Жаңылыктар
20-декабрдан тарта дары-дармек препараттарын өндүрүүчүлөр аларды ЕАЭБдин жалпы рыногунун бирдиктүү эрежелери боюнча жөнөкөйлөтүлгөн тартипте жүгүртүүгө өткөрө алышат
20-декабрда Медициналык колдонуу үчүн дары-дармек каражаттарын каттоо жана экспертизалоо эрежелерине өзгөртүүлөр күчүнө кирет, алар дары-дармек препараттарынын каттоо досьелерин Евразия экономикалык бирлигинин талаптарына ылайык келтирүү жол-жоболорун жөнөкөйлөштүрөт.
Өзгөртүүлөрдө бизнес-коомдоштуктун жана ЕАЭБдин бардык өлкөлөрүндө дары-дармектерди жүгүртүү чөйрөсүндөгү ыйгарым укуктуу органдардын (эксперттик уюмдардын) консолидацияланган сунуштары эске алынды.
Жол-жобо жалпысынан жөнөкөйлөтүлдү, ал эми документтердин бир бөлүгү үчүн аларды берүүнүн мөөнөтүн кийинкиге жылдыруу киргизилген.
Атап айтканда, ЕАЭБдин дары-дармек каражаттарынын жалпы рыногунун каттоо жол-жоболорунун бирин актуалдаштыруунун натыйжалары боюнча – дары-дармек препаратынын каттоо досьесин ЕАЭБдин талаптарына шайкеш келтирүү жол-жоболору:
референттик мамлекетте беш жылдан ашык катталган дары-дармек препараттары үчүн мөөнөтсүз каттоо күбөлүктөрүн берүү мүмкүнчүлүгү кеңейтилди;
дары-дармек препаратынын каттоо досьесине өзгөртүүлөрдү аны таануу-мамлекеттеринде кароо жол-жобосу менен бир убакта киргизүүгө уруксат берилет, бул өндүрүүчүнүн досьесин актуалдаштырууну тездетүүгө жана өзгөртүүлөрдү киргизүүнүн параллелдүү жол-жобосун баштоого анын чыгымдарын азайтууга мүмкүндүк берет;
бир катар кайталанган же бири-бирин толуктап турган документтерди алып салуунун эсебинен шайкеш келтирүү жол-жобосу үчүн каттоо досьесинин курамында берилүүчү документтердин тизмеси оптималдаштырылды, ыйгарым укуктуу орган документтердин бир бөлүгүн каттоодон кийинки режимде дары-дармек препаратынын сапатын, коопсуздугун жана натыйжалуулугун баалоо үчүн зыян келтирбестен кароого мүмкүнчүлүк түзүлдү;
ыйгарым укуктуу органдын суроо-талабы боюнча киргизилиши мүмкүн болгон дары-дармек препараттарын колдонуунун коопсуздугунун кошумча чаралары белгиленди.
Дары-дармек препараттарынын каттоо досьелерин ЕАЭБ талаптарына ылайык келтирүү боюнча иштер ЕАЭБ эрежелери боюнча бардык каттоо иштеринин 60%га жакынын түзөт. Өзгөртүүлөр өндүрүүчүлөрдүн улуттук рыноктун сегментинен бирликтик сегментке өтүшүн тездетери жана ЕАЭБ мүчө мамлекеттеринде жүгүртүлүүчү дары-дармектердин ассортиментин кеңейтүүгө оң таасирин тийгизери күтүлөт.
Маалымат
ЕАЭБдин мүчө мамлекеттеринин мыйзамдары боюнча катталган дары-дармек препараттарынын каттоо досьелери 2025-жылдын 31-декабрына чейин ЕАЭБдин талаптарына ылайык келтирилиши керек.
Дары-дармек препараттарынын каттоо досьелерин келтирүү жол-жоболорун жөнөкөйлөтүү ЕЭК Кеңешинин 2023-жылдын 20-октябрындагы №114 "Медициналык колдонуу үчүн дары каражаттарын каттоо жана экспертизалоо эрежелерине өзгөртүүлөрдү киргизүү жөнүндө" чечими менен каралган. Өндүрүүчүлөрдүн жол-жобого болгон суроо-талабын эске алуу менен анын күчүнө кирүү мөөнөтүн кыскартуу Комиссиянын Кеңешинин 2023-жылдын 24-ноябрындагы № 142 Чечими менен каралган.
