Жаңалықтар
09.07.2024
Одақтың «Техникалық құралдардың электр магниттік үйлесімділігі» техникалық регламентіне орайлас стандарттар тізбесіне өзгерістер енгізілді
Еуразиялық экономикалық комиссия Алқасы Еуразиялық экономикалық одақтың «Техникалық құралдардың электр магниттік үйлесімділігі» техникалық регламентіне (КО ТР 020/2011) орайлас стандарттар тізбесіне өзгерістер енгізді.
Атап айтқанда, тізбелер мультимедиялық жабдықты электр магниттік үйлесімділікке қойылатын талаптармен қамтамасыз етуге мүмкіндік беретін МемСТ CISPR 35-2019 өзектілендірілген мемлекетаралық стандартпен толықтырылды. Ол МемСТ EN 55020-2016 мемлекетаралық стандартын ауыстырады, бұған қатысты шешімде оны 2025 жылғы 1 шілдеге дейін қолданудың өтпелі кезеңі көзделген.
Сондай-ақ ЕЭК Алқасының шешімімен МемСТ EN 50557-2018 мемлекетаралық стандартының қолданылу мерзімі 2024 жылғы 1 тамызға дейін шектелді.
Көрсетілген тізбеге өзгерістер Комиссия Алқасының шешімі ресми жарияланған күннен бастап күнтізбелік 180 күн өткен соң күшіне енеді.
