арм

Էներգետիկա և ենթակառուցվածքներ

Էներգետիկայի և ենթակառուցվածքի հարցերով Կոլեգիայի անդամ (Նախարար) Կոժոշև Արզիբեկ Օրոզբեկովիչ
Նախագահի ընդունարան հեռ. 8 (495) 669-24-13

Նորություններ «Էներգետիկա և ենթակառուցվածքներ»

19 Sep 2023 ԵԱՏՄ երկրների ներկայացուցիչները ծանոթացել են «ԱՏՍ» ԲԸ-ի աշխատանքին Սեպտեմբերի 18-ին Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևը Էներգետիկայի ոլորտի լիազոր մարմինների ղեկավարների խորհրդի անդամների և ԵԱՏՄ երկրների լիազոր ներկայացուցիչների հետ համատեղ այցելել է «ԱՏՍ» ԲԸ-ի կենտրոնական գրասենյակ։ Այս ընկերությունը իրականացնելու է օր առաջ կենտրոնացված առևտրի օպերատորի և Միության ընդհանուր էլեկտրաէներգետիկ շուկայում գրանցողի գործառույթները։ Այս որոշումը նախկինում կայացրել էր ԵՏՀ խորհուրդը։ ԱՏՍ-ի ներկայացուցիչները հանդիպման մասնակիցներին ներկայացրել են օր առաջ կենտրոնացված առևտրի օպերատորի և գրանցողի գործառույթների իրականացման կարգը, որոնք նախատեսված են Միության ընդհանուր էլեկտրաէներգետիկ շուկայի գործունեության կանոններով: Այցի ընթացքում ուսումնասիրվել են Ռուսաստանի էլեկտրաէներգիայի և հզորության մեծածախ շուկայի հուսալի և թափանցիկ գործունեությունն ապահովող ձեռնարկության առկա ռեսուրսները, ինչպես նաև «ԱՏՍ» ԲԸ-ի կողմից Միության ընդհանուր շուկայում իր գործառույթների կատարմանը նախապատրաստման և էլեկտրաէներգիայի առևտրի տեխնոլոգիական հարթակի արդիականացման ընթացքը: Արզիբեկ Կոժոշևը «ԱՏՍ» ԲԸ-ի ղեկավարությանը շնորհակալություն է հայտնել հանդիպման կազմակերպման և էլեկտրաէներգետիկ շուկայի առևտրային համակարգի, դրա բիզնես գործընթացների և ծրագրաապարատային համալիրի աշխատանքի ցուցադրման համար և հույս հայտնել, որ օր առաջ ապագա շուկայի տեխնոլոգիական հիմքի գործունեության ըմբռնումը կնպաստի կողմերի միջև տարաձայնությունների արագ կարգավորմանը։ Տեղեկանք  Ռուսական «Էլեկտրաէներգիայի մեծածախ շուկայի առևտրային համակարգի ադմինիստրատոր» (ԱՏՍ) բաժնետիրական ընկերությունը գրանցվել է 2007 թվականի դեկտեմբերի 13-ին: Ներկայումս «ԱՏՍ» ԲԸ-ն «ՆՊ Շուկայի խորհուրդ» ընկերակցության 100% դուստր ընկերությունն է: «ԱՏՍ» ԲԸ-ն ստեղծվել է էլեկտրաէներգիայի և հզորության մեծածախ շուկայում առևտրի կազմակերպման գործունեության իրականացման նպատակով, որը կապված է էլեկտրաէներգիայի, հզորության և առևտրի օբյեկտների այլ օբյեկտների շրջանառության գործարքների կնքման և կատարման կազմակերպման հետ, որոնց շրջանառությունը թույլատրվում է մեծածախ շուկայում։ Ընկերությունն իրականացնում է բարձր բարդության տեղեկատվական համակարգերի նախագծման, մշակման, թեստավորման և աշխատունակության շարունակական ապահովման աշխատանքների մի ամբողջ համալիր:
