Жаңылыктар
ЕЭК жана ЕАЭБдин Ишкер кеңеши Бирликте өнөр жай операциясын өнүктүрүү боюнча биргелешкен иш жөнүндө макулдашышты
Экономиканын реалдуу секторун колдоонун жаңы чаралары, жаңы өнөр жай долбоорлорун түзүү үчүн Евразия экономикалык бирлигинин өлкөлөрүнүн ишкерлеринин натыйжалуу өз ара иштешүүсү Санкт-Петербург шаарында өткөн Евразия экономикалык комиссиясынын жана ЕАЭБдин Ишкер кеңешинин өз ара иштешүүсү боюнча Консультативдик кеңештин отурумунун күн тартибинде негизги маселелер болду.
ЕЭКтин өнөр жай жана агроөнөр жай комплекси боюнча министри Артак Камалян Бирликте өнөр жай кооперациялык долбоорлорун каржылоонун жаңы кабыл алынган механизминин кеңири презентациясы менен чыгып сүйлөдү. ЕЭК министри иш-чаранын катышуучуларын долбоорлорду тандоо критерийлери, аларды кароо эрежелери менен кеңири тааныштырды, долбоорлорду жүзөгө ашыруу үчүн өнөр жайдын кыйла артыкчылыктуу тармактарынын тизмесин келтирди.
"Биз кабыл алган чечимдерди имплементациялоо ЕАЭБдеги интеграциялык өз ара иштешүүнү сапаттуу жогорулатууга мүмкүндүк берет деп ишенем", – деп белгиледи Артак Камалян.
ЕЭК министри иш-чараны жогорку деңгээлде уюштургандыгы үчүн ЕАЭБдин Ишкер Кеңешине ыраазычылык билдирди, ошондой эле жолугушуунун жүрүшүндө суроолорго жооп берип жатып, өнөр жайды колдоонун жаңы чараларынын жардамы менен ишке ашырылышы мүмкүн болгон келечектүү кооперациялык долбоорлордун пулун түзүү боюнча иште бизнестин маанилүү ролун белгиледи. Ошондой эле ал Бирлик мамлекеттеринин ишкер чөйрөлөрүнүн координациялык-кеңешме органы бизнес-демилгелерге эксперттик баа берүүнүн баалуу ресурсуна ээ экендигин жана бул фактор Комиссиянын ЕАЭБдин Ишкер кеңеши менен мындан ары өз ара иштешүүсүндө негизги факторлордун бири болорун баса белгиледи.
Артак Камалян ЕЭК ЕАЭБдин бизнеси менен жигердүү кызматташууга кызыкдар экендигин баса белгилеп, ишкер чөйрөлөрдүн ЕАЭБ бюджетинен каржылык колдоо мүмкүнчүлүгү жөнүндө маалымдуулугун жогорулатуу боюнча ишти улантууга даяр экендигин белгилеп өттү. Алсак, 11-декабрда саат 11.00дө Россия Федерациясынын Соода-өнөр жай палатасынын аянтчасында өнөр жай кооперациясын өнүктүрүү үчүн жаңы механизмдин ачык презентациясы өтөт.
"Биз ЕАЭБ өлкөлөрүнүн кооперациялык долбоорлорду түзүүгө кызыкдар жана каржылык көмөккө муктаж болгон бардык ишкерлерин диалогго чакырабыз", – деп жыйынтыктады ЕЭК министри.
