, қолдауға және бағалауға қойылатын талаптарда оларды қолданудың ықтимал тәуекеліне байланысты «инспекциялайтын ұйым» ұғымының анықтамасы өзгертілді. Өзгерісті ескере отырып, өндірісті инспекциялауды не ЕАЭО елінің медициналық бұйымдар айналысы саласындағы уәкілетті органы, не оның ведомстволық бағыныстағы ұйымы жүргізетін болады.
«Медициналық бұйымдар өндірісін инспекциялау ЕАЭО-да жұмыс істейтін медициналық бұйымдар айналысын реттеу жүйесінде көзделген. Бұдан басқа, бұл рәсім медициналық бұйымдарды Одақ нарығына жіберудің маңызды кезеңі болып табылады», — деп атап өтті ЕЭК Техникалық реттеу жөніндегі министрі Виктор Назаренко.
Өзгеріс ЕАЭО мемлекеттерінің медициналық бұйымдар өндірісін инспекциялау нәтижелеріне деген өзара сенімінің деңгейін арттырады және ЕАЭО шеңберінде медициналық бұйымдарға қол жеткізуге оң ықпал етеді.
