Еуразиялық экономикалық комиссия кеңесі Медициналық қолдануға арналған дәрілік заттарды тіркеу және сараптау қағидаларына өзгерістер енгізді.
Тіркеу және сараптама қағидалары дәрілік заттар айналымы саласында неғұрлым талап етілетін құжат екенін білдіреді. Осыған байланысты Қағидалардың ережелері дәрілік препараттардың жаңа топтарының, фармакология және фармация саласындағы ғылыми мәліметтердің, мүше мемлекеттердің практикалық тәжірибесінің пайда болуын ескере отырып өзектендіріледі.
Кеңестің шешімімен жоғары технологияларды қолдану негізінде жасалған дәрілік препараттардың жаңа топтарына қатысты тіркеу қағидаларының тұжырымдамалық аппараты кеңейтілді және сәйкестендірілді. Дәрілік препараттардың үш жаңа тобы анықталды: гендік терапия препараттары, соматожасушалық препараттар, тіндік инженерия препараттары.
Мұндай өзгерістерді қабылдау
адамның бұрын жазылмайтын ауруларын емдеу кезінде инновациялық технологияларды
іске асыруды қамтамасыз ететін бірқатар препараттарды нарыққа шығару
процестерін оңтайландыруға мүмкіндік береді.
