Тыгран Саркісян: «Лепшая форма абмеркавання – калі рэгіянальныя аб'яднанні сядуць за стол перамоў і пачнуць дыскусію адносна справядлівых канонаў міжнароднага падзелу працы»

Наяўнасць такіх праблем, як узнікненне дысбалансаў у глабальным свеце, прымяненне пратэкцыянізму некаторымі краінамі, адзначыў Старшыня Калегіі Еўразійскай эканамічнай камісіі (ЕЭК) Тыгран Саркісян 23 кастрычніка на сесіі «ЕАЭС – Афрыка: тэндэнцыі і перспектывы развіцця інтэграцыйных працэсаў і супрацоўніцтва». Мерапрыемства прайшло ў рамках першага Эканамічнага форуму «Расія – Афрыка».   Удзельнікі сесіі абмеркавалі супрацоўніцтва рэгіянальных арганізацый у глабальным свеце. Мадэратарам выступіла старшыня праўлення Саюза «Афрыканская дзелавая ініцыятыва» Наталія Цайзер. У дыскусіі прынялі ўдзел камісар па пытаннях інфраструктуры і энергетыкі Камісіі Афрыканскага саюза Амані Абу-Зеід, сакратар па замежных справах Міністэрства замежных спраў, рэгіянальнай інтэграцыі і міжнароднага гандлю Рэспублікі Маўрыкій Уша Чандні Дварка-Канабадзі, прэзідэнт Гандлёва-прамысловай палаты Расійскай Федэрацыі Сяргей Катырын, генеральны сакратар Усходнеафрыканскай супольнасці (УАС) Ліберат Мфумукека, прэзідэнт Інстытута фінансаў і эканомікі Рэспублікі Замбія Калеб Фунданга.    Закранаючы тэму пратэкцыянізму і гандлёвых войн, якія сёння маюць месца, Старшыня Калегіі ЕЭК адзначыў, што іх можна разглядаць не толькі з палітычнага пункту гледжання, але і з пункту гледжання глабальнага гістарычнага развіцця. «Многія краіны лічаць, што эканамічная сістэма, якая склалася, і міжнародны падзел працы несправядлівы. Іх нацыянальныя інтарэсы не ўлічваюцца, а тыя каноны, якія сфарміраваны, у тым ліку, у рамках Сусветнай гандлёвай арганізацыі або ў межах дагавораў аб супрацоўніцтве паміж рэгіянальнымі аб'яднаннямі, паміж краінамі, яны не ў поўнай меры рэалізуюць іх уяўленні аб справядлівасці, і, прымяняючы такія метады, ажыццяўляецца спроба знаходжання больш збалансаваных і правільных рашэнняў», – падкрэсліў кіраўнік Калегіі ЕЭК.   На думку Тыграна Саркісяна, «лепшая форма абмеркавання – калі рэгіянальныя аб'яднанні сядуць за стол перамоў і пачнуць дыскусію адносна справядлівых канонаў міжнароднага падзелу працы. Тое, што сёння эканамічныя аб'яднанні – ужо рэальнасць, якую немагчыма абыходзіць, гаворыць аб тым, што мы саспелі да таго, што і ў рамках Сусветнай гандлёвай арганізацыі, дзе ёсць дамоўленасць, што неабходна ўдасканальваць каноны міжнароднага гандлю, аб'ектыўна ўдзельнікамі гэтага дыскурсу павінны стаць ужо рэгіянальныя эканамічныя аб'яднанні», – падкрэсліў кіраўнік Калегіі ЕЭК.   Трэнд на фарміраванне рэгіянальных эканамічных аб'яднанняў набірае абароты з сярэдзіны мінулага стагоддзя. Сёння налічваецца каля 50 такіх аб'яднанняў. Аднак ужо відавочна і не патрабуе дыскусій, што разам лягчэй прасоўвацца наперад, лічыць кіраўнік Калегіі ЕЭК.    Глабальны трэнд ідзе па нарастаючай, адбываецца паглыбленне інтэграцыйных працэсаў, фарміруюцца наднацыянальныя органы. «Мы бачым, што па меры паглыблення інтэграцыі, мы прыходзім да аднолькавых рашэнняў, якія паказваюць, што рэгіянальныя эканамічныя аб'яднанні не маюць альтэрнатывы», – рэзюмаваў Тыгран Саркісян.   У сваю чаргу, камісар па пытаннях інфраструктуры і энергетыкі Камісіі Афрыканскага саюза Амані Абу-Зеід адзначыў, што «лідары краін Афрыкі прыйшлі да высновы аб неабходнасці інтэграваць кантынент, адысці ад фрагментаваных эканомік і перайсці да больш буйнога эканамічнага блока». Амані Абу-Зеід распавёў аб велізарным патэнцыяле кантынента. Распрацаваны стратэгіі і планы для кожнага канкрэтнага сектара: «сіняй» эканомікі, энергетычнага рынку, адзінага лічбавага рынку, сферы транспарту і г.д. Ужо з ліпеня працуе зона свабоднага гандлю.    У сувязі з тым, што насельніцтва кантынента хутка расце, Афрыка кожны месяц павінна ствараць мільёны працоўных месцаў, для чаго неабходна інтэграцыя. «Тады магчымасці будуць узнікаць для ўсяго насельніцтва кантынента і ўсяго свету. Афрыканскі кантынент – гэта не проста рынак, мы агрэсіўна прасоўваем ідэю інтэграцыі. Мы нацэлены справіцца з усімі выклікамі і складанасцямі на нашым шляху. Мы шукаем надзейных партнёраў, якія будуць працаваць з намі ў рэжыме win-win, то бок выгадным для ўсіх», – падкрэсліў ён.​