Навіны

Паводле інфармацыі Міністэрства фінансаў Рэспублікі Беларусь і Міністэрства замежных спраў Расійскай Федэрацыі, аплачаны штрафы за парушэнні агульных правілаў канкурэнцыі на трансгранічных рынках Еўразійскага эканамічнага саюза.

Калегія Еўразійскай эканамічнай камісіі Рашэннем ад 7 ліпеня 2020 года прызнала ўдзельнікам антыканкурэнтнага пагаднення дырэктара ТАА «Асамедыка» (Беларусь) Сяргея Пузыню. Кампаніі-прадаўцы медыцынскага абсталявання, у тым ліку ТАА «Асамедыка», дамовіліся рэалізоўваць моўныя працэсары сістэм кахлеарнай імплантацыі вытворчасці Cochlear Europe кожная на сваёй тэрыторыі. Тым самым спажыўцы былі пазбаўлены магчымасці выбіраць тавар па больш выгаднай цане, а таксама атрымоўваць гарантыйнае і паслягарантыйнае абслугоўванне ў больш шырокага кола пастаўшчыкоў гэтай прадукцыі.

Рашэннем ад 21 лістапада 2023 года Калегія ЕЭК прызнала актам нядобрасумленнай канкурэнцыі дзеянні ТАА «Брутс Н» (Беларусь). Кампанія ўвяла ў зман спажыўцоў адносна яе датычнасці да вядомай расійскай сеткі кальянных устаноў HOOKAH PLACE, выкарыстоўваючы таварны знак, падобны на таварны знак расійскай сеткі.

ТАА «Брутс Н» і дырэктар ТАА «Асамедыка» Сяргей Пузыня аштрафаваны на агульную суму звыш 700 тыс. рублёў.

2 жніўня 2022 года Рашэннем Калегіі ЕЭК прызнаны актам нядобрасумленнай канкурэнцыі дзеянні ТАА «Металатэхніка» (Расія), яго дырэктара Яўгена Тарасава, а таксама дырэктара ТАА «Металаапрацоўка» (Расія) Валерыі Абросімавай. Яны ўводзілі ў зман спажыўцоў у дачыненні да характару, спосабу і месца вытворчасці, спажывецкіх уласцівасцяў або ў дачыненні да вытворцы абсталявання для рэзкі стальных труб, выкарыстоўваючы ў назвах абазначэнне «Арбіта», выключныя правы на якое належаць ТАА «Аўтаген-М» (Арменія).

Адзначаныя асобы аштрафаваны на агульную суму больш за 800 тыс. руб.