Նորություններ

26 Feb 2024 Բակիտժան Սագինտաևը բանակցություններ է վարել Բելառուսի Հանրապետության վարչապետ Ռոման Գոլովչենկոյի հետ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը փետրվարի 26-ին Մինսկում բանակցություններ է վարել Բելառուսի Հանրապետության վարչապետ Ռոման Գոլովչենկոյի հետ։ Հանդիպման ընթացքում քննարկվել են եվրասիական տնտեսական ինտեգրման արդի թեմաներ, այդ թվում՝ արդյունաբերական կոոպերացիայի, ագրոարդյունաբերական համալիրի զարգացման, էներգակիրների ընդհանուր շուկաների ձևավորման, փոխադարձ առևտրում խոչընդոտների վերացման և այլ հարցեր։ Բակիտժան Սագինտաևը, մասնավորապես, նշել է, որ Հանձնաժողովը անդամ պետությունների լիազոր մարմինների հետ համատեղ աշխատում է ԵԱՏՄ գազի ընդհանուր շուկայի և ԵԱՏՄ նավթի ու նավթամթերքի ընդհանուր շուկայի ձևավորման մասին համաձայնագրերի նախագծերի վրա։ Անդրադառնալով տրանսպորտային թեմատիկային, ԵՏՀ Կոլեգիայի ղեկավարը հայտնել է, որ հաշվի առնելով նոր աշխարհատնտեսական իրողությունների պատճառով տրանսպորտային հոսքերի վերակողմնորոշումը, Հանձնաժողովը նախապատրաստում է Համակարգված (համաձայնեցված) տրանսպորտային քաղաքականության հիմնական ուղղությունների իրականացման 2024-2026 թվականների ճանապարհային քարտեզը: Կողմերը հատուկ ուշադրություն են դարձրել տրանսպորտալոգիստիկ գործընթացների թվայնացման հարցերին, որն անհրաժեշտ է բեռների միջազգային ավտոփոխադրումների ազատականացման համար։ Բակիտժան Սագինտաևը հայտներ է, որ թվային տրանսպորտային միջանցքների էկոհամակարգի նախագծի շրջանակներում ծառայություններ կմշակվեն, որոնք թույլ կտան արագացնել անցակետերի անցումը, օպտիմալացնել բեռնափոխադրումների լոգիստիկ գործընթացը, կիրառել էլեկտրոնային միջազգային տրանսպորտային բեռնագիր։ Զրույցի ընթացքում մտքերի հանգամանալից փոխանակում է տեղի ունեցել փոխադարձ հետաքրքրություն ներկայացնող մի շարք հարցերի շուրջ, այդ թվում՝ աշխարհի առաջատար ինտեգրացիոն միավորումների հետ փոխգործակցության, փոխադարձ առևտրում խոչընդոտների լիարժեք վերացման հեռանկարների, ԵԱՏՄ-ում նավիգացիոն կապարակնիքների կիրառմամբ բեռնափոխադրումների գործարկման վերաբերյալ:  Բակիտժան Սագինտաևը Մինսկում բանակցություններ է ունեցել նաև Բելառուսի Հանրապետության փոխվարչապետ Իգոր Պետրիշենկոյի հետ։
26 Feb 2024 Բակիտժան Սագինտաևը և Ալեքսանդր Լուկաշենկոն քննարկել են ԵԱՏՄ-ի հետագա զարգացումը Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը փետրվարի 26-ին Մինսկում հանդիպել է Բելառուսի Հանրապետության Նախագահ Ալեքսանդր Լուկաշենկոյի հետ։ Զրույցի ընթացքում քննարկվել են Եվրասիական տնտեսական միության ընթացիկ զարգացման, երրորդ երկրների հետ միավորման տնտեսական հարաբերությունների խորացման հարցեր, ինչպես նաև աշխարհաքաղաքական նոր իրողությունների պայմաններում անդամ պետությունների գործողությունների ընդհանուր ռազմավարությունը և համաշխարհային ասպարեզում