Жаңалықтар

Сессияның модераторы Комиссияның Хаттама және ұйымдастырушылық қамтамасыз ету департаментінің директоры, ЕЭК Жастар кеңесінің төрағасы Данияр Турусбеков болды. Ол ХЖЭФ шеңберіндегі пікірсайыс 2022 жылғы 26 мамырда Бішкек қаласында өткен I Еуразиялық экономикалық форум алаңында өткен жастарды Еуразиялық интеграция процестеріне тарту мәселелерін талқылаудың жалғасы болғанын атап өтті. Данияр Турусбековтың сөзінше, Еуразиялық интеграция сарынында жастардың күн тәртібі ерекше өзекті болып көрінеді, өйткені ЕАЭО-ның болашағы мен табысы көбінесе жас ұрпаққа және бүгінгі күні Одаққа мүше мемлекеттер жастармен жұмысты қалай құратынына, интеграциялық үдерістің барысына тікелей әсер ететініне және бірлестіктің болашақ бейнесін қалыптастыратынына Сессияның модераторы Комиссияның Хаттама және ұйымдастырушылық қамтамасыз ету департаментінің директоры, ЕЭК Жастар кеңесінің төрағасы Данияр Турусбеков болды. Ол ХЖЭФ шеңберіндегі пікірсайыс 2022 жылғы 26 мамырда Бішкек қаласында өткен I Еуразиялық экономикалық форум алаңында өткен жастарды Еуразиялық интеграция процестеріне тарту мәселелерін талқылаудың жалғасы болғанын атап өтті. Данияр Турусбековтың сөзінше, Еуразиялық интеграция сарынында жастардың күн тәртібі ерекше өзекті болып көрінеді, өйткені ЕАЭО-ның болашағы мен табысы көбінесе жас ұрпаққа және бүгінгі күні Одаққа мүше мемлекеттер жастармен жұмысты қалай құратынына, интеграциялық үдерістің барысына тікелей әсер ететініне және бірлестіктің болашақ бейнесін қалыптастыратынына байланысты.

«Росмолодежь» басшысының орынбасары Андрей Платонов Ресейде қолданылатын жастармен жұмыс форматтары туралы айтты: Бүкілресейлік форум науқанының іс-шаралары, соның ішінде «Еуразия Global» халықаралық жастар форумы, Бүкілресейлік жастар кәсіпкерлігін қолдаудың бағдарламасы, жасампазшыл индустрияларды, еріктілерді қолдауға бағытталған жобалар. «Одақта біз жастар жобалары үшін кез келген әріптес таба аламыз», - деді ол. Андрей Платоновтың сөзінше, ЕАЭО-дағы бейінді органдар өз елдерінде Федералдық жастармен жұмыс агенттігінің үздік тәжірибелерін белсенді пайдаланады.

Қырғыз Республикасы Мәдениет, ақпарат, спорт және жастар саясаты министрінің орынбасары Союзбек Надырбеков Қырғыз Республикасының Президенті Садыр Жапаровтың ЕАЭО-ның жастар форумын құру және жыл сайын өткізу туралы бастамасын іске асыру перспективалары туралы, сондай-ақ Қырғыз Республикасындағы жастармен жұмыс туралы айтып берді. «Еуразиялық интеграцияны қолдауда жастар бүгінде және болашақта ең мобильді және белсенді әлеуметтік күш ретінде негізгі рөл атқаратын болады», – деп атап көрсетті Союзбек Надырбеков.

Ресейдің Экономикалық даму министрлігі ТМД елдерімен экономикалық ынтымақтастық департаментінің директоры Юлия Нестерчук жастарды жастарға тікелей әсер ететін Еуразиялық интеграция мәселелері бойынша шешімдерді талқылау процесіне белсенді қатысуға шақырды. «Еуразиялық интеграция процестері өте серпінді. Бізге жастардың жаңа идеялары, қалыптан тыс көзқарастары өте маңызды. Бұл тұрғыда жастар бірлестіктерінің, соның ішінде ЕЭК Жастар кеңесінің қатысуы өзекті деп санаймыз». Оның сөзінше, 2025-Стратегиясының жастарға (білім, ғылым, туризм және басқалар) тікелей әсер ететін жаңа, әлеуметтік-гуманитарлық бағыттарын іске асыру мәселелерін ЕЭК Жастар кеңесі алаңында талқылау мүмкіндігін қарастыруға болады. Өз кезегінде Данияр Турусбеков ЕЭК Жастар кеңесі Комиссия қызметшілерінің бірлестігі болып табылатынын атап өтіп, жастарды нормативтік актілер жобаларын талқылауға және келісуге белсенді қосу үшін Одақтың барлық елінің жастары өкілдерінің қатысуымен жеке алаң қажет деген ойды білдірді. Мұндай алаң мүше мемлекеттердің тиісті қолдауымен құрылуы мүмкін.

Еуразиялық интеграцияның гуманитарлық өлшемінің қажеттігі туралы Еуразиялық даму банкінің бас экономисі Евгений Винокуров айтты. Оның сөзінше, ЕАЭО-дағы трансшекаралық академиялық ұтқырлық қарқынды түрде қысқаруда және бұл бағытта түбегейлі серпіліс қажет. Осындай міндетті шешу үшін Евгений Винокуров қазақ этнографы және саяхатшысы Шоқан Уәлихановтың (1835-1865) атын бере отырып, Еуразиялық академиялық ұтқырлық бағдарламасын қалыптастыруға көшуді ұсынды.

ЕАЭО-дағы жоғары оқу орындары арасындағы ұтқырлықтың қазіргі бар бағдарламалары студенттер арасында үлкен қызығушылық таппайды деген тезисті Ресей СІМ ММХҚИ (У) жастар саясаты, әлеуметтік жұмыс және халықаралық байланыстар жөніндегі проректоры Станислав Суровцев мүше мемлекеттерге Одақ елдерінің жоғары оқу орындарымен және студенттік қоғамдастықтарымен бірлесіп, жастар үшін қызықты жаңа форматтарды ойластыруды ұсына отырып растады. Сонымен қатар, Станислав Суровцев Комиссия мен ММХҚИ-дың 2022-2023 жылдарға арналған ынтымақтастық бағдарламасының мақсаттары мен іс-шаралары туралы, атап айтқанда, оның шеңберінде мүше мемлекеттердің жетекші жоғары оқу орындарымен бірлесіп «Құқықтану» және «Экономика» бағыттары бойынша магистрлік бағдарламаны іске асыру жоспарланып отырғаны туралы жан-жақты айтып берді. Оның сөзінше, осы бағыттағы бірлескен жұмыс білім алушылар мен жас ғалымдарды ЕАЭО қызметіне кеңінен тартуға, сондай-ақ жастар арасында интеграцияның идеялары мен құндылықтарын ілгерілетуге ықпал ететін болады.

Пікірсайыстың тағы бір тақырыбы - халықаралық жастар коммуникациясы және ЕАЭО-ның сыртқы әріптестерімен қарым-қатынастарын дамытудағы жастардың рөлі мәселелері болды. Бұл туралы Ресей СІМ Жас дипломаттар кеңесі төрағасының бірінші орынбасары Арег Агасарян айтып, жас дипломаттардың Одақтың әлемдегі жағымды бейнесін таратудағы және шетелдік әріптестермен жұмыс істеуде ұлттық және ұлтүсті мүдделерді қорғаудағы рөлін атап өтті.

 .