Жаңалықтар

29 Sep 2023 Минскіде құрылыс материалдары мен бұйымдарын ЕАЭО нарығына жіберудің бірыңғай талаптары мен рәсімдері талқыланды ЕЭК Техникалық реттеу жөніндегі министрі Виктор Назаренко басқарған Еуразиялық экономикалық комиссияның делегациясы 28 қыркүйекте Минскіде "Құрылыстағы техникалық реттеу құралдары. ЕАЭО-ға мүше елдердің интеграциясы жағдайындағы тәсілдемелер" халықаралық конференциясына қатысты. Конференция шеңберінде Ресей Федерациясы Құрылыс және тұрғын үй-коммуналдық шаруашылық министрлігінің төрағалық етуімен Еуразиялық экономикалық одақтың "Құрылыс материалдары мен бұйымдарының қауіпсіздігі туралы" техрегламентінің жобасын әзірлеу жөніндегі мемлекетаралық жұмыс тобының отырысы да болып өтті. Виктор Назаренко өзінің сөйлеген сөзі барысында ЕАЭО елдерінің экономикасы үшін маңызды да мәнді құрылыс саласы сияқты салада Одақта бірыңғай міндетті талаптарды белгілейтін құжат туралы айтып берді. "ЕАЭО үшін бірыңғай техникалық регламентті қабылдау құрылыс саласындағы интеграцияны тереңдетуге қарай жасалған маңызды қадам болады. Оны іске асыру технологияларды дамыту және шығарылатын өнім сапасын арттыру үшін қолайлы жағдайлар жасауға мүмкіндік береді", - деп атап көрсетті ЕЭК министрі.  Техникалық регламентті қолдану саласына және өнімнің ықтимал қауіптілігін әрі оның ғимараттар мен құрылыстарға қауіпсіздіктің базалық талаптарын қамтамасыз етуге әсерін ескере отырып, құрылыс материалдары мен бұйымдарының сәйкестігін бағалау рәсімдеріне, стандарттардың қазіргі заманғы және өзекті базасын қалыптастыруды қамтамасыз етуге және осы салада мемлекетаралық стандарттауға көшуге қатысты бірқатар іргелі мәселе талқыланды. "Бірыңғай техникалық регламент құрылыс материалдары мен бұйымдары үшін тұтынушыларды қауіпсіз емес өнімдерден қорғауды және отандық өндірушілер үшін тең бәсекелестік жағдайларды қамтамасыз ететін сәйкестікті бағалау нысандарын белгілеуге тиіс. Сәйкестендірудің нақты қағидаларын айқындау маңызды. Бірінші кезекте импорттық өнімге қатысты жарамдылығын растау рәсімінің ашықтығын қамтамасыз ету маңызды", - деп атап өтті Виктор Назаренко. Сөзінің соңында ЕЭК министрі айналысқа шығарылатын құрылыс өнімдерінің қауіпсіздігін қамтамасыз ету үшін бір ғана техникалық регламентті қабылдап қоюдың жеткіліксіз екенін айтты. Бүгінде Одақ елдерінде жекелеген құрылыс материалдарына ұлттық талаптар белгіленген, алайда мемлекеттік бақылау дәл теңшеу сипатына ие, жекелеген елдерде тексерулер жүргізуге мораторий енгізілген. Сол себепті бүгінгі күні тиісті мемлекеттік бақылауды жүзеге асыруды, соның ішінде бақылау органдарының нарықтағы алақол қатысушыларға қатысты шаралар қабылдау үшін аккредиттеу органдарымен өзара іс-қимылын қамтамасыз ету қажет. Ресей Федерациясы Құрылыс және тұрғын үй-коммуналдық шаруашылық министрінің орынбасары Сергей Музыченко сөз сөйлеуі барысында Ресей Құрылысмині техрегламент жобасын болып өткен жария талқылау шеңберінде ЕАЭО елдерінің мемлекеттік билік органдары мен ұйымдарынан түскен 500-ге жуық ескерту мен ұсынысты қарағанын хабарлады. Ол ЕАЭО-да болып өткен жария талқылауды ескере отырып, құрылыс материалдары мен бұйымдарын бірыңғай реттеуге көшу үшін тағы бір қадам жасалғанына да назар аударды. Мемлекетаралық жұмыс тобының жұмысына "Стройтехнорм" РБК директоры Игорь Лишай, ФСО ФАМ директоры Андрей Копытин, РӨКО өнеркәсіптік саясат және техникалық реттеу жөніндегі тең төрағаның орынбасары Андрей Лоцманов, "НОПРИЗ" президенті Анвар Шамузафаров, Ресей Федерациясының Сауда-өнеркәсіп палатасының Техникалық реттеу, стандарттау және өнім сапасы жөніндегі комитетінің төрағасы Сергей Пугачев, сондай-ақ Армения Республикасының Қала құрылысы комитетінің, Беларусь Республикасының Сәулет және құрылыс министрлігінің, Беларусь Республикасының Стандарттау жөніндегі мемлекеттік комитетінің, Қазақстан Республикасы Индустрия және инфрақұрылымдық даму министрлігінің Индустриялық даму комитетінің, Қазақстан Республикасы Сауда және интеграция министрлігінің Техникалық реттеу және метрология комитетінің, "Атамекен" ҰКП-ның, Ресей Өнеркәсіп және сауда министрлігінің, Ресей Көлік министрлігінің, Ресей ТЖМ-нің, "Роспотребнадзор", "Росаккредитация" және ЕАЭО елдерінің өзге де органдары мен ұйымдарының өкілдері қатысты. Анықтама ЕАЭО-ның "Құрылыс материалдары мен бұйымдарының қауіпсіздігі туралы" бірыңғай техникалық регламентін әзірлеуді Ресей Федерациясы (Ресей Құрылыс министрлігі мен Ресей Өнеркәсіп және сауда министрлігі) 2021 жылдан бастап ЕАЭО-ның барлық мемлекетінің жұмыс тобы мүшелерімен бірлесіп жүргізіп келеді. Техрегламент жобасы Одақ елдерінде қазірдің өзінде бар құрылыс материалдары мен бұйымдарына қойылатын талаптарды ескереді. Теміржол көлігі мен автомобиль жолдарының инфрақұрылымына қатысты Одақтың қолданыстағы техникалық регламенттерінің тәжірибесі ескерілген. Жария талқылау ЕАЭО-ның құқықтық порталында 2023 жылғы 10 шілдеден 8 қыркүйекке дейінгі аралықта өткізілді.