Եվրասիական տնտեսական հանձնաժողովի հեղինակության ամրապնդումը։  Բակիտժան Սագինտաևը Ալեքսանդր Լուկաշենկոյին տեղեկացրել է ԵԱՏՄ-ում արդյունաբերական կոոպերացիային աջակցության նոր մեխանիզմի ստեղծման մասին, որը ենթադրում է վարկի տոկոսադրույքի մի մասի սուբսիդավորում Հանձնաժողովի բյուջեի հաշվին։ Կողմերը համակարծիք էին «3+» ձևաչափով բազմակողմ նախագծերի պուլի ձևավորման աշխատանքներում մասնակից երկրների լիազոր մարմինների ակտիվացման անհրաժեշտության հարցում։ Կողմերը հատուկ ուշադրություն են դարձրել պարենային անվտանգության թեմային։ Բակիտժան Սագինտաևը խոսել է տվյալ ուղղությամբ Հանձնաժողովի կողմից կատարվող աշխատանքի մասին, այդ թվում՝ գյուղատնտեսական արտադրանքով և պարենով անդամ պետությունների ապահովվածության մշտադիտարկման և առանցքային գյուղատնտեսական ապրանքների մասով առաջարկի և պահանջարկի հաշվեկշիռների կազմման վերաբերյալ։ Զրույցի ընթացքում քննարկվել են նաև «Եվրասիական տնտեսական ուղի» ԵԱՏՄ-ի շրջանակներում մինչև 2030 թվականը և մինչև 2045 թվականն ընկած ժամանակահատվածում տնտեսական գործընթացների հետագա զարգացման մասին հռչակագրում դրված խնդիրները, որը ստորագրվել է Միության պետությունների ղեկավարների կողմից Եվրասիական տնտեսական Բարձրագույն խորհրդի 2023 թվականի դեկտեմբերի 25-ի նիստում։ Բակիտժան Սագինտաևը հայտնել է անդամ պետությունների հետ ռազմավարական փաստաթղթի իրագործման միջոցառումների պլանի քննարկման մասին։
22 Feb 2024 Հրապարակվել է ԵԱՏՄ վիճակագրությունը՝ 2023 թվականի արդյունքներով Եվրասիական տնտեսական հանձնաժողովի վիճակագրության վարչությունը հրապարակել է Եվրասիական տնտեսական միության հիմնական սոցիալ-տնտեսական ցուցանիշների 2023 թվականի հունվար-դեկտեմբեր ամիսների ամենամսյա վերլուծական ակնարկը։ 2023 թվականի հունվար-դեկտեմբեր ամիսներին ԵԱՏՄ-ում գրանցվել է արդյունաբերական արտադրանքի աճ 3.7%-ով, կատարված շինարարական աշխատանքների ծավալի՝ 8.6%-ով, մանրածախ առևտրի շրջանառության՝ 6.6%-ով։ Համախառն ներքին արդյունքը 2023 թվականի հունվար-դեկտեմբեր ամիսներին, ըստ նախնական գնահատականների, կազմել է 2,391.9 մլրդ ԱՄՆ դոլար (2022 թվականի հունվար-դեկտեմբերի մակարդակի 103.8%)։ Բեռնաշրջանառությունն այս ժամանակահատվածում աճել է Ղրղզստանում (8.2%-ով) և Ղազախստանում (3.1%-ով), ուղևորաշրջանառությունը՝ Հայաստանում (63.3%-ով), Ռուսաստանում (12.8%-ով), Ղազախստանում (10.3%-ով), Ղրղզստանում (8.7%-ով) և Բելառուսում (7.8%-ով): ԵԱՏՄ-ում գրանցված գործազրկության մակարդակը կազմել է աշխատուժի թվաքանակի 0.8%-ը։ 2023 թվականի հունվար-դեկտեմբեր ամիսների հիմնական սոցիալտնտեսական ցուցանիշները, բացի ԱՄՆ դոլարից, հաշվարկվում են ԵԱՏՄ անդամ պետությունների արժույթներով։ Ավելի մանրամասն վիճակագրական տեղեկատվություն ներկայացված է ԵՏՀ վիճակագրության վարչության կայքէջի «Վերլուծական ակնարկներ» բաժնում: 
