Навіны

19 Jun 2024 Гоар Барсегян і Аляксандр Шохін абмеркавалі пытанні прамысловага супрацоўніцтва ў ЕАЭС Міністр па прамысловасці і аграпрамысловым комплексе Еўразійскай эканамічнай камісіі Гоар Барсегян абмеркавала з прэзідэнтам Расійскага саюза прамыслоўцаў і прадпрымальнікаў Аляксандрам Шохіным рэалізацыю механізму фінансавага садзейнічання прамысловай кааперацыі ў Еўразійскім эканамічным саюзе. Гоар Барсегян праінфармавала Аляксандра Шохіна аб уступленні ў сілу змяненняў у Дагавор аб ЕАЭС ад 29 мая 2014 года ў частцы аказання фінансавага садзейнічання пры рэалізацыі дзяржавамі-членамі сумесных кааперацыйных праектаў у галінах прамысловасці, адзначыўшы што неабходная нарматыўная база сфарміравана і ўступіла ў сілу, а цяпер стаіць задача па больш актыўным уцягванні бізнесу ЕАЭС у працэс фарміравання праектных прапаноў. «Гэты напрамак неабходна развіваць сумесна з найбуйнейшымі прамысловымі кампаніямі і малым, і сярэднім бізнесам нашых краін. Разлічваем на актыўны зацікаўлены ўдзел Дзелавога савета ЕАЭС», – падкрэсліла міністр. Па словах міністра ЕЭК, Камісія вядзе сістэмны дыялог з бізнесам, банкамі і дзяржструктурамі краін ЕАЭС, забяспечваючы інфармаванне бізнесу аб механізме фінансавага садзейнічання прамкааперацыі, у тым ліку ў рэгіёнах, для пошуку і выяўлення патэнцыяльных праектаў.  Аляксандр Шохін, у сваю чаргу, пацвердзіў зацікаўленасць бізнесу і гатоўнасць РСПП садзейнічаць рэалізацыі наднацыянальнага фінансавага механізму садзейнічання прамысловай кааперацыі. Па выніках сустрэчы дасягнута дамоўленасць аб правядзенні адпаведных сумесных мерапрыемстваў на палях Міжнароднай прамысловай выставы ІНАПРАМ 8-11 ліпеня ў Екацярынбургу.
19 Jun 2024 Гоар Барсегян: «Еўразійскія тэхналагічныя платформы – адзін з асноўных інструментаў каардынацыі інавацыйнай дзейнасці ў ЕАЭС» 19 чэрвеня на пляцоўцы Еўразійскай эканамічнай камісіі пад старшынствам міністра па прамысловасці і аграпрамысловым комплексе ЕЭК Гоар Барсегян адбыўся II З'езд еўразійскіх тэхналагічных платформаў (ЕТП, тэхплатформаў). З прадстаўнікамі 18-ці дзеючых техплатформаў абмеркаваны пытанні павышэння значнасці і папулярызацыі іх дзейнасці, механізмы падтрымкі, а таксама ініцыяваныя ЕТП пытанні фінансавання распрацоўкі і рэалізацыі міждзяржаўных праграм і праектаў. Гоар Барсегян падкрэсліла, што развіццё кааперацыі ў навукова-тэхнічнай і інавацыйнай сферах мае першараднае значэнне для прамысловага развіцця дзяржаў Еўразійскага эканамічнага саюза (ЕАЭС). «Адным з асноўных інструментаў каардынацыі інавацыйнай дзейнасці на прасторы ЕАЭС, лакаматывам кааперацыі і супрацоўніцтва ў інавацыйнай сферы з'яўляецца інстытут еўразійскіх тэхналагічных платформаў, якія могуць аб'ядноўваць і ўкараняць найлепшыя напрацоўкі саюзных краін у найбольш перспектыўныя і навукаёмістыя індустрыяльныя сектары эканомікі праз рэалізацыю міждзяржаўных праграм і праектаў», – адзначыла яна. Міністр паведаміла аб новым фінансавым механізме падтрымкі рэалізацыі сумесных праектаў для актывізацыі прамысловай кааперацыі ў ЕАЭС. «У якасці механізму фінансавання вызначана субсідаванне з бюджэту Камісіі працэнтных ставак па крэдытах і пазыках банкаў другога ўзроўню, выдадзеных на рэалізацыю кааперацыйных праектаў», – адзначыла Гоар Барсегян, дадаўшы, што на такія праекты ў бюджэце Камісіі на бягучы год прадугледжана каля 1,8 млрд рублёў. У сваю чаргу, удзельнікі ЕТП адзначылі практыку паспяховага ўзаемадзеяння з ЕЭК, важнасць каардынацыйнай ролі Камісіі ў вырашэнні галіновых пытанняў, а таксама далі свае прапановы па далейшым развіцці інстытута тэхплатформаў. Па выніках З'езда была прынята рэзалюцыя, у адпаведнасці з якой прадугледжаны шэраг мер па павышэнні эфектыўнасці дзейнасці еўразійскіх ЕТП, узмацненні іх ролі і выпрацоўцы прапаноў па новых механізмах рэалізацыі міждзяржаўных праграм і праектаў у частцы крыніц іх фінансавання на ўсіх этапах.