13 Sep 2023 Արզիբեկ Կոժոշև. «ԵԱՏՄ երկրներն ակտիվորեն մասնակցում են տրանսպորտային լոգիստիկայի փոփոխությունների գլոբալ գործընթացին» Եվրասիական տնտեսական միության երկրներն ակտիվորեն մասնակցում են լոգիստիկայի հիմնարար փոփոխությունների գլոբալ գործընթացին, նոր առևտրային շուկաների, փոխակերպվող երթուղիների և տրանսպորտային միջանցքների ձևավորմանը։ Այս մասին Տաշկենտում (Ուզբեկստան) կայացած «Միջազգային ավտոմոբիլային փոխադրումներ. խթանելով կայուն զարգացումը և բարգավաճումը» գիտաժողովի ընթացքում խոսել է Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևը։ Արզիբեկ Կոժոշևը նշել է, որ 2020 թվականին Ուզբեկստանի կողմից ԵԱՏՄ-ին կից դիտորդ երկրի կարգավիճակ ստանալուց հետո ԵՏՀ-ի և Ուզբեկստանի պետական կառավարման մարմինների միջև փոխգործակցությունն իրականացվում է համակարգված հիմունքներով։ Ուզբեկստանի ներկայացուցիչները մասնակցում են համատեղ աշխատանքային խմբի աշխատանքներին, և կանոնավոր մասնակցում Եվրասիական տնտեսական բարձրագույն խորհրդի և Միջկառավարական խորհրդի նիստերին։ Սա նրանց թույլ է տալիս ոչ միայն տեղյակ մնալ Միության արդիական օրակարգին, այլև տնտեսական ոլորտի նախաձեռնություններ ներկայացնել։ ԵՏՀ նախարարը նաև խոսել է Հանձնաժողովի և Ավտոմոբիլային տրանսպորտի միջազգային միության փոխգործակցության մասին, որը սկսվել է 2013 թվականին Հուշագրի ստորագրմամբ, որը հիմք է դարձել Եվրասիական հանձնաժողովի և միջազգային տրանսպորտային կազմակերպությունների համագործակցության համար։ Արզիբեկ Կոժոշևը հիշեցրել է տրանսպորտի ոլորտում ԵՏՀ նախագծերի մասին, մասնավորապես, հիշատակելով եվրասիական տրանսպորտային միջանցքների և տրանսպորտի ոլորտի առաջնահերթ ինտեգրացիոն ենթակառուցվածքային նախագծերի ցանկը, եվրասիական տրանսպորտային միջանցքներով երթևեկող փոխադրամիջոցների թույլատրելի զանգվածներին, առանցքային բեռնվածքներին և չափերին ներկայացվող միասնական պահանջներ սահմանող համաձայնագրի նախագիծը։ Միջոցառման կազմակերպիչն էր Ուզբեկստանի միջազգային ավտոմոբիլային փոխադրողների ընկերակցությունը (AIRCRUZ)՝ Ավտոմոբիլային տրանսպորտի միջազգային միության (IRU) հետ համագործակցությամբ: Տաշկենտի գիտաժողովը համաժողովը համընկել է IRU-ի 75-ամյակին և AIRCRUZ-ի 30-ամյակին: Այն նվիրված է տարածաշրջանային տրանսպորտային կապերի և «Արևելք-Արևմուտք» և «Հյուսիս-Հարավ» մուլտիմոդալ միջանցքների երկայնքով տարանցման ոլորտում ավտոտրանսպորտային հատվածի առջև դրված առանցքային հիմնախնդիրներին և խնդիրներին, տրանսպորտային, առևտրային և մաքսային ընթացակարգերի թվայնացմանը:
13 Sep 2023 Արզիբեկ Կոժոշևը աշխատանքային հանդիպում է ունեցել Ուզբեկստանի տրանսպորտի նախարար Իլհոմ Մահկամովի հետ Միջազգային ուղու նոր հնարավորությունները ԵԱՏՄ երկրների և ԱՊՀ-ում գործընկերների՝ Ուզբեկստանի, Տաջիկստանի, Թուրքմենստանի, ինչպես նաև Չինաստանի, Հնդկաստանի, Իրանի և Մերձավոր Արևելքի, Հարավարևելյան Ասիայի, Լատինական Ամերիկայի երկրների հետ փոխգործակցության և համագործակցության զարգացման համար բացվում են առևտրային նոր շուկաների ձևավորման, առևտրային երթուղիների և տրանսպորտային միջանցքների վերափոխման հետ կապված։ Այս մասին սեպտեմբերի 12-ին Տաշկենտում Ուզբեկստանի Հանրապետության տրանսպորտի նախարար Իլհոմ Մահկամովի հետ հանդիպմանը հայտարարել է էներգետիկայի և ենթակառուցվածքի նախարար Արզիբեկ Կոժոշևը։ «Տրանսպորտի և լոգիստիկայի հարցերն այսօր առանձնահատուկ կարևորություն են ստանում ինչպես ԵԱՏՄ-ում, այնպես էլ նրա սահմաններից դուրս։ Հաշվի առնելով դեպի Արևելք և Ասիա բեռնահոսքերի հակադարձման պայմաններում նոր կարևորություն են ստանում «Հյուսիս — Հարավ», «Եվրոպա — Արևմտյան Չինաստան», «Նոր Մետաքսի ճանապարհ», Անդրկասպյան միջազգային տրանսպորտային երթուղին», — նշել է ԵՏՀ նախարարը: Արզիբեկ Կոժոշևը հիշեցրել է ԵԱՏՄ երկրների կողմից հաստատված եվրասիական տրանսպորտային միջանցքների և երթուղիների ցանկը, ինչպես նաև նշել, որ անցյալ տարի ԵԱՏՄ երկրների կառավարությունների ղեկավարներն ընդունել են ԵԱՏՄ անդամ պետությունների տրանսպորտի ոլորտում գերակա ինտեգրացիոն ենթակառուցվածքային նախագծերի ցանկը, որը ներառել է 7 նախագիծ: Ներկայումս քննարկվում է այն արդիականացնելու հարցը։ ԵՏՀ նախարարը նշել է, որ Ուզբեկստանը՝ լինելով ԵԱՏՄ-ին կից դիտորդ երկիր, ակտիվորեն մասնակցում է Տրանսպորտի և ենթակառուցվածքի խորհրդատվական կոմիտեի նիստերին, որտեղ մշակվում են վերոնշյալ հարցերը և որոշվում տրանսպորտի ոլորտի ինտեգրման հիմնական ուղղությունները։ Իլհոմ Մահկամովը հաստատել է եվրասիական տարածքում տրանսպորտի ոլորտում ինտեգրացիոն գործընթացներին Ուզբեկստանի մասնակցության ռազմավարական նշանակությունը, ինչպես նաև պատրաստակամություն հայտնել ակտիվացնել Ուզբեկստանի տրանսպորտի նախարարության ներկայացուցիչների մասնակցությունը Հանձնաժողովի տրանսպորտային բլոկի հարթակներում իրականացվող աշխատանքներին։ Իր հերթին Արզիբեկ Կոժոշևը Իլհոմ Մահկամովին հրավիրել