Навіны
Вынікі пасяджэння Еўразійскага міжурадавага савета 25-26 жніўня 2022 г.
Кіраўнікі ўрадаў дзяржаў ЕАЭС заявілі аб завяршэнні працы над Пагадненнем аб заснаванні Еўразійскай перастраховачнай кампаніі (ЕПК) – міжнароднай фінансавай арганізацыі, якая не мае аналагаў на еўразійскай прасторы.
Члены Міжурадсавета ўхвалілі пералік прыярытэтных транспартных інфраструктурных праектаў у краінах ЕАЭС.
Кіраўнікі ўрадаў краін ЕАЭС абмеркавалі пытанне пашырэння выкарыстання нацыянальных валют краін Саюза пры ажыццяўленні разлікаў ва ўзаемным гандлі. Развіццё ЕАЭС і паслядоўны рост узаемнага гандлю паміж дзяржавамі-членамі суправаджаюцца павышэннем долі нацыянальных валют ва ўзаемных разліках. За мінулыя з моманту стварэння Саюза сем гадоў іх доля перавысіла 70% і дасягнула да 2022 года паказчыка ў 74%.
Кіраўнікі ўрадаў краін ЕАЭС абмеркавалі ўнясенне змяненняў у Дагавор аб Саюзе ў частцы спагнання ўскосных падаткаў пры электронным гандлі таварамі, якія рэалізуюцца фізічным асобам.
Членам Міжурадсавета былі прадстаўлены даклады Еўразійскай эканамічнай камісіі аб ходзе працы па стварэнні і ўкараненні механізмаў фінансавання прамысловай кааперацыі ў Саюзе і аб ходзе працы над Пагадненнем аб рэгуляванні ў ЕАЭС алкагольнага рынку.
ЕЭК працягне працу па збліжэнні пазіцый бакоў па Пагадненні аб рэгуляванні ў алкагольнага рынку ЕАЭС, унясенні змяненняў у Дагавор аб Саюзе ў частцы спагнання ўскосных падаткаў пры электронным гандлі таварамі, якія рэалізуюцца фізічным асобам.
Наступнае пасяджэнне Еўразійскага міжурадавага савета адбудзецца 20-21 кастрычніка бягучага года ў Рэспубліцы Арменія.
У пасяджэнні прынялі ўдзел Старшыня ЕМУС, старшыня Кабінета міністраў – Кіраўнік Адміністрацыі Прэзідэнта Кыргызскай Рэспублікі Акылбек Жапараў, Прэм'ер-міністр Рэспублікі Арменія Нікол Пашынян, Прэм'ер-міністр Рэспублікі Беларусь Раман Галоўчанка, Прэм'ер-міністр Рэспублікі Казахстан Аліхан Смаілаў, Старшыня Ўрада Расійскай Федэрацыі Міхаіл Мішусцін, Старшыня Калегіі Еўразійскай эканамічнай камісіі Міхаіл Мясніковіч. З боку прадстаўнікоў дзяржаў-назіральнікаў пры ЕАЭС – Прэм'ер-міністр Рэспублікі Узбекістан Абдула Арыпаў, Прэм'ер-міністр Рэспублікі Куба Марэра Крус, Надзвычайны і Паўнамоцны Пасол Рэспублікі Куба ў Расійскай Федэрацыі Хуліа Антоніа Гармендыя Пенья, а таксама Прэм'ер-міністр Азербайджанскай Рэспублікі Алі Ідаят аглы Асадаў у якасці запрошанага ўдзельніка пасяджэння.
Дакументы, падпісаныя па выніках пасяджэння Еўразійскага міжурадавага савета
- Распараджэнне «Аб фінансаванні прамысловай кааперацыі ў Еўразійскім эканамічным саюзе».
- Заява ў рамках пытання «Аб праекце Пагаднення аб заснаванні Еўразійскай перастраховачнай кампаніі».
- Распараджэнне «Аб пераліку прыярытэтных інтэграцыйных інфраструктурных праектаў у сферы транспарту дзяржаў - членаў Еўразійскага эканамічнага саюза».
- Распараджэнне «Аб далейшай працы па пашырэнні выкарыстання нацыянальных валют дзяржаў - членаў Еўразійскага эканамічнага саюза пры ажыццяўленні разлікаў у рамках узаемнага гандлю».
- Распараджэнне «Аб часе і месцы правядзення пасяджэння Еўразійскага міжурадавага савета».
- Распараджэнне «Аб прадстаўленні Вышэйшаму Еўразійскаму эканамічнаму савету кандыдатуры члена Савета Еўразійскай эканамічнай камісіі».
- Распараджэнне «Аб прадстаўленні Вышэйшаму Еўразійскаму эканамічнаму савету кандыдатуры члена Калегіі Еўразійскай эканамічнай камісіі».