29 Sep 2023 ЕАЭО-да акваөсірудің орнықты дамуы бес жыл ішінде өндірістің 1,8 есе өсуін қамтамасыз етті Тұтастай Еуразиялық экономикалық одақ бойынша 2022 жылдың қорытындысымен акваөсіру өнімінің өндірісі 450 мың тоннаға жетті. Еуразиялық экономикалық комиссияның Агроөнеркәсіптік саясат департаментінің директоры Армен Арутюнян бұл туралы акваөсіру бойынша өткен "Бірыңғай экономикалық кеңістік жағдайында акваөсірудің дамуы. Сын-қатерлер мен шешімдер" атты конференцияда мәлімдеді. Іс-шара Санкт-Петербургте VI Халықаралық балық өнеркәсібі форумы - Балық индустриясы, теңіз өнімдері және технологиялар көрмесі (Global Fishery Forum & Seafood Expo Russia 2023) шеңберінде болып өтті. "Акваөсіру өндірісі Еуразиялық кеңістікте азық-түлік қауіпсіздігін қамтамасыз етуде, сауда-экономикалық ынтымақтастықты дамытуда және тұтыну нарығын сапалы балық өнімдерінің кең ассортиментімен толтыруда айтарлықтай әлеуетке ие",- деп атап өтті Армен Арутюнян. ЕЭК өкілінің сөзінше, балық шаруашылығы кешені саласындағы интеграциялық ынтымақтастықтың басымдықтарының бірі - мүше мемлекеттердің арнайыландырылған жемшөп, балық өсіру материалы, дәрілік заттар, жабдықтар өндіру жөніндегі кооперациялық жобаларын іске асыру, заңнамалық және нормативтік қамтамасыз етуді жетілдіру мәселелері. ЕАЭО елдерінің білім беру ұйымдарының агроөнеркәсіптік кешен саласында, соның ішінде балық шаруашылығы қызметінде қазіргі заманғы әдістер мен технологияларды ендіру бойынша салалық мамандарды даярлаудың бірлескен бағдарламаларын іске асыру кезінде академиялық ұтқырлықты дамытуы да Комиссия қызметінің перспективалық бағыты болып табылады. Анықтама Мүше мемлекеттердің ынтымақтастығын дамыту және ЕАЭО-да балық шаруашылығы қызметін дамытудың жалпы бағдарларын қамтамасыз ету мақсатында Комиссия Алқасы 2020 жылғы 21 сәуірдегі № 8 "ЕАЭО-ға мүше мемлекеттердің акваөсіру саласындағы ынтымақтастығын дамыту туралы" және 2022 жылғы 23 мамырдағы № 21 "ЕАЭО-ға мүше мемлекеттерде акваөсіру мен балық шаруашылығының орнықты дамуын қамтамасыз етуге орайлас жалпы қағидаттар мен тәсілдемелер туралы" ұсыным қабылдады