է մասնակցելու ԵԱՏՄ երկրների տրանսպորտի ոլորտի լիազոր մարմինների ղեկավարների հանդիպմանը։ Ամփոփելով, ԵՏՀ նախարարը նշել է, որ Հանձնաժողովը հանդես է եկել ԵԱՏՄ-ի և ՇՀԿ-ի տրանսպորտի նախարարների համատեղ հանդիպում անցկացնելու նախաձեռնությամբ։ Ուզբեկստանի տրանսպորտի նախարարը պաշտպանել է այս առաջարկը և հրավիրել մասնակցելու ՇՀԿ տրանսպորտի նախարարների գիտաժողովին, որը տեղի կունենա այս տարվա նոյեմբերի սկզբին Տաշկենտում քաղաքում։
06 Sep 2023 ԵՏՀ-ն քննարկել է ԱՄԷ լոգիստիկ ընկերության հետ համագործակցության հեռանկարները Սեպտեմբերի 5-ին աշխատանքային հանդիպում է կայացել Եվրասիական տնտեսական հանձնաժողովի տրանսպորտային բլոկի ներկայացուցիչների և Աբու Դաբիի նավահանգիստներն ու լոգիստիկ կենտրոնները կառավարող AD Ports Group ընկերության ղեկավարության միջև։ Հանդիպումը կայացել է ԵՏՀ էներգետիկայի և ենթակառուցվածքի նախարար Արզիբեկ Կոժոշևի և Ռուսաստանի Դաշնությունում Արաբական Միացյալ Էմիրությունների արտակարգ և լիազոր դեսպան Մոհամադ Ահմադ Ալ-Ջաբերի միջև նախկինում ձեռք բերված պայմանավորվածությունների մշակման նպատակով։ Կողմերը քննարկել են «Հյուսիս — Հարավ» միջազգային տրանսպորտային միջանցքի զարգացման համատեքստում Եվրասիական տնտեսական միության և Արաբական Միացյալ Էմիրությունների միջև համագործակցության հեռանկարները։ Քննարկվել են նաև տրանսպորտի և լոգիստիկայի ոլորտում փոխգործակցության ընդլայնման հարցեր, այդ թվում՝ Եվրասիական տնտեսական միության անդամ պետություններից Աբու Դաբիի նավահանգիստների և հակառակ ուղղությամբ բեռնափոխադրումների զարգացման հնարավորությունները։ Հանդիպման մասնակիցները կարևորել են տրանսպորտային լոգիստիկայի ոլորտում, մասնավորապես՝ ծովային նավահանգիստների գոտիներում թվային լուծումների կիրառման ոլորտում փորձի փոխանակումը։ Նիստին մասնակցել են Հանձնաժողովի առևտրային բլոկի ներկայացուցիչներ, որոնք համառոտ ներկայացրել են ԵԱՏՄ երկրների՝ «Եվրասիական ագրոէքսպրես» արագացված երկաթուղային և մուլտիմոդալ փոխադրումների իրականացման նախագիծը։ Հանձնաժողովի և Աբու Դաբի նավահանգիստների խմբի ներկայացուցիչները նշել են փոխադարձ հետաքրքրություն ներկայացնող ուղղություններով երկխոսությունը շարունակելու անհրաժեշտությունը: AD Ports Group-ը ԱՄԷ-ի նավահանգստային, արդյունաբերական և լոգիստիկ օպերատորն է, տարածաշրջանի խոշորագույն հոլդինգային ընկերություններից մեկը՝ խոշոր ձեռնարկությունների լայն պորտֆելով: AD Ports Group-ի ղեկավարության տակ է ԱՄԷ-ի տասը նավահանգիստ և տերմինալ:
Ցուցադրել ավելին

