Перейти на старую версию сайта

Навіны

26.10.2021 (Обновлено: 11.01.2022 10:14)

Навукова-прамысловы патэнцыял краін ЕАЭС дазваляе пашырыць супрацоўніцтва ў інавацыйных сферах

У рамках рабочага візіту ў Аб’яднаныя Арабскія Эміраты міністр па прамысловасці і аграпрамысловым комплексе Еўразійскай эканамічнай камісіі Артак Камалян сумесна з прадстаўнікамі краін ЕАЭС наведаў Сусветную выставу «Экспа-2020», якая праходзіць у Дубае.

Міністр ЕЭК агледзеў разам з калегамі экспазіцыі дзяржаў Еўразійскага эканамічнага саюза і іншых прадстаўленых краін, азнаёміўся з найноўшымі дасягненнямі ў сферах аптымізацыі выкарыстання прыродных рэсурсаў, эканоміі энергіі і зялёнай эканомікі ў цэлым.

З улікам таго, што цяпер Камісія распрацоўвае дадатковыя меры, якія будуць спрыяць папулярызацыі ў Саюзе экалагічна чыстага электратранспарту і ахопліваюць інфармацыйныя, арганізацыйныя і фінансавыя аспекты развіцця гэтага віду транспарту і спадарожнай інфраструктуры, пры наведванні павільёна Казахстана Артак Камалян звярнуў увагу на распрацоўку кампаніі «Адэль Энэрджы», якая вырабляе кіруючыя модулі для зарадных станцый электрамабіляў.

«Патэнцыял навуковага і прамысловага сектараў краін Саюза дазволіць надаць імпульс нарошчванню ўзаемадзеяння пры рэалізацыі агульнай прамысловай палітыкі, пашырыць супрацоўніцтва ў інавацыйных сферах і прадэманстраваць дасягненні Еўразійскага эканамічнага саюза ў сферы прамысловасці», – падкрэсліў Міністр ЕЭК.

Варта адзначыць, што ў Саюзе ўжо прынятая рэкамендацыя «Аб стымуляванні вытворчасці і выкарыстання колавых транспартных сродкаў з электрычнымі, гібрыднымі рухавікамі і рухавікамі, якія працуюць на прыродным газе, у дзяржавах - членах Еўразійскага эканамічнага саюза на 2021 - 2025 гады», а таксама падрыхтаваны агляд міжнароднага вопыту стымулявання вытворчасці і выкарыстання колавых транспартных сродкаў з электрычнымі рухавікамі.

Акрамя таго, развіццё супрацоўніцтва па перадавых прамысловых напрамках з шэрагам дзяржаў, у тым ліку Аб’яднанымі Арабскімі Эміратамі і іншымі краінамі Блізкага Ўсходу, з’яўляецца адной з прыярытэтных задач пры рэалізацыі Асноўных напрамкаў міжнароднай дзейнасці ЕАЭС на 2021 год, зацверджаны Вышэйшым Еўразійскім эканамічным саветам у снежні 2020 года.

Даведка

«Экспа» – самая вядомая Сусветная выстава з вялікімі традыцыямі. Яна праходзіць кожныя пяць гадоў у розных краінах. Упершыню выстава адбылася ў 1851 годзе. «Экспа-2020» адкрылася 1 кастрычніка 2021 года і будзе доўжыцца паўгода. Паводле папярэдніх ацэнак арганізатараў, Сусветную выставу «Экспа-2020» за 173 дні яе працы наведаюць да 25 млн чалавек.