29 Sep 2023 ЕАЭО-ның «Тасымалдауға және (немесе) пайдалануға дайындалған мұнайдың қауіпсіздігі туралы» техникалық регламентіне өзгерістер күшіне енеді

28 Sep 2023 Бақытжан Сағынтаев: "ЕАЭО елдері зейнетақымен қамсыздандыру саласындағы өзара іс-қимылды электрондық форматқа көшіреді" Еуразиялық экономикалық комиссияның Экономика және қаржы саясаты жөніндегі министрі Бақытжан Сағынтаев бұл туралы 28 қыркүйекте Алматыда (Қазақстан) өткен Жоғары деңгейдегі халықаралық дөңгелек үстел отырысында сөйлеген сөзінде айтты. Пікірсайыс зейнетақы жүйелерінің оңтайлы және орнықты модельдерін іздестіруге, сондай-ақ міндетті жинақтаушы және аралас жүйелердің даму перспективаларына арналды. ЕЭК Экономика және қаржы саясаты жөніндегі министрі Бақытжан Сағынтаев дөңгелек үстелге қатысушыларға 2021 жылғы 1 қаңтарда күшіне енген Еуразиялық экономикалық одақ елдерінің еңбекшілерін зейнетақымен қамсыздандыру туралы келісімнің құқықтық қолдану практикасы туралы айтып берді. Ол ЕАЭО елдері қазіргі уақытта еңбекшілерді зейнетақымен қамсыздандыру саласындағы өзара іс-қимылды Одақтың интеграцияланған ақпараттық жүйесін пайдалана отырып жүзеге асырылатын электрондық форматқа көшіру бойынша белсенді жұмыс жүргізіп жатқанын атап өтті. "Бұл жұмысты аяқтау зейнетақы тағайындау мен төлеуге байланысты барлық рәсімді айтарлықтай оңайлатады, ақпаратты қорғаудың тиісті деңгейін ұстап тұруды қамтамасыз етеді, сондай-ақ азаматтардың зейнетақы тағайындауға және төлеуге арналған өтініштерін қарау мерзімдерін қысқартады", - деп атап көрсетті Бақытжан Сағынтаев. Іс-шара барысында халықты әлеуметтік қорғау жүйесін жетілдіру мәселелерінде барлық мүдделі тараптың ынтымақтастығын дамытудың маңыздылығы атап өтілді. "ЕАЭО-дағы еңбек көші-қонының оң серпіні еңбек және әлеуметтік кепілдіктерді іске асыру мәселелерінің басымдығын талап етеді. Осыған байланысты әлеуметтік, соның ішінде зейнетақымен қамсыздандыру мәселелері ЕАЭО елдері арасындағы интеграциялық процестерде маңызды рөл атқарады", - деп мәлімдеді ЕЭК министрі.      Анықтама Жоғары деңгейдегі халықаралық дөңгелек үстел Алматыда Қазақстанның Бірыңғай жинақтаушы зейнетақы қоры мен Халықаралық әлеуметтік қамсыздандыру қауымдастығының қолдауы аясында өткізілді. Бұл Қазақстан Республикасының жинақтаушы зейнетақы жүйесінің 25 жылдығын мерекелеуге орайластырылды. Іс-шара барысында Швейцария, Чили, Австралия, Қытай, Сауд Арабиясы, Сингапур, Израиль, Уругвай, Канада, Италия және басқа елдердің сарапшыларының, сондай-ақ Экономикалық ынтымақтастық және даму ұйымының, Халықаралық әлеуметтік қамсыздандыру қауымдастығының, Дүниежүзілік банктің және т.б. өкілдерінің арасында тәжірибе және білім алмасу болып өтті.

Жаңалықтар

ЕАЭО ресурстары

ЕЭК әлеуметтік желілерде