бел

Энергетыка і інфраструктура

Член Калегіі (Міністр) па энергетыцы і інфраструктуры ЕЭК Кожашаў Арзыбек Аразбекавіч
Прыёмная Старшыні тэл. 8 (495) 669-24-13

Навіны па тэме «Энергетыка і інфраструктура»

11 Sep 2024 Арзыбек Кожашаў сустрэўся з намеснікам Прэм'ер-міністра Рэспублікі Беларусь Ігарам Петрышэнкам У рамках рабочага візіту міністра па энергетыцы і інфраструктуры ЕЭК Арзыбека Кожашава ў Мінск 10 верасня адбылася рабочая сустрэча з членам Савета ЕЭК, намеснікам Прэм'ер-міністра Рэспублікі Беларусь Ігарам Петрышэнкам. Бакі абмеркавалі ход фарміравання агульнага рынку газу і агульных рынкаў нафты і нафтапрадуктаў Еўразійскага эканамічнага саюза, у тым ліку ўзгадненне праектаў міжнародных дагавораў па газе і нафце. «Прыняцце дагавораў дасць магчымасць запусціць працэс далейшага ўдасканалення механізмаў функцыянавання агульных рынкаў па ўказаных напрамках, стварыць умовы для правядзення больш гнуткай эканамічнай палітыкі на агульных рынках», – падкрэсліў Арзыбек Кожашаў. Міністр ЕЭК праінфармаваў удзельнікаў сустрэчы аб праведзенай працы па фарміраванні агульных рынкаў газу, нафты і нафтапрадуктаў, адзначыўшы неабходнасць далейшай канцэнтрацыі намаганняў для прыняцця рашэнняў па няўзгодненых пытаннях. Камісія падрыхтавала і ўзгадніла з бакамі два даклады аб ходзе фарміравання агульных энергарынкаў ЕАЭС за 2023 год: па рынку газу і па рынках нафты і нафтапрадуктаў. Інфармацыя будзе прадстаўлена для разгляду на чарговым пасяджэнні Савета ЕЭК, адзначыў Арзыбек Кожашаў. Акрамя таго, абмеркавана ўзгодненая рэдакцыя праекта дарожнай карты па рэалізацыі транспартнай палітыкі на 2024-2026 гады для разгляду дакумента на пасяджэнні Савета ЕЭК 24 верасня. Міністр ЕЭК адзначыў, што яго неабходна прымаць у самыя кароткія тэрміны. Па мерапрыемствах з прынцыповымі рознагалоссямі будзе праведзены дадатковы раунд перамоў і выпрацаваны ўзаемапрымальныя рашэнні.
11 Sep 2024 Арзыбек Кожашаў прыняў удзел у Беларускім транспартным тыдні У рамках рабочага візіту ў Мінск міністр па энергетыцы і інфраструктуры ЕЭК Арзыбек Кожашаў прыняў удзел у шэрагу мерапрыемстваў, якія штогод праводзяцца ў Беларусі. Так, у сваім выступленні на Беларускім транспартным тыдні міністр ЕЭК адзначыў вынікі фарміравання рынку транспартных паслуг у ЕАЭС, а таксама задачы, якія стаяць перад транспартнікамі. Еўразійскі міністр адзначыў значнасць каардынацыі намаганняў краін ЕАЭС па сумесным развіцці інфраструктуры і міжнародных транспартных калідораў, аптымізацыі трансгранічных працэдур па ліквідацыі тэхнічных, тэхналагічных і адміністрацыйных бар'ераў. У прывітальным слове на 14-й сесіі галіновых саветаў Каардынацыйнай транспартнай нарады СНД, арганізаванай на палях Беларускага транспартнага тыдня, Арзыбек Кожашаў падкрэсліў важнасць і значнасць удзелу краін ЕАЭС у праектах рэгіянальнага характару, якія прадастаўляюць унутрыкантынентальным дзяржавам магчымасць выхаду да мора. «Першараднай задачай ЕАЭС сёння з'яўляецца калектыўнае выбудоўванне новых кааперацыйных сувязяў з краінамі рэгіёну, інфраструктурнае развіццё, фарміраванне новых лагістычных маршрутаў і ланцугоў паставак тавараў», – адзначыў Арзыбек Кожашаў. Міністр ЕЭК удакладніў, што ўсе важныя аспекты еўразійскай інтэграцыі ў сферы транспарту плануецца абмеркаваць 30 верасня на сустрэчы міністраў транспарту ў Ерэване і панэльнай сесіі па транспарце Еўразійскага эканамічнага форуму, які сёлета таксама пройдзе ў Ерэване з 30 верасня па 1 кастрычніка. У рамках мерапрыемстваў Беларускага транспартнага тыдня адбылася двухбаковая сустрэча з міністрам