18 Jun 2024 Зацверджана Праграма па распрацоўцы міждзяржаўных стандартаў да тэхрэгламенту Саюза «Аб бяспецы нізкавольтнага абсталявання». Рашэннем Калегіі Еўразійскай эканамічнай камісіі 18 чэрвеня ўнесены кропкавыя змяненні ў Праграму па распрацоўцы міждзяржаўных стандартаў да тэхнічнага рэгламенту Мытнага саюза «Аб бяспецы нізкавольтнага абсталявання» (ТР МС 004/2011). Праграма дапоўнена пяццю новымі міждзяржаўнымі стандартамі на сістэмы бесперабойнага энергазабеспячэння (UPS) і нізкавольтную апаратуру размеркавання і кіравання на аснове актуальных версій стандартаў Міжнароднай электратэхнічнай камісіі. Распрацоўшчыкам вызначана Расійская Федэрацыя. Таксама скарэкціраваны тэрмін распрацоўкі шэрагу міждзяржаўных стандартаў, раней уключаных у Праграму, адказнымі распрацоўшчыкамі якіх з'яўляюцца Рэспубліка Беларусь і Расійская Федэрацыя. Рашэнне Калегіі ўступае ў сілу па заканчэнні 30 каляндарных дзён ад даты яго афіцыйнага апублікавання.
18 Jun 2024 Савет ЕЭК аптымізаваў рэгуляванне прымянення мытнай працэдуры часовага ўвозу 11 ліпеня ўступіць у сілу Рашэнне Савета Еўразійскай эканамічнай камісіі аб некаторых пытаннях прымянення мытнай працэдуры часовага ўвозу (допуску). Распрацоўка праекта Рашэння была ініцыяваная ЕЭК для аптымізацыі і сістэматызацыі прававога рэгулявання мытнай працэдуры часовага ўвозу (допуску). У гэтых мэтах аб'яднаны адпаведныя палажэнні Рашэнняў Камісіі Мытнага саюза ад 18 чэрвеня 2010 года № 331, ад 16 ліпеня 2010 года № 328, ад 20 верасня 2010 года № 375, а таксама рашэнні Савета ЕЭК ад 20 снежня 2017 года № 109.  Для зручнасці карыстання і выключэння неадпаведнасці палажэнняў розных рашэнняў Камісіі сфарміраваны адзіны пералік тавараў, у якім вызначаны як тэрміны і ўмовы часовага знаходжання і выкарыстання тавараў без выплаты мытных пошлін, падаткаў, так і тэрміны дзеяння мытнай працэдуры часовага ўвозу (допуску). Рашэннем Савета ЕЭК таксама вызначаны выпадак, калі працэнты, прадугледжаныя абзацамі першым і другім пункта 3 артыкула 226 Мытнага кодэкса ЕАЭС, не налічваюцца і не выплачваюцца. Пры распрацоўцы дакумента перагледжаны і скарэкціраваны шэраг умоў часовага знаходжання і выкарыстання тавараў без выплаты мытных пошлін, падаткаў у сувязі з цяжкасцямі або немагчымасцю іх кантролю, а ў шэрагу выпадкаў таксама з некарэктнасцю іх вызначэння. Акрамя таго, Рашэннем вызначана, што ў дачыненні да тавараў, змешчаных пад мытную працэдуру часовага ўвозу (допуску) да ўступлення ў сілу гэтага Рашэння, прымяняюцца гранічныя тэрміны і ўмовы поўнага ўмоўнага вызвалення ад выплаты мытных пошлін, падаткаў (часовага знаходжання і выкарыстання без выплаты мытных пошлін, падаткаў), а таксама тэрміны часовага ўвозу (тэрміны дзеяння мытнай працэдуры часовага ўвозу (допуску)), вызначаныя ў дачыненні да названых тавараў адпаведнымі актамі Камісіі Мытнага саюза (Еўразійскай эканамічнай камісіі), якія дзейнічалі да ўступлення ў сілу гэтага Рашэння. Прыняцце Рашэння дасць магчымасць аптымізаваць і сістэматызаваць прававое рэгуляванне мытнай працэдуры часовага ўвозу (допуску), выключыць неадназначныя ўмовы часовага знаходжання і выкарыстання тавараў на мытнай тэрыторыі Саюза, а таксама сфарміраваць адзіную правапрымяняльную практыку.