Գործունեություն

Էներգետիկ վիճակագրություն

թեմայով որոշումներ «Էներգետիկա և ենթակառուցվածքներ»

կանոնակարգող փաստաթղթեր

Նյութեր ուղղության վերաբերյալ

06 2016 ԵՏՀ էներգետիկայի և ենթակառուցվածքի նախարար Ադամկուլ Ժունուսովի հարցազրույցը «Ռոսիյսկայա գազետա»-ին ԵԱՏՄ և ՄՃՏԳ համակցման թեմայով Ռուսաստանը Եվրասիական տնտեսական միության (ԵԱՏՄ) մյուս երկրների հետ միասին առաջարկել է Չինաստանի համաֆինանսավորմանը հավակնող՝ տրանպսորտի ոլորտի ավելի քան 40 համատեղ նախագծեր: Դրանք պետք է ներթափանցող լոգիստիկա հաստատեն Չինաստանի, Եվրասիական միության և ԵՄ միջև Եվրասիայի հիմնական տրանսպորտային միջանցքները լրացնող հարակից երթուղիներով (Արևմտյան Եվրոպա - Արևմտյան Չինաստան, Հյուսիս - Հարավ, Արևելք - Արևմուտք և Հյուսիսային ծովային ճանապարհը):​​
ԵՏՀ էներգետիկայի և ենթակառուցվածքի նախարար Ադամկուլ Ժունուսովի հարցազրույցը ՌուսԱրմինֆո ԼԳ-ին. «Հայաստանը կդառնա ԵԱՏՄ ընդհանուր էլեկտրաէներգետիկ շուկայի լիարժեք անդամ» 16 2016 ԵՏՀ էներգետիկայի և ենթակառուցվածքի նախարար Ադամկուլ Ժունուսովի հարցազրույցը ՌուսԱրմինֆո ԼԳ-ին. «Հայաստանը կդառնա ԵԱՏՄ ընդհանուր էլեկտրաէներգետիկ շուկայի լիարժեք անդամ» Եվրասիական տնտեսական հանձնաժողովի էներգետիկայի և ենթակառուցվածքի հարցերով Կոլեգիայի անդամ (Նախարար) Ադամկուլ Ժունուսովը Եվրասիական շաբաթ միջազգային համաժողովի շրջանակներում պատասխանել է «ՌՈՒՍԱՐՄԻՆՖՈ»-ի հարցերին և գնահատել Եվրասիական միության (ԵԱՏՄ) միասնական էներգետիկ շուկային Հայաստանի ինտեգրման մակարդակը​
21 2016 ԵՏՀ էներգետիկայի և ենթակառուցվածքի նախարար Ադամկուլ Ժունուսովի հարցազրույցը «Զվյազդա» թերթին. «ԵԱՏՄ նավթի ընդհանուր շուկաների ստեղծման ժամկետները կարող են կրճատվել» Եվրասիական միության ստեղծումն, առաջին հերթին, տնտեսական քայլ է: Գրագետ կառուցման դեպքում ընդհանուր շուկաները կարող են այնպիսի եկամուտ բերել մասնակից երկրներին, որի մասին միայնակ խաղի ժամանակ խոսք լինել չէր կարող: Այսպես, օրինակ, ԵԱՏՄ շրջանակներում նավթի և նավթամթերքի ընդհանուր շուկայի ստեղծման գումարային արդյունքը հինգ տարվա ընթացքում կկազմի 5-ից 8 միլիարդ դոլար: Սրանք Ռուսաստանի գիտությունների ակադեմիայի Տնտեսական ռազմավարությունների ինստիտուտի հետազոտությունների տվյալներն են: Հիմնվելով հենց վերջինիս ուսումնասիրությունների վրա, մշակվել է ԵԱՏՄ նավթի և նավթամթերքի ընդհանուր շուկաների ձևավորման հայեցակարգի նախագիծը, որն այդ տարի ընդունվել է Միության միջկառավարական խորհրդի կողմից: Դրանց ստեղծման վերջնաժամկետը 2025 թվականի հունվարի 1-ն է: Դեռ շուրջ 10 տարի ունենք: Բայց հնարավո՞ր է արդյոք արագացնել գործընթացը: Հատուկ «СЕ»-ի համար այս հարցին պատասխանում է Եվրասիական տնտեսական հանձնաժողովի էներգետիկայի ու ենթակառուցվածքի հարցերով Կոլեգիայի անդամ (նախարար) Ադամկուլ ԺՈՒՆՈՒՍՈՎԸ:
ԵՏՀ Էներգետիկայի և ենթակառուցվածքի նախարար Դանիլ Իբրաևի հեղինակային հոդվածը «Երեկոյան Բիշքեկ» թերթում. «Մետաքսի ճանապարհը սկսվում է առաջին քայլից» 08 2016 ԵՏՀ Էներգետիկայի և ենթակառուցվածքի նախարար Դանիլ Իբրաևի հեղինակային հոդվածը «Երեկոյան Բիշքեկ» թերթում. «Մետաքսի ճանապարհը սկսվում է առաջին քայլից» Մենք ապրում ենք փոփոխությունների դարաշրջանում: Բոլորովին վերջերս քննարկումներ էին ընթանում գլոբալացման վերաբերյալ, այնուհետ առաջացավ տարածաշրջայնացման հակառակ միտումը: Թվում է, թե այսօր այդ գործընթացները հավասարակշռել են միմյանց, ինչի արդյունքում մենք նկատում են, թե ինչպես են պետությունները աշխարհով մեկ միավորվում ինտեգրացիոն դաշինքներում` ընդհանուր օրակարգի և ապագայի խնդիրների ընդհանուր ցուցակի հիման վրա և սկսում են շարժվել նույն ուղղությամբ:
0/0

Պաշարներ ԵՏՄ