транспарту і камунікацый Рэспублікі Беларусь Аляксеем Ляхновічам. Галоўнай тэмай сустрэчы стала рэалізацыя асноўных напрамкаў транспартнай палітыкі. Бакі абмеркавалі дыскусійныя палажэнні праекта дарожнай карты на 2024-2026 гады ў частцы паветранага транспарту і развіцця кадравага патэнцыялу, а таксама перспектывы разгляду гэтых пытанняў на Савеце ЕЭК для далейшага зацвярджэння на пасяджэнні Еўразійскага міжурадавага савета. Арзыбек Кожашаў таксама праінфармаваў аб праведзеных напярэдадні візіту кансультацыях з казахстанскімі калегамі, падчас якіх выпрацаваны канцэптуальныя падыходы аб больш хуткім завяршэнні працэсу ўзгаднення дарожнай карты. Апрача гэтага, абмеркаваны пытанні суднаходства, перавозак грузаў аўтамабільным транспартам і падрыхтоўка да падпісання пагаднення аб дапушчальных масах, восевых нагрузках і габарытах транспартных сродкаў пры руху па аўтадарогах, уключаных у еўразійскія транспартныя калідоры. Беларускі транспартны тыдзень – штогадовы Міжнародны транспартна-лагістычны форум, які ўключае ў сябе Міжнародную спецыялізаваную выставу «Транспарт і лагістыка», Салон інавацыйнага транспарту «Е-Транс», а таксама шырокую дзелавую праграму. У дзелавую праграму Форуму ўключаны ключавыя пытанні развіцця транзітнага патэнцыялу ў еўразійскім рэгіёне, развіцця міжрэгіянальных транспартных сувязяў, забеспячэння ўстойлівых і эфектыўных ланцугоў паставак, укаранення лічбавых тэхналогій. Мерапрыемства праходзіць у г. Мінску з 10 па 12 верасня 2024 года.
09 Sep 2024 Арзыбек Кожашаў правёў перамовы па фарміраванні агульных энергарынкаў ЕАЭС 9 верасня ў Мінску адбылася рабочая сустрэча міністра па энергетыцы і інфраструктуры Еўразійскай эканамічнай камісіі Арзыбека Кожашава з намеснікам Прэм'ер-міністра Рэспублікі Беларусь Віктарам Каранкевічам і міністрам энергетыкі Рэспублікі Беларусь Аляксеем Кушнарэнкам. Падчас перамоў бакі абмеркавалі актуальныя пытанні фарміравання агульных рынкаў энергарэсурсаў Еўразійскага эканамічнага саюза, у тым ліку ход узгаднення міжнародных дагавораў па фарміраванні агульных рынкаў газу, нафты і нафтапрадуктаў. «Завяршэнне ўзгаднення праектаў дагавораў залежыць ад дасягнення бакамі кансэнсусу па прынцыповых пытаннях фарміравання рынкаў», – адзначыў Арзыбек Кожашаў. Бакі падкрэслілі неабходнасць у працягу дыялогу па ўрэгуляванні адчувальных пытанняў і пошуку ўзаемапрымальных рашэнняў па іх для далейшага разгляду на пасяджэннях органаў Саюза. У рамках сустрэчы таксама былі закрануты пытанні агульных напрамкаў супрацоўніцтва паміж дзяржавамі-членамі ЕАЭС у энергетычнай сферы.
30 Aug 2024 Намеснікам дырэктара Дэпартамента энергетыкі ЕЭК прызначаны Айк Тутунджан Айк Армэнавіч Тутунджан нарадзіўся ў 1983 годзе ў г. Ерэван. У 2005 годзе скончыў Ерэванскі дзяржаўны ўніверсітэт па спецыяльнасці «Паліталогія і англійская мова». У 2008 годзе скончыў аспірантуру таго ж універсітэта. У 2014 годзе – школу права і дыпламатыі Флетчара (г. Бостан, ЗША). Мае вучоную ступень кандыдата філалагічных навук. З 2011 па 2014 гады займаў пасаду памочніка Прэм’ер-міністра Рэспублікі Арменія. З 2014 па 2017 гады з’яўляўся кіраўніком праекта «Адраджэнне Тацева» фонду «Ініцыятывы развіцця Арменіі». З 2017 па 2021 гады займаў пасаду начальніка аддзела знешніх сувязяў Дэпартамента пратакола і арганізацыйнага забеспячэння Еўразійскай эканамічнай камісіі. З лістапада 2021 па жнівень 2024 года быў намеснікам дырэктара Дэпартамента транспарту і інфраструктуры ЕЭК. З 30 жніўня 2024 года прызначаны на пасаду намесніка дырэктара Дэпартамента энергетыкі ЕЭК.
Паказаць яшчэ

