Նորություններ

Հունիսի 13-ին Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը ԵՏՀ կենտրոնակայանում բանակցություններ է վարել Կուբայի Հանրապետության նախարարների խորհրդի փոխնախագահ, արտաքին առևտրի և օտարերկրյա ներդրումների նախարար Ռիկարդո Ռուիս Կաբրիսասի հետ։

Հանդիպման ընթացքում կողմերը քննարկել են ինտեգրացիոն փոխգործակցության օրակարգի հարցերի լայն շրջանակ։

«Կուբայի Հանրապետությունը Լատինական Ամերիկայում և Կարիբյան ավազանում ԵԱՏՄ-ի առանցքային գործընկերներից է։ Միաժամանակ, երկիրը ջանքերն ուղղում է մեր համագործակցության ընդլայնմանը», – նշել է Բակիտժան Սագինտաևը։

Կողմերը փոխգործակցում են Հանձնաժողովի և Կուբայի Հանրապետության կառավարության համատեղ միջոցառումների պլանի շրջանակներում, որն ընդգրկում է համագործակցության 34 ուղղություն, ներառյալ առևտուրը, բանկային գործունեությունը, ֆինանսները, կենսատեխնոլոգիաները, գյուղատնտեսությունը, տեղեկատվական և հաղորդակցական տեխնոլոգիաները: Կուբայի հետ ԵԱՏՄ ապրանքաշրջանառությունը 2023 թվականին կազմել է 290 մլն դոլար։

ԵՏՀ կոլեգիայի նախագահը հայտնել է, որ Հանձնաժողովը ներկայումս ինտեգրացիոն միավորման երկրների հետ համատեղ ուսումնասիրում է ԵԱՏՄ-ի շրջանակներում առանձին պայմանագրերին դիտորդ պետությունների միանալու հնարավորությունը, ինչպես նաև նրանց մասնակցությունը կոնկրետ կոոպերացիոն և ենթակառուցվածքային նախագծերին։

Կողմերի կարծիքով՝ կարևոր է ձեռնարկատերերի երկխոսության խորացումը։ Առևտրատնտեսական փոխգործակցության ինտենսիվացմանը կնպաստի ԵԱՏՄ գործարար խորհրդի և Կուբայի առևտրի պալատի միջև համագործակցության մասին համաձայնագրի իրականացումը։