Жаңылыктар
ЕЭК ЕАЭБ жөнүндө келишимдин жоболорун өркүндөтүү боюнча ишин улантууда
Евразия экономикалык бирлиги жөнүндө келишимге өзгөртүүлөрдү киргизүү, аны өркүндөтүү боюнча жыйынды жумушчу топтун 26-июнда ЕЭКтин интеграция жана макроэкономика боюнча министри Сергей Глазьевдин төрагалыгы астында ЕЭКтин штаб-квартирасында өткөн отурумунда каралды.
Отурумдун жүрүшүндө жумушчу топтун мүчөлөрү Бирлик жөнүндө келишимге өзгөртүүлөрдү киргизүү жөнүндө протоколдун жаңы долбооруна киргизүү үчүн бир катар түзөтүүлөрдү жактырышты, ошондой эле "IV Чоң" протоколдун долбоорун мамлекеттик ички макулдашуунун натыйжаларын талкуулашты.
"IV Чоң" протоколдун долбоорунун негизги максаты укук колдонуу практикасынын жүрүшүндө аныкталган укуктук жөнгө салууда кенемтелерди четтетүүгө багытталган өзгөртүүлөрдү киргизүү, Бирлик жөнүндө келишимде колдонулган терминологияны тактоо болуп саналат. Документ ЕЭК Коллегиясынын буйругу боюнча ушул жылдын мартында мамлекеттик ички макулдашууларды жүргүзүү үчүн ЕАЭБ өлкөлөрүнө жөнөтүлгөн.
Анын курамына Бирликтин мүчө мамлекеттеринин мамлекеттик бийлик органдарынын, ЕЭКтин жана Бирликтин Сотунун өкүлдөрү кирген.
Жумушчу топтун алкагында Бирлик жөнүндө келишимге өзгөртүүлөрдү киргизүү тууралуу бир катар протоколдор даярдалган, анын ичинде "I Чоң" Протокол — 2021-жылдын 15-июлунда күчүнө кирген, "II Чоң" протокол — 2024-жылдын 12-февралында күчүнө кирген, "III Чоң" протокол — 2024-жылдын 25-апрелинде күчүнө кирген.