18 Jun 2024 ЕАЭС ураўняе дапушчальныя масы, нагрузку і габарыты для грузавога аўтатранспарту Краіны Еўразійскага эканамічнага саюза завяршылі ўнутрыдзяржаўныя працэдуры ўзгаднення па праекце Пагаднення аб дапушчальных масах, восевых нагрузках і габарытах транспартных сродкаў пры руху па аўтамабільных дарогах дзяржаў ЕАЭС, уключаных у еўразійскія транспартныя калідоры. «Рэалізацыя Пагаднення надасць істотны імпульс як развіццю еўразійскіх транспартных калідораў, так і павелічэнню транзітнага патэнцыялу ЕАЭС у цэлым», – адзначыў міністр па энергетыцы і інфраструктуры Еўразійскай эканамічнай камісіі Арзыбек Кажошаў. Неадпаведнасць патрабаванняў да вагавых і габарытных параметраў транспартных сродкаў у розных краінах Саюза ўваходзіць у пералік абмежаванняў на ўнутраным рынку ЕАЭС. Прыняцце Пагаднення дазволіць ліквідаваць гэту перашкоду. У праекце дакумента зафіксаваны дамоўленасці бакоў аб прыняцці мер для таго, каб аўтамабільныя дарогі, уключаныя ў еўразійскія транспартныя калідоры, у поўнай меры адказвалі патрабаванням для пропуску па іх транспарту з дапушчальнымі масамі, восевымі нагрузкамі і габарытамі, якія вызначае Пагадненне. Аўтамабільныя грузаперавозкі з'яўляюцца важным элементам у забеспячэнні гандлёвых патокаў і эфектыўных ланцугоў паставак. Так, больш за палову агульнага аб'ёму перавозак грузаў у краінах ЕАЭС прыпадае на аўтамабільны транспарт. Пагадненне адносіцца да катэгорыі міжнародных дагавораў. Для пачатку яго дзеяння неабходна падпісаць дакумент на ўзроўні ўрадаў краін еўразійскай «пяцёркі». Працэдура падпісання віцэ-прэм'ерамі дзяржаў Саюза – членамі Савета ЕЭК – запланавана на трэці квартал бягучага года.
18 Jun 2024 ЕЭК праводзіць анкетаванне спажыўцоў харчовай солі У Еўразійскую эканамічную камісію з заявай аб парушэнні агульных правілаў канкурэнцыі звярнуўся вытворца харчовай солі адной з дзяржаў-членаў Еўразійскага эканамічнага саюза. У рамках разгляду заявы Дэпартамент антыманапольнага рэгулявання ЕЭК праводзіць ацэнку стану канкурэнцыі на таварным рынку харчовай солі ў адпаведнасці з Методыкай ацэнкі стану канкурэнцыі. У мэтах вызначэння меркавання спажыўцоў адносна наяўнасці (адсутнасці) падабенства упаковак тавару Дэпартамент ажыццяўляе анкетаванне спажыўцоў. У анкетах прадстаўлены пытанні, якія прадугледжваюць выбар аднаго або некалькіх варыянтаў адказу, а таксама адкрытыя пытанні, якія прадугледжваюць свой варыянт адказу. Вынікі аўтаматычна накіроўваюцца па электроннай пошце ў Дэпартамент антыманапольнага рэгулявання ЕЭК. Анкетаванне з'яўляецца ананімным. Запоўніць анкеты можна тут.
Паказаць яшчэ