Жаңалықтар
ЕАЭО-да дәрілердің сапасын бақылауға қойылатын талаптарды үндестіру жұмысы жалғасты
Еуразиялық экономикалық комиссия Алқасы Еуразиялық экономикалық одақтың ФармакопеясынаЕАЭО мемлекеттері үшін дәрілік заттардың сапасын бағалауға орайлас бірыңғай тәсілдемелерді қамтамасыз ететін өзгерістерді бекітті.
Өзгерістер дәрілік препараттарды фармацевтикалық-технологиялық сынау әдістерінің сипаттамаларын, биологиялық дәрілік заттарды талдауды, микробиология бойынша жалпы мәтіндерді, биологиялық дәрілік заттар мен радиофармацевтикалық дәрілік препараттарға олардың тиісті сапасы мен тиімділігін растау үшін қажетті талаптарды қамтитын жаңа жалпы фармакопеялық 46 құжатты кірістіреді. Өзгерістер 2025 жылғы 1 қаңтардан бастап күшіне енеді.
Фармакопеялық құжаттарды (монографияларды) ЕАЭО Фармакопея комитеті Одақ мемлекеттерінің ұлттық фармакопеясын ескере отырып дайындады. ЕАЭО Фармакопеясына өзгерістер енгізу – бұл мүше мемлекеттердегі үндестірілген жалпы және жеке фармакопеялық құжаттарды дайындау жөніндегі тұрақты жұмыстың қорытындысы.
Бұдан басқа, Комиссия Алқасының 2020 жылғы 11 тамыздағы № 100 шешіміне ветеринариялық дәрілік препараттардың тіркеу дерекнамасын Одақтың Фармакопеясына сәйкес келтірумерзімін ұзартуға байланысты өзгерістер енгізілді.
Қазір ЕАЭО Фармакопея комитеті ЕАЭО Фармакопеясының І томының төртінші бөлігі үшін 50-ден астам жалпы фармакопеялық құжат (монография) жобаларын дайындады. Фармакопеялық құжаттар (монографиялар) жобасын алдын ала талқылау ЕЭК сайтында өткізіледі.
