Навіны

Савет Еўразійскай эканамічнай камісіі прыняў рашэнне даць тарыфную льготу ў выглядзе вызвалення ад выплаты мытнай пошліны ў дачыненні да электрамабіляў, якія ўвозяцца ў краіны ЕАЭС у абмежаванай колькасці.

Вызваленне ад выплаты мытных пошлін прадастаўляецца толькі грамадзянам, якія пастаянна пражываюць у Рэспубліцы Арменія, Рэспубліцы Беларусь, Рэспубліцы Казахстан і Кыргызскай Рэспубліцы. Пры гэтым не дапускаецца перадача правоў валодання, карыстання і распараджэння электрамабілямі асобам, якія маюць грамадзянства і (або) пастаяннае месца жыхарства ў Расійскай Федэрацыі.

«Як чакаецца, прымяненне тарыфнай ільготы ў комплексе з іншымі мерамі, накіраванымі на стымуляванне попыту на электрамабілі, іх вытворчасці і развіццё сеткі зарадных станцый, будзе спрыяць стварэнню акна магчымасцяў для больш шырокага распаўсюджвання такіх транспартных сродкаў, а таксама для іх выпуску ў ЕАЭС», – адзначыў міністр па гандлі ЕЭК Андрэй Сляпнёў.

Рашэнне ўступае ў сілу па заканчэнні 10 каляндарных дзён ад даты яго афіцыйнага апублікавання.