Дзейнасць

Энергетычная статыстыка

Рашэнні па тэме «Энергетыка і інфраструктура»

нарматыўныя дакументы

Матэрыялы па накірунку

06 2016 Інтэрв'ю міністра па энергетыцы і інфраструктуры ЕЭК Адамкула Жунусава «Расійскай газеце» па тэматыцы спалучэння ЕАЭС і ЭПШП Расія разам з астатнімі краінамі Еўразійскага эканамічнага саюза (ЕАЭС) прапанавала звыш 40 сумесных праектаў у галіне транспарту, якія прэтэндуюць на суфінансаванне Кітая. Яны павінны наладзіць скразную лагістыку паміж Кітаем, Еўразійскім саюзам і ЕС і па спадарожных маршрутах, якія дапаўняюць асноўныя транспартныя калідоры Еўразіі (Заходняя Еўропа – Заходні Кітай, Поўнач – Поўдзень, Усход – Захад і Паўночны марскі шлях).​
Інтэрв'ю Міністра па энэргетыцы і інфраструктуры ЕЭК Адамкула Жунусава ІА РУСАРМІНФО: «Арменія стане паўнавартасным удзельнікам агульнага электраэнэргетычнага рынку ЕАЭС» 16 2016 Інтэрв'ю Міністра па энэргетыцы і інфраструктуры ЕЭК Адамкула Жунусава ІА РУСАРМІНФО: «Арменія стане паўнавартасным удзельнікам агульнага электраэнэргетычнага рынку ЕАЭС» Член Калегіі (Міністр) па энэргетыцы і інфраструктуры Еўразійскай эканамічнай камісіі (ЕЭК) Адамкул Жунусаў у рамках міжнароднага форуму Еўразійскі тыдзень адказаў на пытанні «РУСАРМІНФО» і ацаніў узровень інтэграцыі Арменіі ў адзіным энэргетычным рынку Еўразійскага саюза (ЕАЭС).​
21 2016 Інтэрв'ю Міністра па энергетыцы і інфраструктуры ЕЭК Адамкула Жунусава газеце «Звязда»: «Могуць быць скарочаны тэрміны стварэння агульных рынкаў нафты ЕАЭС» Стварэнне Еўразійскага саюза – крок найперш эканамічны. Пры пісьменным выбудоўванні агульныя рынкі могуць прыносіць краінам-удзельніцам прыбытак, аб якім пры адзіночнай гульні і гаворкі быць не магло. Гэтак, напрыклад, сумарны эфект ад стварэння агульнага рынку нафты і нафтапрадуктаў у рамках ЕАЭС складзе на працягу пяці гадоў ад 5 да 8 мільярдаў долараў. Гэта па дадзеных даследаванняў Інстытута эканамічных стратэгій Расійскай акадэміі навук. Грунтуючыся менавіта на яго пошуках, быў распрацаваны праект Канцэпцыі фарміравання агульных рынкаў нафты і нафтапрадуктаў ЕАЭС, прыняты сёлета міжурадавым саветам саюза. Канчатковы тэрмін іх стварэння – 1 студзеня 2025 года. Яшчэ амаль 10 год. Але ці магчыма паскорыць працэс? Спецыяльна для «СЕ» на гэтае пытанне адказвае Адамкул ЖУНУСАЎ, член калегіі (міністр) па энергетыцы і інфраструктуры Еўразійскай эканамічнай камісіі.
21 2016 Інтэрв'ю Міністра па энергетыцы і інфраструктуры ЕЭК Адамкула Жунусава часопісу «Caspian Energy»: «Працэсы інтэграцыі ў ЕАЭС адбываюцца хутчэй, чым у ЕС» ​Адносіны ў сферы паставак дадзеных энергарэсурсаў сёння будуць рэгулявацца двухбаковымі пагадненнямі
0/0

Рэсурсы ЕАЭС