Փետրվարի 27-ից ուժի մեջ են մտնում սննդային հավելումների, բուրավետիչների և տեխնոլոգիական օժանդակ միջոցների տեխկանոնակարգի փոփոխությունները 22 Feb 2024 Փետրվարի 27-ից ուժի մեջ են մտնում սննդային հավելումների, բուրավետիչների և տեխնոլոգիական օժանդակ միջոցների տեխկանոնակարգի փոփոխությունները Հանձնաժողովի խորհրդի 2023 թվականի օգոստոսի 29-ի № 84 որոշմամբ ընդունված փոփոխությունները համալիր փաստաթուղթ են։ Այն թարմացնում է «Սննդային հավելումների, բուրավետիչների և տեխնոլոգիական օժանդակ միջոցների անվտանգության պահանջները» Մաքսային միության տեխնիկական կանոնակարգի հինգ բաժինը և 29 հավելվածը: Ներդրվել է հինգ նոր հասկացություն, արդիականացվել են մի շարք սահմանումներ, թույլատրելի սննդային հավելումների ցանկը 362-ից կրճատվել է 349-ի՝ 19 դիրք բացառելու և շրջանառության մեջ վեց նոր սննդային հավելում դնելու հաշվին։ Զգալիորեն ընդլայնվել է սննդային բուրավետիչների արտադրության համար նախատեսված համաբուրավետիչ նյութերի ցանկը, որոնցից յուրաքանչյուրի համար սահմանվել են հիմնական նյութի պարունակությունը, կիրառման շրջանակը և սննդամթերքում պարունակության առավելագույն թույլատրելի մակարդակը։  Փաստաթուղթն ընդունվել է՝ հաշվի առնելով միջազգային և եվրոպական օրենսդրությում, այդ թվում՝ Codex Alimentarius-ում կատարված փոփոխությունները, ինչպես նաև՝ կապված Միության առևտրային գործընկեր երկրների նորմատիվ պահանջների հետ։ Հաշվի է առնվել մի շարք պետությունների՝ սննդային ոլորտների հեռանկարային ֆերմենտային պատրաստուկների կիրառման առաջադեմ փորձը, որոնց ցանկը 56-ից ընդլայնվել է մինչև 331 դիրք։ Դրանց կիրառման ոլորտը ներառում է բանջարեղենի և մրգի վերամշակումը, կաթնամթերքի, մսամթերքի, ձկնամթերքի, ալկոհոլային արտադրանքի, հացաբուլկեղենի, հացահատիկային արտադրանքի, սուրճի, թեյի և մի շարք այլ ապրանքների արտադրությունը։ Հաշվի առնելով նշված տեխկանոնակարգի ուժի մեջ մտնելուց հետո ընդունված սննդամթերքի առանձին տեսակների տեխնիկական կանոնակարգերում նախատեսված հայեցակարգային ապարատը, ինչպես նաև հաշվի առնելով 2013 թվականից հետո գործողության մեջ դրված միջպետական ստանդարտները, փոփոխություններով սննդամթերքի բազմաթիվ տեսակների համար սահմանվել են արդիականացված անվանումներ: Սա էականորեն հեշտացնում է դրանց նույնականացման ընթացակարգը: Սննդային հավելումների, բուրավետիչների և տեխնոլոգիական օժանդակ միջոցների տեխկանոնակարգում մի շարք նոր սննդային հավելումների, բուրավետիչների և տեխնոլոգիական օժանդակ նյութերի նկատմամբ անվտանգության պահանջներ ամրագրելու հաշվին հնարավոր կդառնա ժամանակակից սննդամթերքի արտադրության նոր տեխնոլոգիաների կիրառումը: Փոփոխությունների համար Հանձնաժողովի կոլեգիայի 2024 թվականի հունվարի 23-ի № 8 որոշումը նախատեսում է 36 ամիս անցումային շրջան՝ մինչև փոփոխությունների ուժի մեջ մտնելը ձևակերպված՝ նշված տեխկանոնակարգի տեխնիկական կարգավորման տարբեր օբյեկտների համապատասխանության գնահատման մասին փաստաթղթերի, ինչպես նաև դրանց արտադրության, մակնշման և շրջանառության մեջ դնելու համար:
22 Feb 2024 ԵՏՀ-ն քննարկել է ՀՄԿ-ի հետ համագործակցության արդիական հարցերը Եվրասիական տնտեսական հանձնաժողովը քննարկել է Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների 11.7.5-րդ կետի իրականացման իրավական և կազմակերպական մոտեցումների կատարումը Համաշխարհային մաքսային կազմակերպության (ՀՄԿ) հետ համագործակցության մասով: ԵՏՀ պրոֆիլային աշխատանքային խմբի նիստին մասնակցել են Հանձնաժողովի մաքսային համագործակցության բլոկի և Եվրասիական տնտեսական միության երկրների լիազոր մարմինների ներկայացուցիչներ, որոնց իրավասությանն են վերաբերում մաքսային համագործակցության զարգացման, ինչպես նաև Համաշխարհային մաքսային կազմակերպության հետ փոխգործակցությամբ մաքսային վարչարարության կատարելագործման հարցերը։ Աշխատանքային խմբի փորձագետները քննարկել են ՀՄԿ-ի հիմնարար փաստաթղթերին միանալու և Միության կողմից ՀՄԿ-ի անդամի կարգավիճակ ստանալու մասին ԵԱՏՄ պետությունների ղեկավարների դիրեկտիվների իրականացման արդյունքները։ «ԵՏՀ-ն, փոխգործակցելով Միության երկրների հետ, նախատեսում է իրականացնել իրավական և կազմակերպական մոտեցումներով սահմանված միջոցառումներ և դրանց արդյունքների հիման վրա համապատասխան զեկույց նախապատրաստել, որը կքննարկվի Կոլեգիայի և ԵՏՀ խորհրդի կողմից»,- նշել է ԵՏՀ մաքսային օրենսդրության և իրավակիրառ պրակտիկայի վարչության տնօրեն Սերգեյ Վլադիմիրովը։ ԵՏՀ փորձագետներն ուսումնասիրում են նաև մաքսային կարգավորման ոլորտի միջազգային համաձայնագրերին մաքսային և տնտեսական միությունների միանալու իրավական և ընթացակարգային ասպեկտները։ Արդյունքները աշխատանքային խմբի անդամներին կհաղորդվեն առաջիկայում։ Տեղեկանք Եվրասիական տնտեսական բարձրագույն խորհրդի 2020 թվականի դեկտեմբերի 11-ի № 12 որոշմամբ հաստատված Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների 11.7.5-րդ կետով նախատեսված են այնպիսի միջոցառումներ, ինչպես Միության կողմից ՀՄԿ-ի անդամի կարգավիճակ ստանալը և ՀՄԿ-ի հիմնարար փաստաթղթերին Միության անդամակցության հնարավորության մշակումը:  
22 Feb 2024 ԵՏՀ-ն մշտական հսկողության տակ է առնելու ԵԱՏՄ բիզնեսի խնդրահարույց հարցերը Փետրվարի 22-ին Աստանայում՝ Ղազախստանի Հանրապետության «Ատամեկեն» ձեռնարկատերերի ազգային պալատի հարթակում, Եվրասիական տնտեսական հանձնաժողովի պատվիրակությունը՝ ԵՏՀ էկոնոմիկայի և ֆինանսական քաղաքականության նախարար Բախիթ Սուլթանովի նախագահությամբ, հանդիպել է ղազախական գործարար համայնքի ներկայացուցիչների հետ։ «Գործարար համայնքի ներկայացուցիչների հետ հանդիպումները, հատկապես առերես արտագնա ձևաչափով, Հանձնաժողովի և բիզնեսի փոխգործակցության շատ արդյունավետ ձև է և թույլ է տալիս ուղիղ երկխոսության ընթացքում առաջարկներ ներկայացնել և քննարկել ձեռնարկատերերին հուզող հարցեր», - նշել է Բախիթ Սուլթանովը։ ԵՏՀ նախարարը խոսել է Եվրասիական տնտեսական միության մասին պայմանագրի փոփոխությունների մասին, որոնք ուղղված են ձեռնարկատերերի խնդիրների լուծմանը և եվրասիական տարածքում առկա ինտեգրացիոն գործընթացներում նրանց ներգրավվածության մակարդակի բարձրացմանը։ ԵՏՀ ձեռնարկատիրական գործունեության զարգացման վարչության տնօրեն Երնար Բակենովը տեղեկատվություն է ներկայացրել նախորդ հանդիպումներում Ղազախստանի գործարար շրջանակների ներկայացուցիչների հնչեցրած խնդրահարույց հարցերի լուծման ընթացքի և արդյունքների մասին։ Հանձնաժողովի ներկայացուցիչը խոսել է բժշկական արտադրատեսակների շրջանառության կարգավորման, տեխնիկական կարգավորման, ներքին շուկաների գործունեության, ապրանքների փոխադարձ առևտրի դեպքում հարկման ոլորտների հարցերի լուծման ուղղությամբ ձեռք բերված առաջընթացի մասին։ ԵՏՀ ներկայացուցիչները պատասխանել են ձեռնարկատերերի հարցերին և ընդունել նրանց հնչեցրած խնդիրները մշակմանը, որին ներգրավված կլինեն Հանձնաժողովի ոլորտային վարչությունները։ Հանդիպման արդյունքում պայմանավորվածություն է ձեռք բերվել, որ վերազգային մարմինը իրականացնելու է գործարար համայնքի ներկայացուցիչների արդիական հարցերի ու խնդիրների շարունակական մշտադիտարկում և վերահսկողություն՝ անցկացնելով կանոնավոր տեսակոնֆերանսներ։
22 Feb 2024 Ասկար Ջապարկուլով. «ԵԱՏՄ-ի նպատակն է հասնել տնտեսական զուգամետության» Այս մասին փետրվարի 20-ին Բանգկոկում՝ ՄԱԿ-ի Ասիայի և Խաղաղ օվկիանոսի տնտեսական և սոցիալական հանձնաժողովի (ԷՍԿԱՏՕ) հովանու ներքո անցկացվող Կայուն զարգացման 11-րդ Ասիա-Խաղաղօվկիանոսյան համաժողովի ընթացքում, ասել է Եվրասիական տնտեսական հանձնաժողովի մակրոտնտեսական քաղաքականության վարչության տնօրեն Ասկար Ջապարկուլովը։ «Գործընկերություն ի շահ կայուն զարգացման» 17-րդ ԿԶՆ-ի թեմատիկ նստաշրջանի շրջանակում Ասկար Ջապարկուլովը նշել է, որ Եվրասիական տնտեսական միության երկրներում փոխշահավետ գործընկերությունը Հանձնաժողովի աշխատանքի կարևոր տարրն է։ «Մենք՝ որպես Միություն, ավելի ու ավելի ենք կենտրոնանում տնտեսական զուգամետության հասնելու վրա՝ տնտեսապես հասանելի բոլոր եղանակներով օգնելով ավելի քիչ զարգացած տնտեսություններ ունեցող անդամ պետություններին», - ասել է ԵՏՀ ներկայացուցիչը։   Նա ընդգծել է, որ տնտեսական զարգացմանն աջակցելու ճկուն մեխանիզմների մշակումը Ռազմավարություն-2025-ի առանցքային ուղղություններից է։     Տեղեկանք «Գործընկերություններ ի շահ կայուն զարգացման» 17-րդ ԿԶՆ-ն ՄԱԿ-ի մինչև 2030 թվականը կայուն զարգացման ոլորտի օրակարգում ընդգրկված 17 փոխկապակցված նպատակներից մեկն է: Այս նպատակն ուղղված է գլոբալ, տարածաշրջանային և տեղական մակարդակներով ընդհանուր սկզբունքների, արժեքների և ընդհանուր նպատակների հիման վրա, ի շահ մարդկանց և մոլորակի կառուցված գլոբալ գործընկերային հարաբերությունների հասնելուն, ամրապնդմանը և հաստատմանը:
Ցուցադրել ավելին