Жаңалықтар
ЕЭК Кеңесі Беларусь пен Ресейдің навигациялық пломбалар бойынша экспериментті іске асыру мерзімін 2024 жылғы 1 шілдеге дейін ұзартты
Эксперимент 2023 жылғы 13 ақпанда басталды. Көрсетілген кезең ішінде навигациялық пломбалар аталған өнімнің 400-ден астам тасымалына қатысты қолданылды. Эксперименттің аралық нәтижелері 2023 жылдың көктемінде-ақ Еуразиялық экономикалық комиссия Кеңесінде қаралған-ды, онда экспериментті осы жылдың соңына дейін ұзарту туралы шешім қабылданды.
Бұдан басқа, эксперимент шеңберінде алынған практикалық тәжірибе 2022 жылғы 19 сәуірдегі тасымалдарды қадағалап отыру үшін Еуразиялық экономикалық одақта навигациялық пломбаларды қолдану туралы келісімді іске асыруды бастау үшін Комиссияның қажетті нормативтік актілерін дайындау кезінде ескерілді.
Келісім Одақ аумағы бойынша тасымалдауды ұйымдастыру кезінде қазіргі заманғы техникалық және технологиялық шешімдерді пайдалануды кеңейту жолымен ЕАЭО-дағы тауарлардың заңды айналымын қамтамасыз етуге, сондай-ақ тауарларды тасымалдауға қатысты (транзит, экспорт және өзара сауда кезінде) кедендік және өзге де мемлекеттік бақылау түрлерінің шараларын қолдануды барынша азайтуға бағытталған.
Бизнестің аталған экспериментті жалғастыруға мүдделілігіне байланысты бүгін Комиссия Кеңесінде оны 2024 жылғы 1 шілдеге дейін ұзарту туралы уағдаластыққа қол жеткізілді.
Эксперимент ЕЭК Кеңесінің 2022 жылғы 17 қазандағы № 29 өкіміне сәйкес өткізілуде. Оны өткізуге Ресей Федерациясы Үкіметінің 2010 жылғы 15 шілдедегі және 2011 жылғы 30 желтоқсандағы қаулыларында көрсетілмеген өткізу пункттері арқылы экспорттың кедендік рәсімімен орналастырылған ағаш материалдарын Ресей аумағынан әкету мүмкіндігін қамтамасыз етудің қосымша мүмкіндігін пысықтау мақсатында, сондай-ақ тараптар мен СЭҚ қатысушыларын Одақтың екі және одан да көп мемлекетінің аумағы бойынша тауарларды тасымалдауды қадағалап отыру үшін ЕАЭО-да навигациялық пломбаларды қолдану туралы келісімді практикалық іске асыруға дайындау мақсатында белорус тарапы бастамашылық жасады.
